ನಿಮ್ಮ DNAಯಲ್ಲೇ ಇದೆ ಕಾಯಿಲೆಯ ಅಪಾಯ! ಜಗತ್ತಿನ ಬಹುಪಾಲು ಜನರಿಗೆ ಮೂರು ರೋಗಗಳ ಆನುವಂಶಿಕ ಭೀತಿ

ಜೀನ್ ಗಳಲ್ಲಿ ಕಾಯಿಲೆಯ ಅಪಾಯವಿದೆ ಎಂದಾಕ್ಷಣ ಆ ಕಾಯಿಲೆ ಬಂದೇ ಬರುತ್ತದೆ ಎಂದಲ್ಲ. ಜೀನ್ ಅಪಾಯ ಕೇವಲ ಒಂದು ಸಾಧ್ಯತೆಯಷ್ಟೇ. ನಿಮ್ಮ ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಪರಿಸರವು ಆ ಕಾಯಿಲೆ ಬರದಂತೆ ತಡೆಯಬಹುದು.

ವಿಶ್ವದ ಬಹುತೇಕ ಜನರನ್ನು ಮಧುಮೇಹ, ಹೃದಯರಕ್ತನಾಳದ ಕಾಯಿಲೆ ಮತ್ತು ಸ್ಕಿಜೋಫ್ರೇನಿಯಾ ಸೇರಿದಂತೆ 28 ಸಾಮಾನ್ಯ ಕಾಯಿಲೆಗಳಲ್ಲಿ ಕನಿಷ್ಠ ಮೂರು ಕಾಯಿಲೆಗಳಿಗೆ ‘ಹೆಚ್ಚಿನ ಜೀನ್ ಅಪಾಯ’ ಹೊಂದಿರುವವರೆಂದು ವರ್ಗೀಕರಿಸಬಹುದು. ಅಂದರೆ, ನಾವೆಲ್ಲರೂ ಹೊರಗಿನಿಂದ ಆರೋಗ್ಯವಾಗಿ ಕಂಡರೂ ನಮ್ಮ DNA ರಚನೆಯಲ್ಲಿ ಯಾವುದಾದರೊಂದು ಕಾಯಿಲೆ ಬರುವ ಸಾಧ್ಯತೆ ಅಡಗಿರುತ್ತದೆ. ಸರಾಸರಿ ಮನುಷ್ಯನ ಜೀನೋಮ್ ನಲ್ಲಿ ಕನಿಷ್ಠ ಮೂರು ದೊಡ್ಡ ಕಾಯಿಲೆಗಳ ಅಪಾಯದ ಲಕ್ಷಣಗಳು ಇದ್ದೇ ಇರುತ್ತವೆ. ಹಾಗೆಂದು ಜೀನ್ ಗಳಲ್ಲಿ ಕಾಯಿಲೆಯ ಅಪಾಯವಿದೆ ಎಂದಾಕ್ಷಣ ಆ ಕಾಯಿಲೆ ಬಂದೇ ಬರುತ್ತದೆ ಎಂದಲ್ಲ. ಜೀನ್ ಅಪಾಯ ಕೇವಲ ಒಂದು ಸಾಧ್ಯತೆಯಷ್ಟೇ. ನಿಮ್ಮ ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಪರಿಸರವು ಆ ಕಾಯಿಲೆ ಬರದಂತೆ ತಡೆಯಬಹುದು.

ಯುನೈಟೆಡ್ ಕಿಂಗ್ಡಂನ ಎಕ್ಸೆಟರ್ ವಿಶ್ವವಿದ್ಯಾಲಯದ ನೇತೃತ್ವದ ಸಂಶೋಧಕರು ‘ಸರಾಸರಿ’ ಮಾನವ ಜಿನೋಮ್ ಅನ್ನು ವಿವರಿಸಿದ್ದು, ಪ್ರತಿಯೊಬ್ಬ ವ್ಯಕ್ತಿಯೂ ಅವರ ಪ್ರಸ್ತುತ ಆರೋಗ್ಯ ಸ್ಥಿತಿ ಏನೇ ಇದ್ದರೂ, ಅವರ ತಳಿಶಾಸ್ತ್ರದ ಆಧಾರದ ಮೇಲೆಯೇ ಅನೇಕ ಕಾಯಿಲೆಗಳ ಅಪಾಯವನ್ನು ಹೊಂದಿದ್ದಾರೆ ಎಂದು ಪರಿಗಣಿಸಬಹುದು ಎಂದು ಹೇಳಿದ್ದಾರೆ. ‘ಜಿನೋಮ್ ಮೆಡಿಸಿನ್’ ಜರ್ನಲ್ನಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಪ್ರತಿಯೊಬ್ಬ ವ್ಯಕ್ತಿಯ ಜಿನೋಮ್ ಅಥವಾ ಸರಾಸರಿ ಮಾನವ ಜಿನೋಮ್ ಸುಮಾರು 50 ಲಕ್ಷ (5 ಮಿಲಿಯನ್) ರೂಪಾಂತರಗಳನ್ನು (ವೇರಿಯಂಟ್ ಗಳನ್ನು) ಅಥವಾ ವ್ಯಕ್ತಿಗಳ ನಡುವೆ ಭಿನ್ನವಾಗಿರುವ DNA ಸ್ಥಳಗಳನ್ನು ಹೊಂದಿರುತ್ತದೆ.

ಈ DNA ಸ್ಥಳಗಳು ಜೀನ್ ಅನುಕ್ರಮಗಳನ್ನು ಬದಲಿಸುವ ಸುಮಾರು 10,000 ರೂಪಾಂತರಗಳನ್ನು ಒಳಗೊಂಡಿವೆ. ಇವು ಲ್ಯಾಕ್ಟೋಸ್ ಅಸಹಿಷ್ಣುತೆಯಿಂದ ತೊಡಗಿ ಔಷಧ ಪ್ರತಿಕ್ರಿಯೆಯವರೆಗೆ ಅನೇಕ ಧನಾತ್ಮಕ ಮತ್ತು ಋಣಾತ್ಮಕ ಪರಿಣಾಮಗಳನ್ನು ಬೀರುತ್ತವೆ. ಆದರೂ, ಅವು ಸಾಮಾನ್ಯವಾಗಿ ಜೈವಿಕವಾಗಿ ತಟಸ್ಥವಾಗಿವೆ ಎಂದು ಸಂಶೋಧಕರು ತೋರಿಸಿದ್ದಾರೆ. ಪ್ರತಿಯೊಬ್ಬ ವ್ಯಕ್ತಿಯಲ್ಲೂ ಗಂಭೀರ ಅನುವಂಶಿಕ ಕಾಯಿಲೆಗಳನ್ನು ಉಂಟುಮಾಡುತ್ತವೆ ಎಂದು ಈ ಹಿಂದೆ ತೋರಿಸಲಾದ ಒಂದರಿಂದ ಮೂರು ಅಪರೂಪದ ರೂಪಾಂತರಗಳು ಮತ್ತು ಪ್ರಸ್ತುತ ಅನಿಶ್ಚಿತ ವೈದ್ಯಕೀಯ ಪ್ರಸ್ತುತತೆಯನ್ನು ಹೊಂದಿರುವ ಮತ್ತೊಂದು 50 ಅಪರೂಪದ ರೂಪಾಂತರಗಳು ಇರುತ್ತವೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.

ಈ ಅಧ್ಯಯನಕಾರರ ತಂಡವು ಎರಡು ಪ್ರಮುಖ ಜನಸಂಖ್ಯಾ ಬಯೋಬ್ಯಾಂಕ್ ಗಳಾದ ಯುಕೆ ಬಯೋಬ್ಯಾಂಕ್ ಮತ್ತು ಅಮೆರಿಕದ ಆಲ್ ಆಫ್ ಅಸ್ ನಿಂದ ದತ್ತಾಂಶವನ್ನು ವಿಶ್ಲೇಷಿಸಿದೆ. ಇದರಲ್ಲಿ ಸಂಪೂರ್ಣ ಜಿನೋಮ್ ಅನುಕ್ರಮವೂ ಸೇರಿದ್ದು, ಸುಮಾರು ಒಂದು ಮಿಲಿಯನ್ ವ್ಯಕ್ತಿಗಳನ್ನು ಒಳಗೊಂಡಿದೆ. ಎಕ್ಸೆಟರ್ ವಿಶ್ವವಿದ್ಯಾಲಯದ ಹಿರಿಯ ಲೇಖಕಿ ಕ್ಯಾರೋಲಿನ್

ಸಂಶೋಧಕರು ಹಲವಾರು ಪಾಲಿಜೆನಿಕ್ ಅಪಾಯದ ಸ್ಕೋರ್ ಗಳನ್ನು ಸಹ ವಿಶ್ಲೇಷಿಸಿದ್ದಾರೆ. ಇದು ವ್ಯಕ್ತಿಯು ಭವಿಷ್ಯದಲ್ಲಿ ರೋಗಕ್ಕೆ ತುತ್ತಾಗುವ ಅಪಾಯವನ್ನು ಲೆಕ್ಕಾಚಾರ ಮಾಡಲು ತಿಳಿದಿರುವ ಎಲ್ಲ ಅನುವಂಶಿಕ ಅಂಶಗಳನ್ನು ಪರಿಗಣಿಸುತ್ತದೆ. ಅಧ್ಯಯನಗಳು ದೊಡ್ಡದಾಗಿದ್ದರೂ, ಭಾಗವಹಿಸಿದವರಲ್ಲಿ ಪಶ್ಚಿಮ ಯುರೋಪಿಯನ್ ಮೂಲದ ಜನರ ಪ್ರಮಾಣ ಹೆಚ್ಚಿತ್ತು. ತಿಳುವಳಿಕೆ ಮತ್ತು ಪ್ರಭಾವವನ್ನು ಮತ್ತಷ್ಟು ಸುಧಾರಿಸಲು ಹೆಚ್ಚು ವೈವಿಧ್ಯಮಯ ಜನಸಂಖ್ಯೆಯ ದತ್ತಾಂಶದ ಅಗತ್ಯವಿದೆ ಎಂದು ಸಂಶೋಧಕರು ಒಪ್ಪಿಕೊಂಡಿದ್ದಾರೆ.