FIFA ವಿಶ್ವಕಪ್ ನಲ್ಲಿ ಫುಟ್ಬಾಲ್ ಆಟಗಾರರು ಗುಲಾಬಿ ಬಣ್ಣದ ಬೂಟು ತೊಡುತ್ತಿರುವುದೇಕೆ?
Photo: k.mbappe/instagram
ತಂಡದ ಜೆರ್ಸಿ ಮತ್ತು ಸಾಕ್ಸ್ ಗಳ ಬಣ್ಣಕ್ಕೆ ವಿರುದ್ಧವಾಗಿರುವ ಬಣ್ಣವನ್ನು ಆರಿಸುವ ಮೂಲಕ ಬೂಟುಗಳು ಎದ್ದು ಕಾಣುವಂತೆ ಖಾತರಿಪಡಿಸಲಾಗಿದೆ.
ನೀವು FIFA ವಿಶ್ವಕಪ್ ವೀಕ್ಷಿಸುತ್ತಿದ್ದರೆ, ಪೋರ್ಚುಗಲ್ ನ ಕ್ರಿಸ್ಟಿಯಾನೊ ರೊನಾಲ್ಡೊ, ಫ್ರಾನ್ಸ್ನ ಕೈಲಿಯನ್ ಎಂಬಪೆ ಮತ್ತು ಇತರ ಆಟಗಾರರು ಗುಲಾಬಿ ಬಣ್ಣದ ಬೂಟುಗಳನ್ನು (ಕ್ಲೀಟ್ಸ್ ಅಥವಾ ಸಾಕರ್ ಶೂಗಳು) ಧರಿಸಿರುವುದನ್ನು ಗಮನಿಸಿರಬಹುದು. ಏಕೆ ಎಂದು ಅಚ್ಚರಿಯಾಗಿದೆಯೇ?
ನೈಕ್, ಅಡಿಡಾಸ್, ಪೂಮಾ, ನ್ಯೂ ಬ್ಯಾಲೆನ್ಸ್ ಮತ್ತು ಸ್ಕೆಚರ್ಸ್ ನಂತಹ ಬ್ರ್ಯಾಂಡ್ ಗಳು ಈ ಋತುವಿನಲ್ಲಿ ಇಂತಹ ಬಣ್ಣಗಳನ್ನು ಪರಿಚಯಿಸಲು ನಿರ್ಧರಿಸಿವೆ. ಇವು ಪರಿಚಯಿಸಿದ ಗುಲಾಬಿ ಬಣ್ಣದ ಬೂಟುಗಳ ಹಠಾತ್ ಅಲೆಯ ಪರಿಣಾಮವೇ ಫುಟ್ಬಾಲ್ ನಲ್ಲಿ ಕಂಡುಬಂದಿರುವ ಗುಲಾಬಿ ಬಣ್ಣದ ಶೂಗಳು. ವರದಿಗಳ ಪ್ರಕಾರ, ಗುಲಾಬಿ ಬಣ್ಣವು ಸಾಮಾನ್ಯವಾಗಿ ಆಯ್ಕೆಯ ಶೂ ಬಣ್ಣವಾಗಿರಲಿಲ್ಲ. ಅದನ್ನು ಹೆಚ್ಚಿನ ದೃಶ್ಯಗೋಚರತೆ ಹೊಂದಿರುವ ಹೈಟೆಕ್ ವಿನ್ಯಾಸದಲ್ಲಿ ತಯಾರಿಸಲಾಗಿದೆ.
ಮಾಧ್ಯಮಗಳೊಂದಿಗೆ ವಿವರ ಹಂಚಿಕೊಂಡ ನೈಕ್ ನ ಜಾಗತಿಕ ಫುಟ್ಬಾಲ್ ಪಾದರಕ್ಷೆಗಳ ತಂಡದ ಹಿರಿಯ ಕಾರ್ಯನಿರ್ವಾಹಕ ಅಧಿಕಾರಿ ಒಡಿಂಗಾ ನಿಮಾಕೊ ಅವರ ಪ್ರಕಾರ, ಗುಲಾಬಿ ಬಣ್ಣವನ್ನು ಹೆಚ್ಚಿನ ದೃಶ್ಯಗೋಚರತೆಗಾಗಿ ಕಾರ್ಯತಂತ್ರ ರೂಪಿಸಿ ಆಯ್ಕೆ ಮಾಡಲಾಗಿದೆ. ಗುಲಾಬಿ ಬಣ್ಣಕ್ಕೆ ಗರಿಷ್ಠ ದೃಶ್ಯಗೋಚರತೆ ಇರುತ್ತದೆ. ಇದು ಮೈದಾನದ ಹಸಿರು ಹುಲ್ಲಿನ ಹಿನ್ನೆಲೆಯ ವಿರುದ್ಧ ಪ್ರಕಾಶಮಾನವಾಗಿ ಕಾಣಿಸುತ್ತದೆ. ಹೀಗಾಗಿ ಆಟಗಾರರು ಕ್ರೀಡಾಂಗಣದಲ್ಲಿ ಅಭಿಮಾನಿಗಳ ಗಮನ ಸೆಳೆಯುತ್ತಾರೆ.
ಗುಲಾಬಿ ಬಣ್ಣದ ಆಯ್ಕೆಗೆ ಮತ್ತೊಂದು ಪ್ರಮುಖ ಕಾರಣವೆಂದರೆ, 2026ರ ವಿಶ್ವಕಪ್ ನಲ್ಲಿ ಸ್ಪರ್ಧಿಸುವ 48 ರಾಷ್ಟ್ರಗಳಲ್ಲಿ ಯಾವುದೂ ಗುಲಾಬಿ ಬಣ್ಣದ ಕಿಟ್ ಹೊಂದಿಲ್ಲ. ತಂಡದ ಜೆರ್ಸಿ ಮತ್ತು ಸಾಕ್ಸ್ ಗಳ ಬಣ್ಣಕ್ಕೆ ವಿರುದ್ಧವಾಗಿರುವ ಬಣ್ಣವನ್ನು ಆರಿಸುವ ಮೂಲಕ ಬೂಟುಗಳು ಎದ್ದು ಕಾಣುವಂತೆ ಖಾತರಿಪಡಿಸಲಾಗಿದೆ.
ಹಾಗೆಂದೇ ಎಲ್ಲರೂ ಈ ಬ್ರ್ಯಾಂಡ್ ಪ್ರಚಾರದಲ್ಲಿ ಪಾಲ್ಗೊಂಡಿಲ್ಲ. ಉದಾಹರಣೆಗೆ, ಅರ್ಜೆಂಟೀನಾದ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ತಮ್ಮ ದೇಶದ ಬಣ್ಣಗಳಿಗೆ ಹೊಂದಿಕೆಯಾಗುವ ಕಸ್ಟಮ್ ಬಿಳಿ ಮತ್ತು ನೀಲಿ ಬಣ್ಣದ ಬೂಟುಗಳನ್ನು ಧರಿಸುವುದನ್ನು ಮುಂದುವರಿಸಿದ್ದಾರೆ.
