ಭಾರತ ವಿರುದ್ಧ ಟ್ವೆಂಟಿ-20 ಸರಣಿ: ಲಂಕಾ ತಂಡ ಪ್ರಕಟ
Update: 2016-01-28 23:32 IST
ಕೊಲಂಬೊ, ಜ.28: ಭಾರತದ ವಿರುದ್ಧ ಫೆ.9ರಿಂದ ಆರಂಭವಾಗಲಿರುವ ಮೂರು ಪಂದ್ಯಗಳ ಟ್ವೆಂಟಿ-20 ಸರಣಿಗೆ ಶ್ರೀಲಂಕಾ ತಂಡವನ್ನು ಗುರುವಾರ ಪ್ರಕಟಿಸಲಾಗಿದೆ. ಹಿರಿಯ ಬೌಲರ್ ದಿಲ್ಹರ ಫೆರ್ನಾಂಡೊ 4 ವರ್ಷಗಳ ಬಳಿಕ ತಂಡಕ್ಕೆ ವಾಪಸಾಗಿ ಅಚ್ಚರಿ ಮೂಡಿಸಿದ್ದಾರೆ.
ಟ್ವೆಂಟಿ-20 ನಾಯಕ ಲಸಿತ್ ಮಾಲಿಂಗ, ಆಲ್ರೌಂಡರ್ ಆ್ಯಂಜೆಲೊ ಮ್ಯಾಥ್ಯುಸ್, ನುವಾನ್ ಕುಲಸೇಖರ ಇನ್ನೂ ಗಾಯದಿಂದ ಚೇತರಿಸಿಕೊಂಡಿಲ್ಲ. ಭಾರತ-ಲಂಕಾ ನಡುವಿನ ಟ್ವೆಂಟಿ-20 ಫೆ.9 ರಂದು ಪುಣೆಯಲ್ಲಿ ಆರಂಭವಾಗಲಿದ್ದು, ದಿಲ್ಲಿ(ಫೆ.22) ಹಾಗೂ ವಿಶಾಖಪಟ್ಟಣ(ಫೆ.14)ದಲ್ಲಿ ಇನ್ನೆರಡು ಪಂದ್ಯಗಳು ನಡೆಯಲಿವೆ.
ಶ್ರೀಲಂಕಾ ಟ್ವೆಂಟಿ-20 ತಂಡ:
ದಿನೇಶ್ ಚಾಂಡಿಮಲ್(ನಾಯಕ), ತಿಲಕರತ್ನೆ ದಿಲ್ಶನ್, ಸೀಕುಗೆ ಪ್ರಸನ್ನ, ಮಿಲಿಂದ ಸಿರಿವರ್ಧನ, ಡಿ. ಗುಣತಿಲಕ, ತಿಸರ ಪೆರೇರ, ಡಿ. ಶನಕ, ಎ. ಗುಣರತ್ನೆ, ಚಾಮರಾ ಕಪುಗಡೆರಾ, ಡಿ. ಚಾಮೀರ, ದಿಲ್ಹರ ಫೆರ್ನಾಂಡೊ, ಕಸುನ್ ರಜಿತ, ಬಿ. ಫೆರ್ನಾಂಡೊ, ಸಚಿತ್ರ ಸೇನನಾಯಕೆ, ಜೆಫ್ರೆ ವ್ಯಾಂಡರ್ಸೆ.