ಟ್ವೆಂಟಿ-20 ವಿಶ್ವಕಪ್ ಅಭ್ಯಾಸ ಪಂದ್ಯ; ಭಾರತಕ್ಕೆ ವಿಂಡೀಸ್ ವಿರುದ್ಧ ಜಯ

ಕೋಲ್ಕತಾ, ಮಾ.10: ಇಲ್ಲಿ ನಡೆದ ಟ್ವೆಂಟಿ-20 ವಿಶ್ವಕಪ್ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡ ವಿಂಡೀಸ್ ವಿರುದ್ಧ 45 ರನ್‌ಗಳ ಜಯ ಗಳಿಸಿದೆ.
ಗೆಲುವಿಗೆ 186 ರನ್‌ಗಳ ಸವಾಲನ್ನು ಪಡೆದ ವಿಂಡೀಸ್ ತಂಡ 19.2 ಓವರ್‌ಗಳಲ್ಲಿ 140 ರನ್‌ಗಳಿಗೆ ಆಲೌಟಾಯಿತು.
ಭಾರತದ ಮುಹಮ್ಮದ್ ಶಮಿ(2-30), ಪವನ್ ನೇಗಿ(2-15), ರವೀಂದ್ರ ಜಡೇಜ (2-26) , ಹಾರ್ದಿಕ್ ಪಾಂಡ್ಯ(2-25) , ಹರ್ಭಜನ್ ಸಿಂಗ್(1-12) ಮತ್ತು ಜಸ್ ಪ್ರೀತ್ ಬುಮ್ರಾ(1-6) ದಾಳಿಗೆ ಸಿಲುಕಿದ ವಿಂಡೀಸ್‌ಗೆ ಗೆಲುವಿನ ದಡ ತಲುಪಲು ಸಾಧ್ಯವಾಗಲಿಲ್ಲ.
ಕ್ರಿಸ್ ಗೈಲ್ (20) ತಂಡದ ಪರ ಗರಿಷ್ಠ ಸ್ಕೋರ್ ದಾಖಲಿಸಿದರು.
ಇದಕ್ಕೂ ಮೊದಲು ಭಾರತ ನಿಗದಿತ 20 ಓವರ್‌ಗಳಲ್ಲಿ 6ವಿಕೆಟ್‌ಗೆ 185 ರನ್ ಮಾಡಿತ್ತು. ರೋಹಿತ್ ಶರ್ಮ ಔಟಾಗದೆ 98ರನ್(57ಎ, 9ಬೌ,7ಸಿ), ಶಿಖರ್ ಧವನ್ 21ರನ್, ಯುವರಾಜ್ ಸಿಂಗ್ 31 ರನ್ ಗಳಿಸಿದರು.