ಕುಝ್ನೆಸೋವಾ-ಅಝರೆಂಕಾ ಫೈನಲ್ ಫೈಟ್

ಮಿಯಾಮಿ ಓಪನ್ ಟೆನಿಸ್

ಮಿಯಾಮಿ, ಎ.1: ಎರಡು ಬಾರಿ ಗ್ರಾನ್‌ಸ್ಲಾಮ್ ಚಾಂಪಿಯನ್ ಆಗಿರುವ ಸ್ವೆತ್ಲಾನಾ ಕುಝ್ನೆಸೋವಾ ಎಟಿಪಿ ಹಾಗೂ ಡಬ್ಲುಟಿಎ ಮಿಯಾಮಿ ಓಪನ್ ಟೆನಿಸ್ ಟೂರ್ನಿಯಲ್ಲಿ ಫೈನಲ್‌ಗೆ ತಲುಪಿದ್ದಾರೆ.

ಗುರುವಾರ ಇಲ್ಲಿ ನಡೆದ ಮಹಿಳೆಯರ ಸಿಂಗಲ್ಸ್‌ನ ಸೆಮಿ ಫೈನಲ್‌ನಲ್ಲಿ ರಶ್ಯದ ಕುರ್ನೆುಸೋವಾ ಅವರು ಸ್ವಿಸ್‌ನ ಟೈಮಿಯಾ ಬಾಸಿನ್‌ಸ್ಕಿ ಅವರನ್ನು 7-5, 6-3 ಸೆಟ್‌ಗಳ ಅಂತರದಿಂದ ಮಣಿಸಿದರು.

ಒಂದು ದಶಕದ ಹಿಂದೆ ಮಿಯಾಮಿ ಕಿರೀಟವನ್ನು ಧರಿಸಿದ್ದ 30ರ ಹರೆಯದ ಸ್ವೆತ್ಲಾನಾ ಶನಿವಾರ ನಡೆಯಲಿರುವ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ವಿಶ್ವದ ಮಾಜಿ ನಂ.1 ಆಟಗಾರ್ತಿ ವಿಕ್ಟೋರಿಯಾ ಅಝರೆಂಕಾರನ್ನು ಎದುರಿಸಲಿದ್ದಾರೆ.

ಮತ್ತೊಂದು ಸೆಮಿ ಫೈನಲ್‌ನಲ್ಲಿ ಬೆಲಾರಿಸ್‌ನ ಅಝರೆಂಕಾ ಆಸ್ಟ್ರೇಲಿಯನ್ ಓಪನ್ ಚಾಂಪಿಯನ್ ಆ್ಯಂಜೆಲಿಕ್ ಕರ್ಬರ್‌ರನ್ನು ಮಣಿಸಿದ್ದರು.

2004ರ ಯುಎಸ್ ಓಪನ್ ಹಾಗೂ 2009ರ ಫ್ರೆಂಚ್ ಓಪನ್ ಚಾಂಪಿಯನ್ ಆಡಿರುವ ಕುಝ್ನೆಸೋವಾ ವೃತ್ತಿಜೀವನದಲ್ಲಿ 38ನೆ ಬಾರಿ ಫೈನಲ್‌ಗೆ ತಲುಪಿದ್ದು, ಕಳೆದ ಜನವರಿಯಲ್ಲಿ ಸಿಡ್ನಿಯಲ್ಲಿ 16ನೆ ಬಾರಿ ಡಬ್ಲ್ಯುಟಿಎ ಪ್ರಶಸ್ತಿ ಜಯಿಸಿದ್ದರು.