ಇಸ್ಲಾಮಿಕ್ ಚಿಕಿತ್ಸಾ ಪದ್ಧತಿ ಹಿಜಾಮದಿಂದ ಪ್ರಯೋಜನ ಪಡೆದ ಸರ್ವ ಶ್ರೇಷ್ಠ ಒಲಿಂಪಿಯನ್ ಮೈಕಲ್ ಫೆಲ್ಪ್ಸ್

ರಿಯೊ ಡಿ ಜನೈರೊ, ಆ.9: ದಾಖಲೆಯ 19 ಚಿನ್ನದ ಸಹಿತ 23 ಒಲಿಂಪಿಕ್ಸ್ ಪದಕಗಳ ಸರದಾರ, ಚಿನ್ನದ ಮೀನು ಎಂಬ ಹೆಗ್ಗಳಿಕೆಯ ಮೈಕೆಲ್ ಫೆಲ್ಪ್ಸ್
ಒಲಿಂಪಿಕ್ ನಗರದಲ್ಲಿ ಹೊಸದೊಂದು ಟ್ರೆಂಡ್ ಹುಟ್ಟುಹಾಕಿದ್ದಾರೆ. ಏನು ಗೊತ್ತೇ? ಇವರು ಚಿಕಿತ್ಸೆ ಪಡೆದ ಇಸ್ಲಾಮಿಕ್ ಹಾಗೂ ಮಧ್ಯ ಪ್ರಾಚ್ಯ ಪದ್ಧತಿಯ ಚಿಕಿತ್ಸಾ ಪದ್ಧತಿ ಹಿಜಾಮ ಇದೀಗ ಒಲಿಂಪಿಕ್ ಗ್ರಾಮದಲ್ಲಿ ಜನಪ್ರಿಯವಾಗುತ್ತಿದೆ.

ಈ ಚಿಕಿತ್ಸಾ ಪದ್ಧತಿಯನ್ನು ಕಪ್ಪಿಂಗ್ ಎಂದೂ ಕರೆಯಲಾಗುತ್ತಿದ್ದು, ಅರೆಬಿಕ್‌ನಲ್ಲಿ ಹಿಜಾಮಾ ಎನ್ನುತ್ತಾರೆ. ಈ ಚಿಕಿತ್ಸಾ ಪದ್ಧತಿಯಲ್ಲಿ ಒಂದು ಗ್ಲಾಸ್ ಅಥವಾ ಪ್ಲಾಸ್ಟಿಕ್ ಕಪ್ ಚಿಕಿತ್ಸಾ ಸಾಧನ. ರೋಗಿಗೆ ಅಸ್ವಸ್ಥತೆ ಇರುವ ಜಾಗಕ್ಕೆ ಈ ಕಪ್ ಇಟ್ಟು, ಬಿಸಿ ಹಾಗೂ ಹೀರುವ ವಿಧಾನದ ಮೂಲಕ ನಿರ್ವಾತ ಸೃಷ್ಟಿಸಲಾಗುತ್ತದೆ ಇದರಿಂದಾಗಿ ಚರ್ಮವನ್ನು ಸ್ನಾಯುವಿನಿಂದ ಹೊರಕ್ಕೆ ಎಳೆಯಲಾಗುತ್ತದೆ. ಇದು ಆಮ್ಲಜನಕಯುಕ್ತ ರಕ್ತವನ್ನು ಆ ಪ್ರದೇಶಕ್ಕೆ ಹರಿಸಲು ಸಹಾಯಕವಾಗುತ್ತದೆ. ಇದು ತೀವ್ರ ತೀಡಿದಂಥ ಅನುಭವ ನೀಡುತ್ತದೆ.

ಒಲಿಂಪಿಕ್ಸ್‌ನಲ್ಲಿ 19ನೆ ಚಿನ್ನದ ಪದಕ ಗೆದ್ದ ಫೆಲ್ಪ್ಸ್‌ಗೆ ಕೂಟದ ದಿನ ಮುಂಜಾನೆ ಭುಜದಲ್ಲಿ ತೀಡುವಿಕೆ ಚಿಕಿತ್ಸೆ ಪಡೆಯುತ್ತಿದ್ದುದನ್ನು ಕಂಡ ಹಲವು ಮಂದಿ ಈ ಪ್ರಾಚೀನ ಚಿಕಿತ್ಸಾ ಪದ್ಧತಿಯನ್ನು ಅನುಸರಿಸುತ್ತಿದ್ದೀರಾ ಎಂದು ಪ್ರಶ್ನಿಸಿದರು.

ಸಂಶೋಧಕರ ಪ್ರಕಾರ ಈ ಕಪ್ಪಿಂಗ್ ವಿಧಾನ ಕ್ರಿಸ್ತಪೂರ್ವ 1,500ರ ವೇಳೆಗೆ ಚೀನಾ ಹಾಗೂ ಗ್ರೀಸ್‌ನಲ್ಲಿ ಬಳಕೆಯಲ್ಲಿತ್ತು. ಅಮೆರಿಕದ ಜಿಮ್ನಾಸ್ಟ್ ನಡ್ಡೌರ್ ಈ ಚಿಕಿತ್ಸೆಯ ಲಾಭವನ್ನು ರಿಯೊದಲ್ಲಿ ಪಡೆದ ಮತ್ತೊಬ್ಬ ಅಥ್ಲೀಟ್. ಈ ಚಿಕಿತ್ಸೆಯ ಮೂಲ ಇಸ್ಲಾಂನಲ್ಲಿದ್ದು. ಹಲವು ಬಾರಿ ಪ್ರವಾದಿ ಮುಹಮ್ಮದ್ ಈ ಬಗ್ಗೆ ಉಲ್ಲೇಖಿಸಿದ್ದಾರೆ. ನೀವು ಪಡೆಯಬಹುದಾದ ಅತ್ಯುತ್ತಮ ಚಿಕಿತ್ಸೆ ಎಂದರೆ ಹಿಜಾಮಾ ಎಂದು ಉಲ್ಲೇಖಿಸಿದ್ದಾರೆ.

ಇದು ಕೇವಲ ಸ್ಟಾಟ್ ಅಥ್ಲೀಟ್‌ಗಳಿಗೆ ಮಾತ್ರವಲ್ಲ. ಹಲವು ಸ್ಪಾಗಳು ಕೆಲ ನೂರು ಡಾಲರ್‌ಗಳಿಗೆ ಈ ಚಿಕಿತ್ಸೆಯನ್ನು ಹಲವಾರು ಮಂದಿಗೆ ನೀಡುತ್ತಾರೆ. ಈ ಚಿಕಿತ್ಸಾ ಕಪ್‌ಗಳು 15 ಡಾಲರ್‌ಗೆ ಆನ್‌ಲೈನ್‌ನಲ್ಲಿ ಲಭ್ಯವಿದ್ದು, ಅದರ ಮೂಲಕ ಮನೆಯಲ್ಲೂ ಈ ಚಿಕಿತ್ಸಾ ಪದ್ಧತಿಯನ್ನು ಬಳಸಬಹುದು.