ಈ ವರ್ಷ ಇಂಗಾಲ ಹೊರಸೂಸುವಿಕೆ ಪ್ರಮಾಣ 2 ಶೇ. ಹೆಚ್ಚು
Update: 2017-11-13 16:29 GMT
ಬಾನ್ (ಜರ್ಮನಿ), ನ. 13: ಈ ವರ್ಷ ಜಾಗತಿಕ ಇಂಗಾಲದ ಡೈ ಆಕ್ಸೈಡ್ ಬಿಡುಗಡೆ ಪ್ರಮಾಣ 2 ಶೇಕಡದಷ್ಟು ಹೆಚ್ಚಲಿದ್ದು, ನೂತನ ದಾಖಲೆಯಾಗಲಿದೆ ಎಂದು ವಿಜ್ಞಾನಿಗಳು ಸೋಮವಾರ ಹೇಳಿದ್ದಾರೆ.
ಇಂಗಾಲ ಹೊರಸೂಸುವಿಕೆಯ ಮಟ್ಟ 2014ರಿಂದ 2016ರವರೆಗೆ ಹೆಚ್ಚುಕಡಿಮೆ ಒಂದೇ ಮಟ್ಟದಲ್ಲಿತ್ತು. ಆದರೆ, ಚೀನಾದಲ್ಲಿ ಎರಡು ವರ್ಷಗಳ ಇಳಿಮುಖದ ಬಳಿಕ ಈ ಬಾರಿ ಇಂಗಾಲ ಹೊರಸೂಸುವಿಕೆಯ ಪ್ರಮಾಣ ಹೆಚ್ಚಿರುವ ಹಿನ್ನೆಲೆಯಲ್ಲಿ ಒಟ್ಟಾರೆ ಹೆಚ್ಚಳ ಸಂಭವಿಸಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಇಂಗಾಲದ ಡೈ ಆಕ್ಸೈಡ್ ಪ್ರಮಾಣ ಹೆಚ್ಚಳವು ಈಗಾಗಲೇ ಅತಿ ಮಳೆ, ಅತಿ ಶಾಖ ಮತ್ತು ಸಮುದ್ರಗಳ ಮಟ್ಟ ಹೆಚ್ಚಳಕ್ಕೆ ಕಾರಣವಾಗಿದೆ.