ಮೊನ್ಫಿಲ್ಸ್ಗೆ ರೊಟ್ಟರ್ಡಮ್ ಓಪನ್ ಪ್ರಶಸ್ತಿ
Update: 2019-02-18 23:48 IST
ರೊಟ್ಟರ್ಡಮ್, ಫೆ.18: ಖ್ಯಾತ ಆಟಗಾರ ಸ್ವಿಸ್ನ ಸ್ಟಾನ್ ವಾವ್ರಿಂಕಾ ಅವರ ಗೆಲುವಿನ ನಿರೀಕ್ಷೆಯನ್ನು ಹುಸಿಗೊಳಿಸಿದ ಫ್ರಾನ್ಸ್ನ ಗೇಲ್ ಮೊನ್ಫಿಲ್ಸ್ ರೊಟ್ಟರ್ಡಮ್ ಓಪನ್ ಪ್ರಶಸ್ತ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಅಂತಿಮ ಪಂದ್ಯದಲ್ಲಿ ಅವರು ವಾವ್ರಿಂಕಾರನ್ನು 6-3, 1-6, 6-2 ಸೆಟ್ಗಳಿಂದ ಸೋಲಿಸಿ ಸಂಭ್ರಮಿಸಿದರು. ಜ.2018ರ ನಂತರ ಅವರು ಗೆದ್ದ ಮೊದಲ ಪ್ರಶಸ್ತಿ ಇದಾಗಿದೆ.
2008ರ ನಂತರ ಇಬ್ಬರು ಶ್ರೇಯಾಂಕರಹಿತ ಆಟಗಾರರ ಮಧ್ಯೆ ನಡೆದ ಪ್ರಥಮ ಫೈನಲ್ ಪಂದ್ಯ ಇದು. 36 ನಿಮಿಷಗಳಲ್ಲಿ ಕೊನೆಗೊಂಡ ಮೊದಲ ಸೆಟ್ನಲ್ಲಿ 2 ಬ್ರೇಕ್ ಪಾಯಿಂಟ್ ಗಳಿಸಿದ ಮೊನ್ಫಿಲ್ಸ್ 6-3ರಲ್ಲಿ ಮೊದಲ ಸೆಟ್ ವಶಪಡಿಸಿಕೊಂಡರು.
2017ರಲ್ಲಿ ಮೊಣಕಾಲು ನೋವಿಗೆ ಒಳಗಾಗಿ ವಾಪಸಾದ ನಂತರ ಮೊದಲ ಬಾರಿ ಫೈನಲ್ ತಲುಪಿದ್ದ ಮೂರು ಗ್ರಾನ್ಸ್ಲಾಮ್ ಟ್ರೋಫಿ ವಿಜೇತ ವಾವ್ರಿಂಕಾ ಎರಡನೇ ಸೆಟ್ನಲ್ಲಿ ಮೊನ್ಫಿಲ್ಸ್ಗೆ ತಿರುಗೇಟು ನೀಡಿದರು. ಆದರೆ ಮೂರನೇ ಸೆಟ್ನಲ್ಲಿ ಅದೇ ಪ್ರದರ್ಶನ ಕಾಯ್ದುಕೊಳ್ಳಲಾಗದೆ ಶರಣಾದರು. ಮೂರನೇ ಸೆಟ್ ಹಣಾಹಣಿಯಲ್ಲಿ ಪ್ರಥಮ ಗೇಮ್ನ್ನು ಗೆದ್ದ ವಾವ್ರಿಂಕಾ ವಿಶ್ವಾಸದಲ್ಲಿದ್ದರು. ಮೂರನೇ ಗೇಮ್ನಲ್ಲಿ ಫ್ರೆಂಚ್ ಆಟಗಾರ ಮೊನ್ಫಿಲ್ಸ್ ವಾವ್ರಿಂಕಾರ ಸರ್ವ್ ಮುರಿದು ಮುನ್ನುಗ್ಗಿದರು. ಆ ಮೂಲಕ ಸೆಟ್ನಲ್ಲಿ ಪ್ರಾಬಲ್ಯ ಸಾಧಿಸಿದರು. ಮೊನ್ಫಿಲ್ಸ್ಗೆ ಇದು 8ನೇ ಎಟಿಪಿ ಪ್ರಶಸ್ತಿಯಾಗಿದೆ.