ವಿಶ್ವಕಪ್: ರೋಹಿತ್ ಶರ್ಮಾಗೆ ನಾಲ್ಕನೇ ಶತಕದ ಸಂಭ್ರಮ

ಬರ್ಮಿಂಗ್‌ಹ್ಯಾಮ್, ಜು.2: ಭಾರತದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಬಾಂಗ್ಲಾದೇಶ ವಿರುದ್ಧ ಮಂಗಳವಾರ ಇಲ್ಲಿ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಶತಕ ಸಿಡಿಸಿ ಸಂಭ್ರಮಿಸಿದರು.

ರೋಹಿತ್ 90 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 5 ಸಿಕ್ಸರ್‌ಗಳ ಸಹಾಯದಿಂದ ಏಕದಿನ ಕ್ರಿಕೆಟ್‌ನಲ್ಲಿ 26ನೇ ಶತಕ ಪೂರೈಸಿದರು. ಈ ವರ್ಷದ ವಿಶ್ವಕಪ್‌ನಲ್ಲಿ ರೋಹಿತ್ ಸಿಡಿಸಿರುವ ನಾಲ್ಕನೇ ಶತಕ ಇದಾಗಿದೆ.

ಕನ್ನಡಿಗ ಕೆಎಲ್ ರಾಹುಲ್‌ರೊಂದಿಗೆ ಇನಿಂಗ್ಸ್ ಆರಂಭಿಸಿದ ರೋಹಿತ್ ಈ ವರ್ಷದ ವಿಶ್ವಕಪ್‌ನಲ್ಲಿ ಮೊದಲ ವಿಕೆಟ್ ಜೊತೆಯಾಟದಲ್ಲಿ ಗರಿಷ್ಠ ರನ್ ಕಲೆ ಹಾಕಿದರು. ಭಾರತ ವಿರುದ್ಧ ಮೊದಲ ವಿಕೆಟ್‌ಗೆ 160 ರನ್ ಜೊತೆಯಾಟ ನಡೆಸಿದ್ದ ಬೈರ್‌ಸ್ಟೋವ್ ಹಾಗೂ ಜೇಸನ್ ರಾಯ್ ದಾಖಲೆಯನ್ನುಮುರಿದರು.