ಐಸಿಸಿ ಟೆಸ್ಟ್ ರ‍್ಯಾಂಕಿಂಗ್: ಸ್ಮಿತ್, ಕೊಹ್ಲಿ ಹಿಂದಿಕ್ಕಿ ನಂ.1 ಸ್ಥಾನಕ್ಕೇರಿದ ವಿಲಿಯಮ್ಸನ್
Update: 2020-12-31 10:11 GMT
ದುಬೈ: ಭಾರತದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಆಸ್ಟ್ರೇಲಿಯದ ಸ್ಟೀವನ್ ಸ್ಮಿತ್‌ರನ್ನು ಹಿಂದಿಕ್ಕಿದ ನ್ಯೂಝಿಲ್ಯಾಂಡ್ ನಾಯಕ ಕೇನ್ ವಿಲಿಯಮ್ಸನ್ ಐಸಿಸಿ ಪುರುಷರ ಟೆಸ್ಟ್ ಆಟಗಾರರ ರ‍್ಯಾಕಿಂಗ್‌ನಲ್ಲಿ ಅಗ್ರ ಸ್ಥಾನಕ್ಕೇರಿದ್ದಾರೆ. ಪಾಕಿಸ್ತಾನ ವಿರುದ್ದ ಟೌರಂಗಾದಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ ತೋರಿದ ಉತ್ತಮ ಪ್ರದರ್ಶನಕ್ಕೆ ಗುರುವಾರ ಈ ಗೌರವ ಡೆದಿದ್ದಾರೆ.
ವಿಲಿಯಮ್ಸನ್ 2015ರ ಅಂತ್ಯಕ್ಕೆ ಸ್ವಲ್ಪ ಸಮಯ ನಂ.1ಸ್ಥಾನವನ್ನು ಅಲಂಕರಿಸಿದ್ದರು. ಆ ಬಳಿಕ ಸ್ಮಿತ್ ಅಥವಾ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದರು. ಈ ವರ್ಷ ಸ್ಮಿತ್ 313 ದಿನಗಳ ಕಾಲ ನಂ.1 ಸ್ಥಾನದಲ್ಲಿದ್ದರೆ, ಕೊಹ್ಲಿ 51 ದಿನಗಳ ಕಾಲ ಇದ್ದರು. ವಿಲಿಯಮ್ಸನ್ ಶತಕ ಗಳಿಸಿದ ಕಾರಣ 13 ರೇಟಿಂಗ್ ಪಾಯಿಂಟ್ಸ್ ಪಡೆದಿದ್ದಾರೆ. ಕೊಹ್ಲಿಗಿಂತ 11 ಹಾಗೂ ಸ್ಮಿತ್‌ಗಿಂತ 13 ಅಂಕ ಮುಂದಿದ್ದಾರೆ.