ಐಪಿಎಲ್ ಹರಾಜು: ಆರ್ ಸಿಬಿ ತಂಡದ ಪಾಲಾದ ಕಾಸರಗೋಡಿನ ಮುಹಮ್ಮದ್ ಅಝರುದ್ದೀನ್

2021ನೇ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ ಹರಾಜು ಪ್ರಕ್ರಿಯೆಯು ಪ್ರಾರಂಭವಾಗಿದ್ದು, ಹಲವಾರು ಆಟಗಾರರು ಮತ್ತು ತಂಡಗಳು ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದೆ. ಐಪಿಎಲ್ ನ 14ನೇ ಆವೃತ್ತಿಯಲ್ಲಿ ಒಟ್ಟು 292 ಆಟಗಾರರು ಹರಾಜಿನ ಕಣದಲ್ಲಿದ್ದು, ಎಂಟು ಪ್ರಾಂಚೈಸಿಗಳು ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸುತ್ತಿದೆ.

ಇದೀಗ ಕಾಸರಗೋಡು ತಳಂಗರ ನಿವಾಸಿ ಹಾಗೂ ಕೇರಳ ರಣಜಿ ತಂಡದಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದ ಮುಹಮ್ಮದ್ ಅಝರುದ್ದೀನ್ ಈ ಬಾರಿಯ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪಾಲಾಗಿದ್ದಾರೆ. ಅಝರುದ್ದೀನ್ ತಮ್ಮ ಮೂಲಬೆಲೆಯಾದ 20ಲಕ್ಷ ರೂ.ಗೆ ಹರಾಜಾಗಿದ್ದಾರೆ. ಜನವರಿ ತಿಂಗಳಲ್ಲಿ ನಡೆದ ರಣಜಿ ಪಂದ್ಯಾಟದಲ್ಲಿ ಮುಂಬೈ ತಂಡದ ವಿರುದ್ಧ ಕೇವಲ37 ಎಸೆತಗಳಿಗೆ 100 ರನ್ ಬಾರಿಸಿ ಗಮನ ಸೆಳೆದಿದ್ದರು.

ಈಗಾಗಲೇ ಗ್ಲೆನ್‌ ಮ್ಯಾಕ್ಸ್‌ ವೆಲ್‌ ಮತ್ತು ಕ್ರಿಸ್‌ ಮೋರಿಸ್‌ ಭಾರೀ ಮೊತ್ತಗಳಿಗೆ ಹರಾಜಾಗಿದ್ದು, ಕರ್ನಾಟಕದ ಕೃಷ್ಣಪ್ಪ ಗೌತಮ್‌ 9.5ಕೋಟಿ ರೂ. ಗೆ ಚೆನ್ನೈ ಸೂಪರ್‌ ಕಿಂಗ್ಸ್‌ ಪಾಲಾಗಿದ್ದಾರೆ.

The very talented Mohammed Azharuddeen is #NowARoyalChallenger!

A huge warm welcome to the RCB #ClassOf2021.

Price: 20L#PlayBold #BidForBold #WeAreChallengers #IPLAuction pic.twitter.com/B6ZYEyon4Z

— Royal Challengers Bangalore (@RCBTweets) February 18, 2021