Home > ಸುದ್ದಿಗಳು > ಅಂತಾರಾಷ್ಟ್ರೀಯ > ಜಪಾನ್‌ ನ ಈಶಾನ್ಯ...

ಜಪಾನ್‌ ನ ಈಶಾನ್ಯ ಕರಾವಳಿಯಲ್ಲಿ ಪ್ರಬಲ ಭೂಕಂಪ

ವಾರ್ತಾಭಾರತಿ
Update: 2021-03-20 16:51 GMT
Editor : ವಾರ್ತಾಭಾರತಿ

ಟೋಕಿಯೊ (ಜಪಾನ್), ಮಾ. 20: ಈಶಾನ್ಯ ಜಪಾನ್‌ನಲ್ಲಿ ಶನಿವಾರ ಭೂಕಂಪ ಸಂಭವಿಸಿದ್ದು, 10 ವರ್ಷಗಳ ಹಿಂದಿನ ಭೂಕಂಪದಿಂದ ಜರ್ಜರಿತವಾಗಿರುವ ಪ್ರದೇಶಗಳು ಮತ್ತೆ ನಡುಗಿವೆ. ಭೂಕಂಪದ ಬೆನ್ನಿಗೇ ಒಂದು ಮೀಟರ್ ಎತ್ತರದ ಸುನಾಮಿ ಅಲೆಗಳು ಹುಟ್ಟಿಕೊಂಡವು ಹಾಗೂ ಕಟ್ಟಡಗಳು ಕಂಪಿಸಿದವು.

ರಿಕ್ಟರ್ ಮಾಪಕದಲ್ಲಿ 7.2ರಷ್ಟಿದ್ದ ತೀವ್ರತೆಯ ಪ್ರಬಲ ಭೂಕಂಪವು ಸ್ಥಳೀಯ ಸಮಯ ಸಂಜೆ 6:26ಕ್ಕೆ ಮಿಯಾಗಿ ರಾಜ್ಯದ ಕರಾವಳಿಯಲ್ಲಿ 60 ಕಿ.ಮೀ. ಆಳದಲ್ಲಿ ಸಂಭವಿಸಿತು ಎಂದು ಜಪಾನ್ ಹವಾಮಾನ ಸಂಸ್ಥೆ ತಿಳಿಸಿದೆ.

ಭೂಕಂಪದ ಬೆನ್ನಿಗೇ ಸುನಾಮಿ ಎಚ್ಚರಿಕೆಯನ್ನು ಹೊರಡಿಸಲಾಯಿತಾದರೂ, ಒಂದು ಗಂಟೆಯ ಬಳಿಕ ಎಚ್ಚರಿಕೆಯನ್ನು ಹಿಂದಕ್ಕೆ ಪಡೆದುಕೊಳ್ಳಲಾಯಿತು ಎಂದು ಸುದ್ದಿವಾಹಿನಿ ಎನ್‌ಎಚ್‌ಕೆ ವರದಿ ಮಾಡಿದೆ.

ದುರಂತದಿಂದಾಗಿ ಮೃತಪಟ್ಟವರು ಅಥವಾ ಗಾಯಗೊಂಡವರ ಬಗ್ಗೆ ತಕ್ಷಣಕ್ಕೆ ವರದಿಗಳು ಬಂದಿಲ್ಲ.

ತನ್ನ ಫುಕುಶಿಮ ದಾಯಿಚಿ ಪರಮಾಣು ಸ್ಥಾವರದಲ್ಲಿ ಯಾವುದೇ ಸಮಸ್ಯೆ ತಲೆದೋರಿಲ್ಲ ಎಂದು ಟೋಕಿಯೊ ಇಲೆಕ್ಟ್ರಿಕ್ ಪವರ್ ತಿಳಿಸಿದೆ. 2011ರ ಮಾರ್ಚ್‌ನಲ್ಲಿ ಸಂಭವಿಸಿದ ಭೂಕಂಪದ ಬಳಿಕ ಈ ಸ್ಥಾವರದಲ್ಲಿ ವಿಕಿರಣ ಸೋರಿಕೆಯಾಗಿದ್ದು, ಸಮೀಪದ ಜನರನ್ನು ಭಾರೀ ಪ್ರಮಾಣದಲ್ಲಿ ಸ್ಥಳಾಂತರಿಸಲಾಗಿತ್ತು.

ಭೂಕಂಪದ ಬಳಿಕ ಮಿಯಾಗಿ ರಾಜ್ಯದ ಕುರಿಹರ ನಗರದಲ್ಲಿರುವ ಸುಮಾರು 200 ಮನೆಗಳ ವಿದ್ಯುತ್ ಪೂರೈಕೆ ನಿಂತು ಹೋಗಿದೆ ಎಂದು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ತಿಳಿಸಿದೆ.

ಟೊಹೊಕು ಶಿಂಕನ್‌ಸೆನ್ ಬುಲೆಟ್ ರೈಲು ಸೇವೆಯನ್ನು ನಿಲ್ಲಿಸಲಾಗಿದೆ ಎಂದು ಎನ್‌ಎಚ್‌ಕೆ ವರದಿ ಮಾಡಿದೆ.

Writer - ವಾರ್ತಾಭಾರತಿ

contributor

Editor - ವಾರ್ತಾಭಾರತಿ

contributor

Similar News

ಲಂಡನ್ ಮೇಯರ್ ಚುನಾವಣೆ: ಸಾದಿಕ್ ಖಾನ್‍ಗೆ ಸತತ ಮೂರನೇ ಬಾರಿಗೆ ಗೆಲುವು
ಇಂಡೋನೇಶ್ಯಾದಲ್ಲಿ ಭೂಕುಸಿತ: ಕನಿಷ್ಟ 14 ಮಂದಿ ಸಾವು
ಪಾಕ್ ಮುಖ್ಯ ನ್ಯಾಯಾಧೀಶರು ಪಕ್ಷಪಾತಿ: ಇಮ್ರಾನ್ ಖಾನ್ ಆರೋಪ
ತೈವಾನ್ ಮೇಲೆ ರಶ್ಯ, ಚೀನಾದಿಂದ ಆಕ್ರಮಣದ ಸಾಧ್ಯತೆ: ಅಮೆರಿಕ
ʼಒತ್ತೆಯಾಳು ಒಪ್ಪಂದ ಅಥವಾ ರಫಾ ಕಾರ್ಯಾಚರಣೆʼ: ಹಮಾಸ್‍ಗೆ ಒಂದು ವಾರದ ಗಡುವು ನೀಡಿದ ಇಸ್ರೇಲ್
ರಶ್ಯದ `ವಾಂಟೆಡ್' ಪಟ್ಟಿಯಲ್ಲಿ ಉಕ್ರೇನ್ ಅಧ್ಯಕ್ಷ ಝೆಲೆನ್‍ಸ್ಕಿ
ಚೀನಾ ನೆರವಿಂದ ಪ್ರಥಮ ಚಂದ್ರಯಾನ ಕೈಗೊಂಡ ಪಾಕಿಸ್ತಾನ
ʼಭಾರತ, ಚೀನಾ ಅನ್ಯದ್ವೇಷಿ ದೇಶಗಳುʼ ಬೈಡನ್ ಹೇಳಿಕೆಗೆ ಶ್ವೇತಭವನ ಸಮರ್ಥನೆ
ಗಾಝಾದಲ್ಲಿ ಮಾನವೀಯ ದುರಂತ: ಇಸ್ರೇಲ್ ಜತೆಗಿನ ಎಲ್ಲ ವ್ಯಾಪಾರ ಸಂಬಂಧಗಳನ್ನು ಸ್ಥಗಿತಗೊಳಿಸಿದ ಟರ್ಕಿ
ಕೋಲ್ಕತ್ತಕ್ಕೆ 24 ರನ್ ಗೆಲುವು | ಕಡಿಮೆ ಸ್ಕೋರ್ ದಾಖಲಾದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಪರದಾಟ
ಉಕ್ರೇನ್‍ನ ಮತ್ತೊಂದು ಗ್ರಾಮ ರಶ್ಯದ ವಶಕ್ಕೆ: ವರದಿ
ಪಾಕಿಸ್ತಾನ | ಬಸ್ ಕಮರಿಗೆ ಉರುಳಿ 20 ಮಂದಿ ಸಾವು