ಭಾರತದಲ್ಲಿ ನಡೆಯಲಿರುವ ಮೂರನೇ ಅಂಧರ ಟಿ-20 ಕ್ರಿಕೆಟ್ ವಿಶ್ವಕಪ್

ಹೊಸದಿಲ್ಲಿ: ಸಮರ್ಥನಂ ಅಂಗವಿಕಲರ ಸಂಸ್ಥೆಯ ಕ್ರೀಡಾ ವಿಭಾಗ ಭಾರತದಲ್ಲಿನ ಅಂಧರ ಕ್ರಿಕೆಟ್ ಅಸೋಸಿಯೇಷನ್ (ಕ್ಯಾಬಿ) ಭಾರತದಲ್ಲಿ ಮೂರನೇ ಅಂಧರ ಟಿ20 ವಿಶ್ವಕಪ್ ಆಯೋಜಿಸಲಿದೆ ಎಂದು ವಿಶ್ವ ಅಂಧರ ಕ್ರಿಕೆಟ್ ಲಿಮಿಟೆಡ್ ಖಾತ್ರಿಪಡಿಸಿದೆ.

ವಿಶ್ವ ಅಂಧರ ಕ್ರಿಕೆಟ್ ಲಿಮಿಟೆಡ್ ನ 23ನೇ ವಾರ್ಷಿಕ ಸಾಮಾನ್ಯ ಸಭೆಯು ಜನವರಿ 29, 2022 ರಂದು ವರ್ಚುವಲ್ ಆಗಿ ನಡೆಯಿತು. 5 ಗಂಟೆ ನಡೆದ ಸಭೆಯಲ್ಲಿ 10 ಸದಸ್ಯ ರಾಷ್ಟ್ರಗಳು ಸಭೆಯಲ್ಲಿ ಭಾಗಿಯಾದವು. ಸಮರ್ಥನಂ ಅಂಗವಿಕಲರ ಸಂಸ್ಥೆ ಹಾಗೂ ಕ್ರಿಕೆಟ್ ಅಸೋಸಿಯೇಷ್ ಫಾರ್ ದಿ ಬ್ಲೈಂಡ್ (ಕ್ಯಾಬಿ) ಸಭೆ ಆಯೋಜಿಸಿತ್ತು ಹಾಗೂ ಡಬ್ಲ್ಯೂಬಿಸಿಸಿಯ ಜನರಲ್ ಸೆಕ್ರೆಟರಿ ರೇಮಂಡ್ ಮೋಕ್ಸ್ಲಿ ಸಭೆ ನಡೆಸಿಕೊಟ್ಟರು. 

ವಿಶ್ವ ಅಂಧರ ಕ್ರಿಕೆಟ್ ಲಿಮಿಟೆಡ್ ನ ಅಧ್ಯಕ್ಷರಾದ ಸೈಯದ್ ಸುಲ್ತಾನ್ ಶಾ ಅವರು ಸದಸ್ಯ ರಾಷ್ಟ್ರಗಳ ಅತಿಥಿಗಳನ್ನು ಸ್ವಾಗತಿಸಿದರು ಹಾಗೂ ಅಂಧರ ಕ್ರಿಕೆಟ್ ಉತ್ತೇಜಿಸಲಿಕ್ಕೆ ಮಾಡಿರುವ ಕೆಲಸವನ್ನು ಶ್ಲಾಘಿಸಿದರು. ಕ್ರಿಕೆಟ್ ಅಸೋಸಿಯೇಷ್ ಫಾರ್ ದಿ ಬ್ಲೈಂಡ್(ಕ್ಯಾಬಿ) ಅಧ್ಯಕ್ಷರಾದ ಡಾ. ಮಹಾಂತೇಶ್ ಜಿ ಕಿವಡಸಣ್ಣವರ್ 2021-22 ರಲ್ಲಿ ಸ್ಥಳೀಯ ಹಾಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ನಡೆದ ಪಂದ್ಯಗಳ ವರದಿಯನ್ನು ಸಭೆಯಲ್ಲಿ ಮಂಡಿಸಿದರು. ಇತರ ಸದಸ್ಯ ರಾಷ್ಟ್ರಗಳೂ ತಮ್ಮ ವಾರ್ಷಿಕ ವರದಿಯನ್ನು ಅತಿಥಿಗಳೆದುರಲ್ಲಿ ಮಂಡಿಸಿದರು.
 
ನವೆಂಬರ್ 2022ರಲ್ಲಿ ಭಾರತದ ಬೇರೆಬೇರೆ ನಗರಗಳಲ್ಲಿ ಮೂರನೇ ಅಂಧರ ಟಿ20 ವಿಶ್ವಕಪ್ ನಡೆಸುವುದಾಗಿ ಕ್ರಿಕೆಟ್ ಅಸೋಸಿಯೇಷ್ ಫಾರ್ ದಿ ಬ್ಲೈಂಡ್ (ಕ್ಯಾಬಿ) ಸಮಿತಿಗೆ ಮನವರಿಕೆ ಮಾಡಿಕೊಟ್ಟಿತು. ಎರಡನೆ ಟಿ-20 ವಿಶ್ವಕಪ್ ನಲ್ಲಿ ನಡೆದಂತೆ ಹತ್ತು ಸದಸ್ಯ ರಾಷ್ಟ್ರಗಳು ಭಾಗಿಯಾಗಲು ಕ್ರಿಕೆಟ್ ಅಸೋಸಿಯೇಷ್ ಫಾರ್ ದಿ ಬ್ಲೈಂಡ್ (ಕ್ಯಾಬಿ) ಬಯಸಿತು. ರೌಂಡ್ ರಾಬಿನ್ ಲೀಗ್ ಹಾಗೂ ನಾಕೌಟ್ ಆಧಾರದಲ್ಲಿ ಭಾರತಾದ್ಯಂತ 48 ಪಂದ್ಯಗಳು ನಡೆಯಲಿದ್ದು ಮೂರನೇ ಟಿ-20 ವಿಶ್ವಕಪ್ ಇದಕ್ಕೆ ಸಾಕ್ಷಿಯಾಗಲಿದೆ.
 
ಭಾರತದ ಪುರುಷರ ಹಾಗು ಮಹಿಳೆಯರ ಅಂಧರ ಕ್ರಿಕೆಟ್ ತಂಡಗಳು ವಿಶ್ವ ಅಂಧರ ಕ್ರಿಕೆಟ್ ನಲ್ಲಿ ಆಡಲಿವೆ ಎಂದು ಕ್ರಿಕೆಟ್ ಅಸೋಸಿಯೇಷ್ ಫಾರ್ ದಿ ಬ್ಲೈಂಡ್ ( ಕ್ಯಾಬಿ) ಖಚಿತಪಡಿಸಿತು. ಈ ಬಗೆಯನ್ನು ಮೊದಲ ಬಾರಿಗೆ ಜಾರಿಗೆ ತರಲಾಗಿದೆ. ಅಂತರಾಷ್ಟ್ರೀಯ ಅಂಧರ ಕ್ರೀಡಾ ಅಸೋಸಿಯೇಷನ್ (ಐಬಿಎಸ್ಎ) ಆಯೋಜಿಸುತ್ತಿದ್ದು ಯುನೈಟೆಡ್ ಕಿಂಗ್‌ಡಂ ಬರ್ಮಿಂಗ್ ಹ್ಯಾಂನಲ್ಲಿ 18 ಹಾಗೂ 27 ಆಗಸ್ಟ್ 2023ರಲ್ಲಿ ನಡೆಯಲಿದೆ.
 
ಈ ವಾರ್ಷಿಕ ಸಭೆಯಲ್ಲಿ ಅಂಧರ ಕ್ರಿಕೆಟನ್ನು ವಿಶ್ವಾದ್ಯಂತ ಉತ್ತೇಜಿಸುವ ಬಗ್ಗೆ, ಅದರ ಸವಾಲುಗಳು ಹಾಗೂ ಅಂಧ ಕ್ರಿಕೆಟರಿಗೆ ಸಮಾನ ಅವಕಾಶಗಳ ಬಗ್ಗೆ ಚರ್ಚೆಗಳಾಯಿತು.