ಬೋಪಣ್ಣ-ಮ್ಯಾಥ್ಯೂ ಎಬ್ಡೆನ್ ಸೆಮಿ ಫೈನಲ್ ಗೆ

ಲಂಡನ್: ಭಾರತದ ಹಿರಿಯ ಆಟಗಾರ ರೋಹನ್ ಬೋಪಣ್ಣ ಹಾಗೂ ಅವರ ಆಸ್ಟ್ರೇಲಿಯದ ಜೊತೆಗಾರ ಮ್ಯಾಥ್ಯೂ ಎಬ್ಡೆನ್ ವಿಂಬಲ್ಡನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಸೆಮಿ ಫೈನಲ್ ತಲುಪಿದ್ದಾರೆ.

ಓಪನ್ ಯುಗದಲ್ಲಿ ಸಿಂಗಲ್ಸ್, ಡಬಲ್ಸ್ ಹಾಗೂ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಗ್ರ್ಯಾನ್‌ಸ್ಲಾಮ್ ಚಾಂಪಿಯನ್ ಆಗಿ ಹಿರಿಯ ಆಟಗಾರ ಎನಿಸಿಕೊಂಡು ದಾಖಲೆ ನಿರ್ಮಿಸುವುದರಿಂದ ಕನ್ನಡಿಗ ಬೋಪಣ್ಣ ಇನ್ನು ಎರಡೇ ಹೆಜ್ಜೆ ಹಿಂದಿದ್ದಾರೆ.

43ರ ವಯಸ್ಸಿನ ಬೋಪಣ್ಣ ಹಾಗೂ 35ರ ವಯಸ್ಸಿನ ಎಬ್ಡೆನ್ ಒಂದು ಗಂಟೆ, 54 ನಿಮಿಷಗಳ ಕಾಲ ನಡೆದ ಡಬಲ್ಸ್ ಕ್ವಾರ್ಟರ್ ಫೈನಲ್ನಲ್ಲಿ ಡಚ್ ಜೋಡಿ ಗ್ರೀಕ್ಸ್ಪೂರ್ ಹಾಗೂ ಬಾರ್ಟ್ ಸ್ಟೆವೆನ್ಸ್ ರನ್ನು 6-7(3), 7-5, 6-2 ಸೆಟ್ಗಳ ಅಂತರದಿಂದ ಮಣಿಸಿದರು.

ಇಂಡೋ-ಆಸೀಸ್ ಜೋಡಿ ಫೈನಲ್ನಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳಲು ಮುಂದಿನ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಡಚ್ ಆಟಗಾರ ವೆಸ್ಲೆ ಕೂಲ್ಹಾಫ್ ಹಾಗೂ ಬ್ರಿಟನ್ನ ನೀಲ್ ಸ್ಕಪ್‌ಸ್ಕಿ  ಅವರನ್ನು ಎದುರಿಸಲಿದ್ದಾರೆ.