ಮೊದಲ ಟಿ20: ಇಂಗ್ಲೆಂಡ್ ವಿರುದ್ಧ ವಿಂಡೀಸ್ಗೆ ಗೆಲುವು
Update: 2023-12-13 22:41 IST
Photo: X
ಬ್ರಿಡ್ಜ್ಟೌನ್: ಆತಿಥೇಯ ವೆಸ್ಟ್ಇಂಡೀಸ್ ತಂಡ ಇಂಗ್ಲೆಂಡ್ ವಿರುದ್ದದ ಮೊದಲ ಟಿ20 ಅಂತರ್ರಾಷ್ಟ್ರೀಯ ಪಂದ್ಯವನ್ನು 4 ವಿಕೆಟ್ಗಳಿಂದ ಗೆದ್ದುಕೊಂಡಿದೆ. ಇದರೊಂದಿಗೆ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ 1-0 ಮುನ್ನಡೆ ಪಡೆದಿದೆ.
ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಇಂಗ್ಲೆಂಡ್ ಆರಂಭಿಕ ಬ್ಯಾಟರ್ಗಳಾದ ಫಿಲ್ ಸಾಲ್ಟ್(40 ರನ್)ಹಾಗೂ ಜೋಸ್ ಬಟ್ಲರ್(39 ರನ್) ಮೊದಲ ವಿಕೆಟ್ಗೆ ಗಳಿಸಿದ 77 ರನ್ ಜೊತೆಯಾಟದ ನೆರವಿನಿಂದ 19.3 ಓವರ್ಗಳಲ್ಲಿ 171 ರನ್ ಗಳಿಸಿತು. ಆ್ಯಂಡ್ರೆ ರಸೆಲ್(3-19) ಹಾಗೂ ಅಲ್ಝಾರಿ ಜೋಸೆಫ್(3-54)ತಲಾ ಮೂರು ವಿಕೆಟ್ಗಳನ್ನು ಪಡೆದರು.
ಗೆಲ್ಲಲು 172 ರನ್ ಗುರಿ ಬೆನ್ನಟ್ಟಿದ ವಿಂಡೀಸ್ 18.1 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 172 ರನ್ ಗಳಿಸಿತು. ಶೈ ಹೋಪ್(36 ರನ್) ಗರಿಷ್ಠ ರನ್ ಸ್ಕೋರರ್ ಎನಿಸಿಕೊಂಡರು. ನಾಯಕ ಪೊವೆಲ್(ಔಟಾಗದೆ 31), ಕೈಲ್ ಮೇಯರ್ಸ್(35 ರನ್) ಹಾಗೂ ಬ್ರೆಂಡನ್ ಕಿಂಗ್(22)ಇನ್ನೂ 11 ಎಸೆತಗಳು ಬಾಕಿ ಇರುವಾಗಲೇ ತಂಡವನ್ನು ಗೆಲುವಿನ ತೀರ ಸೇರಿಸಿದರು.