ಶಾರ್ಜಾ: ಹಡಗಿನಲ್ಲಿ ಬೆಂಕಿ; ಕಾರ್ಮಿಕ ಸಾವು

ಶಾರ್ಜಾ (ಯುಎಇ), ಮೇ 13: ಶಾರ್ಜಾದ ಹಮ್ರಿಯಾ ಬಂದರಿನಲ್ಲಿ ಶನಿವಾರ ಬೆಳಗ್ಗೆ ಸಂಭವಿಸಿದ ಬೆಂಕಿ ಅಪಘಾತದಲ್ಲಿ ಓರ್ವ ಕಾರ್ಮಿಕ ಮೃತಪಟ್ಟಿದ್ದಾರೆ ಹಾಗೂ ನಾಲ್ವರು ಗಾಯಗೊಂಡಿದ್ದಾರೆ.

ಪನಾಮ ದೇಶದ ಧ್ವಜವನ್ನು ಹೊಂದಿರುವ ಹಡಗಿನಲ್ಲಿ ಬೆಳಗ್ಗೆ ಸುಮಾರು 5:45ಕ್ಕೆ ಬೆಂಕಿ ಹೊತ್ತಿಕೊಂಡಿತು. ಹಡಗು ಡೀಸೆಲ್ ಮತ್ತು ತೈಲೋತ್ಪನ್ನಗಳನ್ನು ಒಯ್ಯುತ್ತಿತ್ತು ಎಂದು ಬಂದರಿನ ಅಧಿಕಾರಿಗಳು ಹೇಳಿದ್ದಾರೆ.

ಅಗ್ನಿಶಾಮಕ ಸಿಬ್ಬಂದಿ 30 ನಿಮಿಷಗಳಲ್ಲಿ ಬೆಂಕಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು. ಬೆಂಕಿ ಹೊತ್ತಿಕೊಂಡ ಬಳಿಕ ಸಮುದ್ರಕ್ಕೆ ಡೀಸೆಲ್ ಸೋರಿಕೆಯಾಗುತ್ತಿದ್ದು, ಅದನ್ನೂ ನಿಲ್ಲಿಸಲಾಗಿದೆ.