ಎಸಿಎಸ್ಎಡಿ ಕಾರ್ಯಕಾರಿ ಸದಸ್ಯನಾಗಿ ಸೌದಿ ಅರೇಬಿಯ ಆಯ್ಕೆ
Update: 2018-07-02 22:59 IST
ಜಿದ್ದಾ, ಜು. 2: ಅರಬ್ ಒಣ ಪ್ರದೇಶಗಳ ಅಧ್ಯಯನ ಕೇಂದ್ರ (ಎಸಿಎಸ್ಎಡಿ)ದ ಕಾರ್ಯಕಾರಿ ಸಮಿತಿಯ ಸದಸ್ಯನಾಗಿ ಮುಂದಿನ ಎರಡು ವರ್ಷಗಳ ಅವಧಿಗೆ ಸೌದಿ ಅರೇಬಿಯವನ್ನು ಆಯ್ಕೆ ಮಾಡಲಾಗಿದೆ.
ಈಜಿಪ್ಟ್ ರಾಜಧಾನಿ ಕೈರೋದಲ್ಲಿ ನಡೆದ ಜನರಲ್ ಅಸೆಂಬ್ಲಿಯ 34ನೇ ಅಧಿವೇಶನದಲ್ಲಿ ಈ ಆಯ್ಕೆ ನಡೆದಿದೆ.
ಈಜಿಪ್ಟ್ ಕೃಷಿ ಸಚಿವ ಡಾ. ಈಸುದ್ದೀನ್ ಅಬು ಸೆಟಿಟ್ ಅಧ್ಯಕ್ಷತೆಯಲ್ಲಿ ಅಧಿವೇಶನ ನಡೆಯಿತು. ಅರಬ್ ದೇಶಗಳ ಕೃಷಿ ಸಚಿವರು, ಅರಬ್ ಲೀಗ್ ಪ್ರತಿನಿಧಿಗಳು, ಸೌದಿ ಪರಿಸರ ಕಾರ್ಯದರ್ಶಿ ಸಚಿವ ಡಾ. ಉಸಾಮ ಬಿನ್ ಇಬ್ರಾಹೀಂ ಫಕೀಹ ಮುಂತಾದವರು ಉಪಸ್ಥಿತರಿದ್ದರು.