​ಮಸ್ಕತ್‌ನಲ್ಲಿ ಆಟಿಡ್ ಒಂಜಿ ದಿನ

​ಮಸ್ಕತ್‌, ಆ. 17: ಬಿರುವ ಜವನೆರ್ ಮಸ್ಕತ್ ವತಿಯಿಂದ ಒಮನಿನ ಮಸ್ಕತ್ನಲ್ಲಿ ಮೊತ್ತ ಮೊದಲ ಬಾರಿಗೆ ಆಟಿಡ್ ಒಂಜಿ ದಿನ ಕಾರ್ಯಕ್ರಮ ಬರ್ಕಾ ಫಾರ್ಮ್ ಹೌಸ್ ನಲ್ಲಿ ನಡೆಯಿತು.

ಈ ಆಟಿಡ್ ಒಂಜಿ ದಿನ ಕಾರ್ಯಕ್ರಮದ ಆವರಣವು ತುಳುವ ಕಳೆಯಿಂದ ಕಂಗೊಳಿಸುತ್ತಿತ್ತು. ಇಡೀ ವಠಾರ, ಪ್ರವೇಶ ದ್ವಾರ ಹಾಗೂ ವೇದಿಕೆಯನ್ನು ತುಳುವ ಸಂಸ್ಕ್ರತಿಯ ರೀತಿಯಲ್ಲಿ ಸಿರಿ, ಮೊಗಗಳಿಂದ, ರಂಗೋಲಿ ಹಚ್ಚಿ, ಸಿಂಗರಿಸಲಾಗಿತ್ತು.

ಅತಿಥಿಗಳಿಗೆ ಪೂರ್ಣ ಕುಂಭ, ವೀಳ್ಯ ನೀಡಿ ಸ್ವಾಗತಿಸಲಾಯಿತು. ಈ ವೇಳೆ ಮಹಿಳೆಯರು ಸಿದ್ದಪಡಿಸಿ ತಂದ ಖಾದ್ಯಗಳ ರುಚಿಯನ್ನು ಎಲ್ಲರೂ ಸವಿದರು.
ತುಳು ಸಂಪ್ರದಾಯದ ಪ್ರಕಾರ ಅತಿಥಿಗಳನ್ನು ವೀಳ್ಯ ನೀಡಿ, ಶಾಲು ಹೊದಿಸಿ, ಮುಟ್ಟಾಲೆ (ಹಾಳೆ ಟೋಪಿ) ತೊಡಿಸಿ ವೇದಿಕೆಗೆ ಬರಮಾಡಿಕೊಂಡು ಸತ್ಕರಿಸಲಾಯಿತು.

ಬಿ.ಜೆ. ಮಸ್ಕತ್ನ  ಸದಸ್ಯರು ವೇದಿಕೆಯಲ್ಲಿ ಉಪಸ್ತಿತರಿದ್ದರು. ಬಾಲೆಯರ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ಈ ಸಂದರ್ಭದಲ್ಲಿ ತುಳುನಾಡಿನಿಂದ ಕರ್ಮಭೂಮಿಯಾದ ಮಸ್ಕತ್ಗೆ ಸನ್ಮಾನ ಸ್ವೀಕರಿಸಲು ಅತಿಥಿಯಾಗಿ, ಕಳೆದ ಬಾರಿ ಕ್ರಾಂಪಸ್ ಹಾಲಿವುಡ್ ಚಿತ್ರದ ’ಕ್ರಾಂಪಸ್’ ವೇಷ ಧರಿಸಿ ಪ್ರಶಂಶೆ ಪಡೆದ ವೇಷ ಭೂಷಣಗಳ ಸರದಾರ, ಸಮಾಜ ಸೇವಕ, ಕಟಪಾಡಿಯ ರಿಯಲ್ ಹೀರೋ ರವಿ ಕಟಪಾಡಿ ಅವರನ್ನು ಬಿ. ಜೆ. ಮಸ್ಕತ್ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು.

ಬಿ. ಜೆ. ಮಸ್ಕತ್ ಕಾರ್ಯಕ್ರಮಕ್ಕೆ ಆಗಮಿಸಿದ ಎಲ್ಲಾ ಬಂಧುಗಳಿಗೆ ಅಭಿನಂದನೆಗಳನ್ನು ಹಾಗೂ ನಿಮ್ಮ  ಈ ಪ್ರೀತಿಯು ಸದಾ ಬಿ.ಜೆ. ಮಸ್ಕತ್ ಮೇಲೆ ಮುಂದುವರಿಯಲಿ ಎಂದು ಬಿ.ಜೆ.ಮಸ್ಕತ್ ಕೋರಿತು.

ಬಿ.ಜೆ ಮಸ್ಕತ್ 63 ಮಹಿಳಾ ಸದಸ್ಯರು ಆಟಿಯಲ್ಲಿ ತಯಾರಿಸುವ ಸುಮಾರು 35 ತರಹದ ವಿಶೇಷ ಹಾಗೂ ರುಚಿಕರವಾದ ಮೆತ್ತೆದ ಗಂಜಿ, ತೇವುದ ವಡೆ, ಪತ್ರಡೆ, ಚಟ್ನಿ , ಕಪ್ಪ ರುಟ್ಟಿ, ಉಪ್ಪಡಚ್ಚೀರ್, ಕುಡುತ್ತ ಚಟ್ನಿ, ಪೆಲಕಾಯಿದ ಇರೆತ್ತ ಗುಂಡ, ಅಪ್ಪ, ಬೆಲ್ಲ ತಾರೈದ ಪುಂಡಿ, ನೀರ್ ಪುಂಡಿ, ಪರ್ ಸೇಮಿಗೆ, ಅರೆಪುದ ಆಡ್ಡೈ ಇತ್ಯಾದಿ ಅಡುಗೆಯನ್ನು ಮಾಡಿ ತಂದು ಕಾರ್ಯಕ್ರಮಕ್ಕೆ ಪ್ರೋತ್ಸಾಹಿಸಿದರು.