ನಿಮ್ಮ ಬೆವರು ನಿಮ್ಮ ಆರೋಗ್ಯ ಸ್ಥಿತಿಯನ್ನು ಹೇಳಬಲ್ಲದು,ಗೊತ್ತೇ? | Vartha Bharati- ವಾರ್ತಾ ಭಾರತಿ

---

ನಿಮ್ಮ ಬೆವರು ನಿಮ್ಮ ಆರೋಗ್ಯ ಸ್ಥಿತಿಯನ್ನು ಹೇಳಬಲ್ಲದು,ಗೊತ್ತೇ?

ಆರೋಗ್ಯದ ಮೇಲೆ ನಿಗಾಯಿರಿಸಲು ಹೆಚ್ಚಿನವರು ಆಗಾಗ್ಗೆ ರಕ್ತಪರೀಕ್ಷೆ ಮತ್ತು ಇತರ ಪರೀಕ್ಷೆಗಳನ್ನು ಮಾಡಿಸಿಕೊಳ್ಳುತ್ತಿರುತ್ತಾರೆ. ಆದರೆ ಇತ್ತೀಚಿನ ಬೆಳವಣಿಗೆಯೊಂದರಲ್ಲಿ ಕೇವಲ ಬೆವರಿನಿಂದ ನಿಮ್ಮ ಆರೋಗ್ಯವನ್ನು ವಿಶ್ಲೇಷಿಸುವ ಸ್ಕಿನ್ ಸೆನ್ಸರ್ ಅಥವಾ ಚರ್ಮ ಸಂವೇದಕವನ್ನು ಸಂಶೋಧಕರು ಸೃಷ್ಟಿಸಿದ್ದಾರೆ. ಇದನ್ನು ಯಾವುದೇ ಕಿರಿಕಿರಿಯಿಲ್ಲದೆ ಧರಿಸಿಕೊಳ್ಳಬಹುದು. ಅದು ನಿಮ್ಮ ಶರೀರದಲ್ಲಿ ನೀರಿನ ಕೊರತೆ ಮತ್ತು ಬಳಲಿಕೆಯ ಮಟ್ಟದ ಮಾಹಿತಿಯನ್ನೂ ನಿಮಗೆ ನೀಡುತ್ತದೆ.

 ಕ್ಯಾಲಿಫೋರ್ನಿಯಾ ವಿವಿಯ ಪ್ರೊ.ಅಲಿ ಜೇವ್ ನೇತೃತ್ವದ ಸಂಶೋಧಕರ ತಂಡವು ಈ ಸೆನ್ಸರ್ ಅನ್ನು ಸೃಷ್ಟಿಸಿದೆ. ಕೇವಲ ಸೆನ್ಸರ್ ಸೃಷ್ಟಿ ತಂಡದ ಉದ್ದೇಶವಾಗಿರಲಿಲ್ಲ,ಶರೀರದಲ್ಲಿ ಬೆವರಿನ ಮಹತ್ವವನ್ನು ತಿಳಿದುಕೊಳ್ಳಲು ಅದು ಬಯಸಿತ್ತು. ಇದಕ್ಕಾಗಿ ಶರೀರದ ವಿವಿಧ ಭಾಗಗಳಿಗಾಗಿ ಮತ್ತು ಪದೇ ಪದೇ ಬಳಸಬಹುದಾದ ವಿಶ್ವಾಸಾರ್ಹ ಸೆನ್ಸರ್ ಅವರಿಗೆ ಅಗತ್ಯವಾಗಿತ್ತು. ಅಧ್ಯಯನಕ್ಕಾಗಿ ತಂಡವು ಸಂಶೋಧನೆಯಲ್ಲಿ ಭಾಗಿಯಾಗಿದ್ದ ಸ್ವಯಂಸೇವಕರ ಶರೀರಗಳ ಮೇಲೆ ವಿವಿಧ ಸೆನ್ಸರ್‌ಗಳನ್ನು ಅಳವಡಿಸಿದ್ದರು ಮತ್ತು ಬೆವರು ಉಂಟಾಗುವ ದರ,ಶರೀರದಲ್ಲಿಯ ಸೋಡಿಯಂ ಮತ್ತು ಪೊಟ್ಯಾಷಿಯಂ ಪ್ರಮಾಣಗಳನ್ನು ಪರಿಶೀಲಿಸಲು ಅವರಿಗೆ ವ್ಯಾಯಾಮ ಮಾಡುವಂತೆ ಸೂಚಿಸಲಾಗಿತ್ತು. ವ್ಯಾಯಾಮ ಮಾಡುತ್ತಿರುವಾಗ ಶರೀರದಲ್ಲಿಯ ನೀರಿನ ಮಟ್ಟ ತ್ವರಿತವಾಗಿ ಕಡಿಮೆಯಾಗುತ್ತಿರುವುದು ಇದರಿಂದ ಕಂಡುಬಂದಿತ್ತು. ನೀವು ಬೆವರುತ್ತಿರುವ ರೀತಿಯು ವ್ಯಾಯಾಮದ ವೇಳೆ ಅಗತ್ಯ ಮುಂಜಾಗ್ರತೆಗಳನ್ನು ತೆಗೆದುಕೊಳ್ಳುವಲ್ಲಿ ನೆರವಾಗಬಲ್ಲದು ಎನ್ನುತ್ತಾರೆ ಸಂಶೋಧಕರು.

ಸೆನ್ಸರ್ ಮೈಕ್ರೋಸ್ಕೋಪಿಕ್ ಟ್ಯೂಬ್‌ಗಳು ಮತ್ತು ಮೈಕ್ರೋಫ್ಲುಯಿಡ್‌ಗಳನ್ನು ಒಳಗೊಂಡಿದ್ದು,ಇವು ಶರೀರದಿಂದ ಬೆವರಿನ ಸ್ಯಾಂಪಲ್‌ನ್ನು ಪರೀಕ್ಷಿಸುತ್ತವೆ. ಅದು ಶರೀರದಿಂದ ಎಷ್ಟು ವೇಗವಾಗಿ ಬೆವರು ಸೃಷ್ಟಿಯಾಗುತ್ತದೆ ಎನ್ನುವುದರ ಮೇಲೆ ನಿಗಾಯಿರಿಸುತ್ತದೆ. ಈ ವಿಧದಲ್ಲಿ ಸೆನ್ಸರ್‌ಎಷ್ಟು ಬೆವರು ಹರಿದಿದೆ ಮತ್ತು ಯಾವ ದರದಲ್ಲಿ ಉಂಟಾಗಿದೆ ಎನ್ನುವುದರ ಮಾಹಿತಿಯನ್ನು ಬಳಕೆದಾರನಿಗೆ ತಿಳಿಸುತ್ತದೆ. ಈ ಮಾಹಿತಿಗಳು ಆರೋಗ್ಯ ಸ್ಥಿತಿಯ ವಿಶ್ಲೇಷಣೆಯಲ್ಲಿ ನೆರವಾಗುತ್ತವೆ.

ಬೆವರನ್ನು ನೈಸರ್ಗಿಕವಾಗಿ ನಿಯಂತ್ರಿಸುವುದು ಹೇಗೆ?

ಬೆವರನ್ನು ಎಲ್ಲರೂ ದ್ವೇಷಿಸುತ್ತಾರೆ. ಸಾಮಾನ್ಯ ಸ್ವಚ್ಛತೆಯನ್ನು ಕಾಯ್ದುಕೊಳ್ಳುವ ಜೊತೆಗೆ ಬೆವರುವಿಕೆಯನ್ನು ನಿಯಂತ್ರಿಸಲು ಕೆಲವು ಟಿಪ್ಸ್ ಇಲ್ಲಿವೆ.

► ಮಸಾಲೆ ಹೆಚ್ಚಿರುವ ಆಹಾರ ಸೇವನೆಯನ್ನು ಕಡಿಮೆ ಮಾಡಿ

ಮಸಾಲೆ ಹೆಚ್ಚಿರುವ ಮತ್ತು ಪ್ಯಾಕೇಜ್ಡ್ ಆಹಾರ ಸೇವನೆಯು ಕಟು ವಾಸನೆಯಿಂದ ಕೂಡಿದ ಬೆವರನ್ನುಂಟು ಮಾಡುತ್ತದೆ. ಜೊತೆಗೆ ಈರುಳ್ಳಿ,ಬೆಳ್ಳುಳ್ಳಿ,ಶುಂಠಿ,ಬ್ರಾಕೊಲಿ,ಕಾಲಿಫ್ಲವರ್‌ಗಳ ಸೇವನೆಯು ಬೆವರನ್ನುಂಟು ಮಾಡುವ ಬ್ಯಾಕ್ಟೀರಿಯಾಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ. ಹೀಗಾಗಿ ಮಸಾಲೆ ಹೆಚ್ಚಿರುವ ಮತ್ತು ಪ್ಯಾಕೇಜ್ಡ್ ಆಹಾರಗಳ ಬದಲು ಸಮೃದ್ಧ ನಾರು ಹೊಂದಿರುವ ಬಸಳೆ,ಗಜ್ಜರಿ,ಕಾಳು ಮೆಣಸು,ಸೌತೆ ಇತ್ಯಾದಿಗಳು ನಿಮ್ಮ ಆಹಾರದಲ್ಲಿರಲಿ.

► ಬಟ್ಟೆಗಳನ್ನು ವಿನೆಗರ್‌ನಲ್ಲಿ ನೆನೆಸಿ

ಬಟ್ಟೆಗಳನ್ನು ಒಗೆಯುವ ಮುನ್ನ ಅವುಗಳನ್ನು ಬೇಕಿಂಗ್ ಸೋಡಾ ಮತ್ತು ವಿನೆಗರ್‌ನ ಮಿಶ್ರಣದಲ್ಲಿ ಕೆಲ ನಿಮಿಷಗಳ ಕಾಲ ನೆನೆಸಿಡಿ. ಬಟ್ಟೆ ಒಣಗಿದ ಮೇಲೆ ಹೊರಸೂಸುವ ವಿನೆಗರ್ ವಾಸನೆಯನ್ನು ನೀವು ಇಷ್ಟ ಪಡುವುದಿಲ್ಲವಾದರೆ ಅದರ ವಾಸನೆಯನ್ನು ನಿವಾರಿಸಲು ಬಟ್ಟೆ ಒಗೆದ ತಕ್ಷಣ ಫ್ಯಾಬ್ರಿಕ್ ಫ್ರೆಷ್ನರ್‌ನ್ನು ಸೇರಿಸಿ.

► ಕಂಕುಳಗಳು ಸ್ವಚ್ಛವಾಗಿರಲಿ

 ಹವಾಮಾನ ಬದಲಾದಾಗ ಹೆಚ್ಚಿನವರಲ್ಲಿ ಬೆವರುವಿಕೆಯೂ ಹೆಚ್ಚುತ್ತದೆ. ಕಂಕುಳಲ್ಲಿಯ ರೋಮಗಳು ಬೆವರನ್ನು ಹೀರಿಕೊಂಡು ಅಸಹನೀಯ ವಾಸನೆಗೆ ಕಾರಣವಾಗುತ್ತವೆ. ಹೀಗಾಗಿ ಕಂಕುಳುಗಳಲ್ಲಿಯ ರೋಮಗಳನ್ನು ನಿವಾರಿಸಿ ಸ್ವಚ್ಛವಾಗಿರಿಸುವುದು ಅಗತ್ಯ.

► ಟೀ ಟ್ರೀ ತೈಲವನ್ನು ಬಳಸಿ

ನಮ್ಮ ಪಾದಗಳು,ಕಂಕುಳುಗಳು,ಹಣೆ ಮತ್ತು ಕೈಗಳು ಅತಿಯಾಗಿ ಬೆವರುತ್ತವೆ. ಇವುಗಳಿಗೆ ಟೀ ಟ್ರೀ ತೈಲವನ್ನು ಲೇಪಿಸಿಕೊಂಡು ಬದಲಾವಣೆಯನ್ನು ನೋಡಿ. ಟೀ ಟ್ರೀ ತೈಲವು ಬ್ಯಾಕ್ಟೀರಿಯಾ ನಿರೋಧಕವಾಗಿದೆ ಮತ್ತು ನೈಸರ್ಗಿಕ ನಂಜು ಪ್ರತಿರೋಧಕವಾಗಿದೆ. ಈ ತೈಲವು ಬೆವರನ್ನುಂಟು ಮಾಡುವ ಬ್ಯಾಕ್ಟೀರಿಯಾಗಳನ್ನು ನಾಶಗೊಳಿಸುತ್ತದೆ.

► ಸಡಿಲ ಬಟ್ಟೆಗಳನ್ನು ಧರಿಸಿ

ನೀವು ಬಿಗಿಯಾದ ಬಟ್ಟೆಗಳನ್ನು ಧರಿಸಿದರೆ ಹೆಚ್ಚು ಬೆವರುತ್ತೀರಿ. ಹತ್ತಿ ಅಥವಾ ರೇಷ್ಮೆಯಂತಹ ನೈಸರ್ಗಿಕ ನಾರುಗಳಿರುವ ಬಟ್ಟೆಗಳನ್ನು ಧರಿಸುವ ಮೂಲಕ ಬೆವರನ್ನುಂಟು ಮಾಡುವ ಬ್ಯಾಕ್ಟೀರಿಯಾಗಳ ಬೆಳವಣಿಗೆಯನ್ನು ತಗ್ಗಿಸಬಹುದು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top