ನನ್ನೊಂದಿಗೆ ಕೆಲಸ ಮಾಡಿ: ಅಲ್ಪಸಂಖ್ಯಾತರಿಗೆ ಗೊಟಬಯ ಕರೆ | Vartha Bharati- ವಾರ್ತಾ ಭಾರತಿ

ನನ್ನೊಂದಿಗೆ ಕೆಲಸ ಮಾಡಿ: ಅಲ್ಪಸಂಖ್ಯಾತರಿಗೆ ಗೊಟಬಯ ಕರೆ

ಫೋಟೊ:  Dinuka Liyanawatte/Reuters

ಅನುರಾಧಪುರ (ಶ್ರೀಲಂಕಾ), ನ. 18: ಶ್ರೀಲಂಕಾದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಮಾಜಿ ಸೇನಾಧಿಕಾರಿ ಗೊಟಬಯ ರಾಜಪಕ್ಸ ಸೋಮವಾರ ಸಂಪ್ರದಾಯಕ್ಕೆ ವಿರುದ್ಧವಾಗಿ ದೇಶದ ಪ್ರಾಚೀನ ನಗರ ಅನುರಾಧಾಪುರದಲ್ಲಿರುವ ಪ್ರಾಚೀನ ಬೌದ್ಧ ದೇವಾಲಯದಲ್ಲಿ ಅಧಿಕಾರದ ಪ್ರಮಾಣವಚನ ಸ್ವೀಕರಿಸಿದರು.

ಅವರ ಪ್ರಮಾಣವಚನವು ಹಲವು ವಿಧಗಳಲ್ಲಿ ಮಹತ್ವ ಪಡೆದುಕೊಂಡಿದೆ. ಅವರು ಪ್ರಮಾಣವಚನ ಸ್ವೀಕರಿಸಿದ ದೇವಸ್ಥಾನವನ್ನು 2,000ಕ್ಕೂ ಹೆಚ್ಚು ವರ್ಷಗಳ ಹಿಂದೆ ಸಿಂಹಳೀಯ ರಾಜನೊಬ್ಬ ನಿರ್ಮಿಸಿದ್ದಾನೆ. ಆ ರಾಜನು ದಂಡೆತ್ತಿ ಬಂದ ತಮಿಳರನ್ನು ಸೋಲಿಸಿದ್ದನು. ಇದು ಅವರ ಪ್ರಧಾನ ಬೆಂಬಲ ಗುಂಪಾದ ಸಿಂಹಳೀಯ ಬೌದ್ಧ ಜನಾಂಗೀಯರಿಗೆ ನೀಡಿದ ಸಂದೇಶವೂ ಆಗಿದೆ. ತನ್ನ ಪ್ರಧಾನ ಬೆಂಬಲ ಗುಂಪಿನಲ್ಲಿ ಅವರು ಭಾರೀ ಜನಪ್ರಿಯರಾಗಿದ್ದಾರೆ.

10 ವರ್ಷಗಳ ಹಿಂದೆ ಪ್ರತ್ಯೇಕತಾವಾದಿ ತಮಿಳು ಬಂಡುಕೋರರನ್ನು ನಿರ್ಮೂಲಗೊಳಿಸುವಲ್ಲಿ ಆಗ ಸೇನಾಧಿಕಾರಿಯಾಗಿದ್ದ ಗೊಟಬಯ ರಾಜಪಕ್ಸ ಪ್ರಮುಖ ಪಾತ್ರ ವಹಿಸಿದ್ದರು.

ಧಾರ್ಮಿಕ ಅಲ್ಪಸಂಖ್ಯಾತರು ಮತ್ತು ಜನಾಂಗೀಯ ಅಲ್ಪಸಂಖ್ಯಾತರ ವಿರುದ್ಧ ದ್ವೇಷ ಭಾಷಣಗಳನ್ನು ಮಾಡಿಯೇ ಗೊಟಬಯ ಅಧಿಕಾರಕ್ಕೆ ಬಂದ ಬಳಿಕ, ಅಲ್ಪಸಂಖ್ಯಾತರು ನಿದ್ದೆಯಿಲ್ಲದ ರಾತ್ರಿಗಳನ್ನು ಕಳೆಯುತ್ತಿದ್ದಾರೆ.

ಪ್ರಮಾಣವಚನದ ಬಳಿಕ ಮಾತನಾಡಿದ ಗೊಟಬಯ ರಾಜಪಕ್ಸ, ತನ್ನೊಂದಿಗೆ ಕೆಲಸ ಮಾಡುವಂತೆ ಅಲ್ಪಸಂಖ್ಯಾತರನ್ನು ಒತ್ತಾಯಿಸಿದರು.

ನನ್ನ ವಿಜಯಕ್ಕೆ ಬೌದ್ಧ ಬಿಕ್ಕುಗಳ ಅಪಾರ ಆಶೀರ್ವಾದವೇ ಕಾರಣ ಎಂದು ಅವರು ಇದೇ ಸಂದರ್ಭದಲ್ಲಿ ಹೇಳಿದರು.

‘‘ಸಿಂಹಳ ಬಹುಸಂಖ್ಯಾತರ ಮತ ಇಂದು ನನ್ನನ್ನು ಅಧ್ಯಕ್ಷ ಪೀಠದಲ್ಲಿ ಕೂರಿಸಿದೆ ಎನ್ನುವುದೇ ಈ ಚುನಾವಣೆಯ ಪ್ರಮುಖ ಸಂದೇಶವಾಗಿದೆ’’ ಎಂದು 70 ವರ್ಷದ ನಿವೃತ್ತ ಕರ್ನಲ್ ಹೇಳಿದರು.

‘ಸಿಂಹಳ ಬಹುಸಂಖ್ಯಾತರ ಮತಗಳಿಂದ ಮಾತ್ರ ಗೆಲ್ಲಬಲ್ಲೆ ಎಂದು ಗೊತ್ತಿತ್ತು’

‘‘ಸಿಂಹಳ ಬಹುಸಂಖ್ಯಾತರ ಮತಗಳಿಂದ ಮಾತ್ರ ನಾನು ಗೆಲ್ಲಬಲ್ಲೆ ಎಂದು ನನಗೆ ಗೊತ್ತಿತ್ತು. ಆದರೆ, ನನ್ನ ಯಶಸ್ಸಿನಲ್ಲಿ ಭಾಗಿಯಾಗುವಂತೆ ನಾನು ತಮಿಳರು ಮತ್ತು ಮುಸ್ಲಿಮರನ್ನು ವಿನಂತಿಸಿದೆ. ಅವರ ಪ್ರತಿಕ್ರಿಯೆ ನಾನು ನಿರೀಕ್ಷಿಸಿದಂತೆ ಇರಲಿಲ್ಲ. ಆದರೂ, ಒಂದು ಶ್ರೀಲಂಕಾವನ್ನು ನಿರ್ಮಿಸಲು ನನ್ನೊಂದಿಗೆ ಕೈಜೋಡಿಸುವಂತೆ ನಾನು ಅವರನ್ನು ಒತ್ತಾಯಿಸುತ್ತೇನೆ’’ ಎಂದರು.

ಅವರ ಅಣ್ಣ ಮಹಿಂದ ರಾಜಪಕ್ಸ 2005ರಿಂದ 2015ರವರೆಗೆ ದೇಶದ ಅಧ್ಯಕ್ಷರಾಗಿದ್ದಾಗ ಅವರು ರಕ್ಷಣಾ ಇಲಾಖೆಯ ಮುಖ್ಯಸ್ಥರಾಗಿದ್ದರು. ಇದೇ ಅವಧಿಯಲ್ಲಿ ಸೇನೆಯು 37 ವರ್ಷದ ಆಂತರಿಕ ಯುದ್ಧವನ್ನು ಕೊನೆಗೊಳಿಸಲು ಭೀಕರ ದಮನ ಕಾರ್ಯಾಚರಣೆ ನಡೆಸಿತು. ಈ ಭೀಕರ ಸೇನಾ ಕಾರ್ಯಾಚರಣೆಯಲ್ಲಿ ಒಂದು ಲಕ್ಷಕ್ಕೂ ಅಧಿಕ ಮಂದಿ ಮೃತಪಟ್ಟಿದ್ದಾರೆ.

ಯುದ್ಧದ ಕೊನೆಯ ಘಟ್ಟಗಳಲ್ಲಿ ಸುಮಾರು 40,000 ತಮಿಳು ನಾಗರಿಕರನ್ನು ಸೇನೆ ಕೊಂದಿದೆ ಎಂದು ಆರೋಪಿಸಲಾಗಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top