ಗಾಝಾಕ್ಕೆ ಟರ್ಕಿಯ 2ನೆ ಸಹಾಯ ಹಡಗು ರವಾನೆ
ಅಂಕಾರ, ಸೆ.5: ಗಾಝಾಕ್ಕೆ ಎರಡು ನೆರವು ಹಡಗನ್ನು ಟರ್ಕಿ ಕಳುಹಿಸಿಕೊಟ್ಟಿದೆ. ಹಡಗು ಮೆರ್ಸಿನ್ ನಗರದಿಂದ ಇಸ್ರೇಲ್ನ ಬಂದರು ಅಶ್ದೋದಿಗೆ ಹೊರಟಿದೆ. ಇಸ್ರೇಲ್ನೊಂದಿಗೆ ಬಾಂಧವ್ಯ ಸುಧಾರಣೆಗೊಂಡ ನಂತರ ಮಾನವೀಯ ನೆರವಿನ ಟರ್ಕಿ ಕಳುಹಿಸುತ್ತಿರುವ ಎರಡನೆ ಹಡಗು ಇದು ಎಂದು ಟರ್ಕಿಶ್ ಅಧಿಕಾರಿಗಳು ತಿಳಿಸಿದ್ದಾರೆಂದು ವರದಿಯಾಗಿದೆ.
2010ರಲ್ಲಿ ಟರ್ಕಿಯ ಫ್ರಿಡಂ ಪ್ಲಾಟ್ಟಿಲ್ಲ ತಂಡದ ವಿರುದ್ಧ ಇಸ್ರೇಲ್ ನಡೆಸಿದ ದಾಳಿಯ ನಂತರ ಎರಡು ರಾಷ್ಟ್ರಗಳ ನಡುವಿನ ಬಾಂಧವ್ಯದಲ್ಲಿ ಬಿರುಕು ಉಂಟಾಗಿತ್ತು. ಕಳೆದ ಜೂನ್ನಲ್ಲಿ ಟರ್ಕಿಯು ಇಸ್ರೇಲ್ನೊಂದಿಗಿನ ಸಂಬಂಧವನ್ನು ಮರುಸ್ಥಾಪಿಸಿ ಒಡಂಬಡಿಕೆ ಮಾಡಿಕೊಂಡಿತ್ತು. ಈ ಬಾರಿ ರವಾನೆಯಾದ ಹಡಗಿನಲ್ಲಿ 100 ವ್ಹೀಲ್ ಚೇರ್ಗಳು, 1000 ಸೈಕಲ್ಗಳು, ಸ್ಟೇಶನರಿ ಸಾಮಗ್ರಿಗಳನ್ನು ಒಳಗೊಂಡ ಲಕ್ಷ ಕಿಟ್ಗಳಿವೆ. ಮೂರು ಲಕ್ಷ ಬಟ್ಟೆಬರೆಗಳು, 1288 ಟನ್ ಧಾನ್ಯಗಳು, 170 ಟನ್ ಅಕ್ಕಿ, 64 ಟನ್ ಸಕ್ಕರೆ, 95 ಟನ್ ವನಸ್ಪತಿ ತೈಲ, 3,50,000 ಡೈಪರ್ಗಳು ಮೊದಲಾದ ಈ ಹಡಗಿನಲ್ಲಿವೆ. ಬಕ್ರೀದ್ ವೇಳೆಯಲ್ಲಿ ಈ ನೆರವು ವಸ್ತುಗಳನ್ನು ಗಾಝಾದ ಜನರಲ್ಲಿ ವಿತರಿಸಲಾಗುವುದು ಎಂದು ಟರ್ಕಿಯ ಅದಿಕಾರಿಗಳು ತಿಳಿಸಿದ್ದಾರೆ. ಸಾಮಾನ್ಯ ನೆರವಲ್ಲದೆ ಫೆೆಲೆಸ್ತೀನ್ ಮಕ್ಕಳಿಗೆ ಈ ಬಾರಿ ಸೈಕಲ್ಗಳನ್ನು ಕೊಡುಗೆ ಯಾಗಿ ನೀಡಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ. ಇಸ್ರೇಲ್ನೊಂದಿಗೆ ಟರ್ಕಿಯ ಒಪ್ಪಂದ ಆದ ಮೇಲೆ ಮೊದಲ ಹಡಗು ಜುಲೈಯಲ್ಲಿ ಅಶ್ದೋದಿ ಬಂದರ್ಗೆ ತಲುಪಿತ್ತು. ಈದುಲ್ಫಿ ತ್ರ್ ಸಂಬಂಧಿಸಿ ಈ ನೆರವನ್ನು ರವಾನಿಸಲಾಗಿತ್ತು. ಅಶ್ದೋದಿ ಬಂದರ್ನಿಂದ ಲಾರಿಗಳ ಮೂಲಕ ಸಾಮಗ್ರಿಗಳನ್ನು ಗಾಝಾಕ್ಕೆ ತಲುಪಿಸಲಾಗಿತ್ತು. ಈ ಸಲವೂ ಗಾಝಾಕ್ಕೆ ಅದೇ ರೀತಿಯಲ್ಲಿ ವಸ್ತುಗಳನ್ನು ಸಾಗಿಸಲು ಸಾಧ್ಯವಾಗಬಹುದೆಂದು ಟರ್ಕಿ ಅಧಿಕಾರಿಗಳು ಭಾವಿಸಿದ್ದಾರೆ.
ನೆರವು ವಿತರಣೆಯಲ್ಲಿ ಪಕ್ಷಪಾತ ಮತ್ತು ರಾಜಕೀಯ ನಡೆಯುತ್ತಿದೆ. ಹಮಾಸ್ನೊಂದಿಗೆ ಸಂಬಂಧವಿರುವವರಿಗೆ ಮಾತ್ರ ನೆರವು ಲಭಿಸುತ್ತಿವೆ ಎಂದು ಫೆಲೆಸ್ತೀನ್ ಪತ್ರಕರ್ತ ಜಿಹಾದ್ ಸಪ್ತಾವಿ ಆರೋಪಿಸಿದ್ದಾರೆ. ಎಂಟು ವರ್ಷಗಳ ದಿಗ್ಬಂಧನದಿಂದ ಗಾಝಾ ನಿವಾಸಿಗಳು ನಿರಾಶರಾಗಿದ್ದಾರೆ ಎಂದು ಅವರು ಹೇಳಿದ್ದಾರೆ.