ವಿಚಾರವಾದಿಗಳು ಪರಂಪರೆಯಿಂದ ದೂರವಾಗಬಾರದು: ಡಾ.ಎಲ್.ಹನುಮಂತಯ್ಯ | Vartha Bharati- ವಾರ್ತಾ ಭಾರತಿ

---

‘ಕಾವ್ಯ ಶಿವರಾತ್ರಿ’ ಕಾರ್ಯಕ್ರಮ

ವಿಚಾರವಾದಿಗಳು ಪರಂಪರೆಯಿಂದ ದೂರವಾಗಬಾರದು: ಡಾ.ಎಲ್.ಹನುಮಂತಯ್ಯ

ಬೆಂಗಳೂರು, ಮಾ.4: ವಿಚಾರವಾದಿಗಳು ಪರಂಪರೆಯಿಂದ ದೂರವಾದರೆ ಜನರಿಂದ ದೂರವಾಗುತ್ತಾರೆ ಎಂದು ರಾಜ್ಯಸಭಾ ಸದಸ್ಯ ಡಾ.ಎಲ್.ಹನುಮಂತಯ್ಯ ಅಭಿಪ್ರಾಯಪಟ್ಟಿದ್ದಾರೆ.

ನಗರದ ಕಸಾಪದಲ್ಲಿ ಶಿವರಾತ್ರಿಯ ಅಂಗವಾಗಿ ಕಾವ್ಯ ಮಂಡಲದ ವತಿಯಿಂದ ಆಯೋಜಿಸಿದ್ದ ಅಹೋರಾತ್ರಿ ಕಾವ್ಯಗಾಯನ ‘ಕಾವ್ಯ ಶಿವರಾತ್ರಿ’ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ನಾಡಿನ ಪರಂಪರೆಯನ್ನು ಧಿಕ್ಕರಿಸುತ್ತಾ ಹೋದರೆ ವಿಚಾರಗಳು ಹಿಂದೆ ಸರಿಯುತ್ತಾ ಹೋಗುತ್ತವೆ. ಇತ್ತೀಚಿಗೆ ವಿಚಾರವಾದಿಗಳ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದ ಸಂದರ್ಭದಲ್ಲಿ ಅಲ್ಲಿ ಎಲ್ಲರೂ 60-70 ವರ್ಷ ಮೀರಿದವರೇ ಇದ್ದರು. ಅಂದರೆ ಯುವ ಸಮುದಾಯವನ್ನು ತಲುಪಲು ನಮಗೆ ಇಂದಿನ ಪರಂಪರೆ ಮುಖ್ಯವಾಗಿದೆ. ಜನಸಾಮಾನ್ಯರ ಪರಂಪರೆಯನ್ನು ಯುವಜನರಿಗೆ ತಲುಪಿಸಬೇಕಾದ ಅಗತ್ಯವಿದೆ ಎಂದರು.

ಕರ್ನಾಟಕದಲ್ಲಿ ಕಿ.ರಂ.ನಾಗರಾಜರನ್ನು ಕಾವ್ಯದ ಹುಚ್ಚ ಎನ್ನುತ್ತಿದ್ದರು. ಆದರೆ, ಅವರ ನಂತರ ಈ ನಾಡಿನಲ್ಲಿ ಮತ್ತೊಬ್ಬ ಕಾವ್ಯದ ಹುಚ್ಚಿರುವ ಮೇಷ್ಟ್ರು ಸಿಗಲಿಲ್ಲ. ಕಾವ್ಯ ಬರೆಯುವುದು ಹೇಗೆ ಎಂದು ಹೇಳಿಕೊಡಲು ಹಾಗೂ ಕಾವ್ಯದಿಂದ ಪ್ರಯೋಜನವೇನು ಎಂದು ಅಪಹಾಸ್ಯ ಮಾಡುವವರಿಗೆ ಬುದ್ಧಿವಾದ ಹೇಳಲು ಒಬ್ಬ ಮೇಷ್ಟ್ರು ಅಗತ್ಯವಿದೆ ಎಂದು ಹೇಳಿದರು.

ರಾಜ್ಯದಲ್ಲಿ ಅನೇಕ ವಿಶ್ವವಿದ್ಯಾಲಯಗಳಿದ್ದು, ಅದರಲ್ಲಿ ನೂರಾರು ಸಂಖ್ಯೆಯಲ್ಲಿ ಕನ್ನಡದ ಪ್ರಾಧ್ಯಾಪಕರಿದ್ದಾರೆ. ಆದರೆ, ಕಿ.ರಂ.ನಂತಹ ಕಾವ್ಯದ ಹುಚ್ಚನ್ನು ಹತ್ತಿಸಿಕೊಂಡವರು ಹುಟ್ಟಿಕೊಳ್ಳಲಿಲ್ಲ. ಈ ನಿಟ್ಟಿನಲ್ಲಿ ಕಿರಂ ರಷ್ಟರ ಮಟ್ಟಿಗೆ ಅಲ್ಲದಿದ್ದರೂ ಮತ್ತೊಬ್ಬ ಕಾವ್ಯದ ಹುಚ್ಚರು ಹುಟ್ಟಬೇಕಿದೆ ಎಂದು ಆಶಿಸಿದರು.

ದೇಶವಿಡೀ ಶಿವನನ್ನು ಆರಾಧಿಸುತ್ತಿದೆ. ಆದರೆ, ಶಿವ ನಮ್ಮೆಲ್ಲರ ಗೆಳೆಯನಾಗಿದ್ದು, ಪರಂಪರೆಯ ಶಿವನಾಗಿದ್ದಾನೆ. ಅವನಿಗೆ ವಿವಿಧ ರೀತಿಯ ಭಕ್ತರಿದ್ದು, ಹಿಮಾಲಯದ ತಪ್ಪಲಿನಲ್ಲಿ ಹೆಜ್ಜೆಗೊಂದು ಗುಡಿ ಕಟ್ಟಿಕೊಂಡವರಿದ್ದಾರೆ. ಶಿವ ಎಂಬುವವನು ಪರಿಶಿಷ್ಟ ಜಾತಿಗೆ ಸೇರಿದ ನಾಯಕನಾಗಿದ್ದಾನೆ. ಮೈಗೆ ಚರ್ಮವನ್ನು ಸುತ್ತಿಕೊಂಡು, 2 ಹೆಂಡತಿ ಕಟ್ಟಿಕೊಂಡವನಾಗಿದ್ದಾನೆ ಎಂದು ಹೇಳಿದರು.

ಮಾಂಸಾಹಾರಿಯಾಗಿದ್ದ ಶಿವನನ್ನು ಕೆಲವರು ಅನುಕೂಲಕ್ಕಾಗಿ ಸಸ್ಯಾಹಾರಿಯನ್ನಾಗಿ ಮಾಡಿಕೊಂಡಿದ್ದಾರೆ. ಮನುಷ್ಯ ಹೇಗೆ ಜೀವಿಸಬಲ್ಲನೋ ಹಾಗೆ ಜೀವಿಸಿದ ವ್ಯಕ್ತಿ. ಅವನಿಗೆ ಯಾವುದರ ಕಲ್ಪನೆಯಿರಲಿಲ್ಲ ಎಂದ ಅವರು, ಎಲ್ಲಿ ಬೇಕಾದರೂ ಸ್ನಾನ ಮಾಡುತ್ತಿದ್ದ, ಊಟ ಮಾಡುತ್ತಿದ್ದ, ಮಲಗುತ್ತಿದ್ದನು. ಹೀಗಾಗಿ, ಅವನು ಜನಸಾಮಾನ್ಯರ ಶಿವನಾಗಿದ್ದು, ಅವನನ್ನು ಅರ್ಥಮಾಡಿಕೊಳ್ಳುವ, ಅವನ ವೈವಿದ್ಯತೆಯನ್ನು ಪಾಲಿಸುವ ಸಂದರ್ಭ ಇದಾಗಿದೆ ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಪತ್ರಕರ್ತ ಬಿ.ಎಂ.ಹನೀಫ್, ಕೆ.ಎನ್.ಕವನ, ಕುರುವ ಬಸವರಾಜು, ಉಷಾ ಕಟ್ಟೆಮನೆ, ಕೆ.ಪಿ.ಬೆಟ್ಟೇಗೌಡ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top