ಮುಖ್ಯಮಂತ್ರಿ ಯಡಿಯೂರಪ್ಪರ ಒಂದು ದಿನದ ವೃತ್ತಾಂತ... | Vartha Bharati- ವಾರ್ತಾ ಭಾರತಿ

---

ಮುಖ್ಯಮಂತ್ರಿ ಯಡಿಯೂರಪ್ಪರ ಒಂದು ದಿನದ ವೃತ್ತಾಂತ...

ಯಡಿಯೂರಪ್ಪ ಮುಖ್ಯಮಂತ್ರಿಯಾದುದೇ ಅವರ ಮುಂದಿನ ಕಾರ್ಯಕ್ರಮಗಳ ವಿವರಗಳನ್ನು ಅವರ ಆಪ್ತ ಕಾರ್ಯದರ್ಶಿ ಅಸಂತೋಷ್ ಪತ್ರಕರ್ತರಿಗೆ ಬಿಡುಗಡೆ ಮಾಡಿದರು. ಪತ್ರಕರ್ತ ಎಂಜಲು ಕಾಸಿ ಅವರಿಗೆ ದೊರಕಿದ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ದಿನಚರಿ ಪ್ರಕಟನೆ ಕೆಳಗಿನಂತಿದೆ.
***
ಬೆಳಗ್ಗೆ 7 ಗಂಟೆ: ತೀರಾ ಆಪ್ತರೊಬ್ಬರ ಜೊತೆಗೆ ಗುಪ್ತಸಮಾಲೋಚನೆ. ಬಳಿಕ ಬಿಜೆಪಿಯೊಳಗೆ ಹೊಸದಾಗಿ ಯಾರು ಯಾರು ಅತೃಪ್ತರಿದ್ದಾರೆ ಎನ್ನುವುದರ ಕುರಿತಂತೆ ಗುಪ್ತಚರ ಇಲಾಖೆಯಿಂದ ದೊರಕಿದ ಮಾಹಿತಿ ಪರಿಶೀಲನೆ.
ಬೆಳಗ್ಗೆ 10 ಗಂಟೆ: ಎಲ್ಲ ಅತೃಪ್ತ ಶಾಸಕರು ಚುನಾವಣೆಗಾಗಿ ಮಾಡಿದ ಸಾಲಗಳನ್ನು ಸಂಪೂರ್ಣ ಮನ್ನಾ ಮಾಡಲು ಸೂಚನೆ. ಈ ಕುರಿತಂತೆ ಸುದ್ದಿಗೋಷ್ಠಿ (ಪತ್ರಕರ್ತರಿಗೆ ವಿಶೇಷ ಉಡುಗೊರೆ-ಶೀರ ಉಪ್ಪಿಟ್ಟಿನ ಜೊತೆಗೆ)
ಬೆಳಗ್ಗೆ 10:30: ಅತೃಪ್ತ ಶಾಸಕರು ವಿವಿಧ ರೆಸಾರ್ಟ್‌ಗಳಲ್ಲಿ ಈಗಾಗಲೇ ಮಾಡಿರುವ ಎಲ್ಲ ಸಾಲಗಳ ಮನ್ನಾ (ವಿವಿಧ ರೆಸಾರ್ಟ್‌ಗಳಿಗೆ ಭೇಟಿ ನೀಡಿದ ಬಳಿಕ ಘೋಷಣೆ)
ಅಪರಾಹ್ನ 11: ನಾಡಿನ ಎಲ್ಲ ಪತ್ರಕರ್ತರು ವಿವಿಧ ಬಾರ್‌ಗಳಲ್ಲಿ, ವೈನ್‌ಶಾಪ್‌ಗಳಲ್ಲಿ ಮಾಡಿರುವ ಸಾಲಗಳ ಮನ್ನಾ. ಈ ಕುರಿತಂತೆ ಮತ್ತೊಂದು ವಿಶೇಷ ಪತ್ರಿಕಾಗೋಷ್ಠಿ. (ಪತ್ರಿಕಾಗೋಷ್ಠಿಯ ಬಳಿಕ ಪತ್ರಕರ್ತರಿಗೆ ವಿಶೇಷಗುಂಡುಗಳ ಹಂಚುವಿಕೆ. ಸಂಭ್ರಮಾಚರಣೆ).
ಮಧ್ಯಾಹ್ನ 12: ಅನರ್ಹ ಶಾಸಕರಿಗೆ ವಿಶೇಷ ಸ್ವಉದ್ಯೋಗ ಯೋಜನೆಗಳ ಘೋಷಣೆ. ಅವರ ಸ್ವಉದ್ಯೋಗಗಳಿಗಾಗಿ ತಲಾ 10 ಕೋಟಿ ರೂ. ಬಿಡುಗಡೆ ಮತ್ತು ಜೊತೆ ಜೊತೆಗೆ ಅವರಿಗೆ ನೀಡಲಾಗುವ ಸಾಲಗಳ ಮನ್ನಾ ಘೋಷಣೆ.
ಮಧ್ಯಾಹ್ನ 1: ಬಿಜೆಪಿಯೊಳಗೆ ಯಾರೂ ಅತೃಪ್ತರಿಲ್ಲ. -ಯಡಿಯೂರಪ್ಪ (ಪತ್ರಿಕಾಗೋಷ್ಠಿ. ಪತ್ರಕರ್ತರಿಗಾಗಿ ವಿಶೇಷ ಊಟದ ವ್ಯವಸ್ಥೆ).
ಅಪರಾಹ್ನ 2: ನಮ್ಮ ಸರಕಾರದಲ್ಲಿ 10 ಉಪಮುಖ್ಯಮಂತ್ರಿಗಳ ನೇಮಕ. (ವಿಶೇಷ ಪತ್ರಿಕಾಗೋಷ್ಠಿಯಲ್ಲಿಹೇಳಿಕೆ)
ಅಪರಾಹ್ನ 2:30: ಉಪಮುಖ್ಯಮಂತ್ರಿ ಸ್ಥಾನಗಳ ಸಂಖ್ಯೆಯಲ್ಲಿ ಇನ್ನಷ್ಟು ಹೆಚ್ಚಳ. ಅತೃಪ್ತರ ಶಮನಕ್ಕಾಗಿ ವಿಶೇಷ ಖಾತೆ ರಚನೆ-ತುರ್ತು ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ)
ಅಪರಾಹ್ನ 3: ನಾನು ಮುಖ್ಯಮಂತ್ರಿಯಾಗದಂತೆ ತಡೆಯಲು ಜೆಡಿಎಸ್-ಕಾಂಗ್ರೆಸ್ ಸಂಚು. ಇದು ಅನೈತಿಕ-(ವಿಶೇಷ ತುರ್ತು ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ)
ಅಪರಾಹ್ನ 3:30: ತುರ್ತು ಶಾಸಕಾಂಗ ಸಭೆ. ಪಕ್ಷದ ವಿವಿಧ ನಾಯಕರ ಜೊತೆಗೆ ಸಮಾಲೋಚನೆ.
ಸಂಜೆ 4: ಬಿಜೆಪಿಯಿಂದ ಎರಡು ಮುಖ್ಯಮಂತ್ರಿ ಹತ್ತು ಹಿರಿಯ ಉಪಮುಖ್ಯಮಂತ್ರಿ ಮತ್ತು 20 ಉಪಮುಖ್ಯಮಂತ್ರಿಗಳು (ಅತಿ ವಿಶೇಷ ತುರ್ತು ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ)
ಸಂಜೆ 4.30: ಪಕ್ಷವಿರೋಧಿ ಕೃತ್ಯ ನಡೆಸಿದರೆ ಶಾಸಕರ ವಿರುದ್ಧ ಕಠಿಣ ಕ್ರಮ(ಮಾಧ್ಯಮಗಳ ಜೊತೆಗೆ ವಿಶೇಷ ಮಾತುಕತೆ).
ಸಂಜೆ 5: ನಾನು ವಿಶ್ವಾಸ ಮತ ಸಾಬೀತು ಪಡಿಸಿಯೇ ಸಿದ್ಧ (ಟಿ.ವಿ. ವಾಹಿನಿಗೆ ಫೋನ್ ಮೂಲಕ ಹೇಳಿಕೆ)
ಸಂಜೆ 5:30: ಪಕ್ಷದೊಳಗೆ ನನ್ನ ವಿರುದ್ಧ ಸಂಚು. ಆರೆಸ್ಸೆಸ್‌ನ ಸಂತೋಷ್ ಅವರು ನನ್ನನ್ನು ಕೆಲಸ ಮಾಡಲು ಬಿಡುತ್ತಿಲ್ಲ- ಗಂಭೀರ ಆರೋಪ.
ಸಂಜೆ 6: ಕೇಶವ ಕೃಪಾ ಬಾಗಿಲಲ್ಲಿ ಯಡಿಯೂರಪ್ಪ. ಕೇಶವ ಕೃಪಾ ಬಾಗಿಲಿಗೆ ಬೃಹತ್ ಬೀಗ. ನಿರಾಶೆಯಿಂದ ವಾಪಾಸ್.
ಸಂಜೆ 6:15: ನನ್ನ ಪರವಾಗಿ ಬಿಜೆಪಿಯಲ್ಲಿ 70 ಮಂದಿ ಶಾಸಕರಿದ್ದಾರೆ. ಅವಕಾಶ ಸಿಕ್ಕಿದರೆ ಕುಮಾರಸ್ವಾಮಿಯವರ ಜೊತೆಗೆ 20-20 ಆಡಲು ಸಿದ್ಧ-(ಪತ್ರಕರ್ತ ಎಂಜಲು ಕಾಸಿಯ ಜೊತೆಗೆ ಯಡಿಯೂರಪ್ಪ)
ಸಂಜೆ 6:20: ಕಾಂಗ್ರೆಸ್‌ನಿಂದ 10 ಅತೃಪ್ತರು ನನಗೆ ಬೆಂಬಲ ನೀಡಲಿದ್ದಾರೆ. ಬಹುಮತ ಸಾಬೀತು ಪಡಿಸಿಯೇ ಸಿದ್ಧ-(ಯಡಿಯೂರಪ್ಪ ಆಪತ್ಕಾಲದ ಪತ್ರಿಕಾಗೋಷ್ಠಿಯಲ್ಲಿ ಸ್ಪಷ್ಟನೆ.)
ಸಂಜೆ 6:45: ಎಲ್ಲ ಮಠಗಳಿಗೆ ತಲಾ 10 ಕೋಟಿ ರೂಪಾಯಿ ಅನುದಾನ ಘೋಷಣೆ-(ನಿವಾಸದಲ್ಲಿ ಪತ್ರಕರ್ತರಿಗೆ ಮಾಹಿತಿ.)
ಸಂಜೆ 7: ವಿವಿಧ ಸ್ವಾಮೀಜಿಗಳ ಆಶೀರ್ವಾದ ನನ್ನ ಮೇಲಿದೆ. ಆದುದರಿಂದ ವಿಶ್ವಾಸ ಮತ ಸಾಬೀತು ಮಾಡುವಲ್ಲಿ ಯಶಸ್ವಿಯಾಗುತ್ತೇನೆ-ಯಡಿಯೂರಪ್ಪ ಭರವಸೆ.
ರಾತ್ರಿ 7:30: ರಾಜ್ಯದಲ್ಲಿ ಲಿಂಗಾಯತ ಸಮುದಾಯಕ್ಕೆ ಭಾರೀ ಅನ್ಯಾಯವಾಗುತ್ತಿದೆ. ಲಿಂಗಾಯತರಿಗೆ ಆಗುವ ಅನ್ಯಾಯವನ್ನು ನಾನು ಸಹಿಸಲಾರೆ-(ತುರ್ತು ಪತ್ರಿಕಾಗೋಷ್ಠಿಯಲ್ಲಿ ಯಡಿಯೂರಪ್ಪ.)
ರಾತ್ರಿ 8: ಕೇಶವಕೃಪಾದ ಬಾಗಿಲು ತೆಗೆಯದೇ ಇದ್ದರೆ ಲಿಂಗಾಯತ ಸ್ವತಂತ್ರ ಧರ್ಮವಾಗುವುದರ ಬಗ್ಗೆ ನಾನು ಚಿಂತನೆ ನಡೆಸಲಿದ್ದೇನೆ-(ರೆಸಾರ್ಟ್ ಮಾತುಕತೆಯ ಬಳಿಕ ಯಡಿಯೂರಪ್ಪ.)
ರಾತ್ರಿ 8:30: ನನ್ನ ಕೆಜೆಪಿ ಇನ್ನೂ ಅಸ್ತಿತ್ವದಲ್ಲಿದೆ. ಅದರ ರಾಷ್ಟ್ರಾಧ್ಯಕ್ಷನಾಗಿ ನಾನು ಮುಂದುವರಿಯಲಿದ್ದೇನೆ.
ರಾತ್ರಿ 9: ಯಡಿಯೂರಪ್ಪರಿಂದ ರಾಜ್ಯಪಾಲರ ಭೇಟಿ.
ರಾತ್ರಿ 9:30: ಮುಖ್ಯಮಂತ್ರಿ ಸ್ಥಾನಕ್ಕೆ ಯಡಿಯೂರಪ್ಪ ರಾಜೀನಾಮೆ.
ರಾತ್ರಿ 10: ಸ್ವತಂತ್ರ ಲಿಂಗಾಯತ ಧರ್ಮ ಚಳವಳಿಗೆ ಪೂರ್ಣ ಬೆಂಬಲ. ನೇತೃತ್ವ ವಹಿಸಿಕೊಂಡ ಯಡಿಯೂರಪ್ಪ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top