ಕಾಶ್ಮೀರ ಎಂದು ಹೇಳಿ, ಶಿಮ್ಲಾವನ್ನು ತೋರಿಸಿದರಾಯಿತು.... | Vartha Bharati- ವಾರ್ತಾ ಭಾರತಿ

ಕಾಶ್ಮೀರ ಎಂದು ಹೇಳಿ, ಶಿಮ್ಲಾವನ್ನು ತೋರಿಸಿದರಾಯಿತು....

‘‘ಸಾರ್ ಆ ಮೈದಾನದಲ್ಲಿ ಬರೇ ಒಂದು ಲಕ್ಷ ಜನ ಸೇರೋಕ್ಕಾಗೋದು...70 ಲಕ್ಷ ಜನರನ್ನು ಸೇರಿಸುವ ಭರವಸೆ ನೀಡಿದ್ದೀರಲ್ಲ?’’ ಚೌಕೀದಾರ್ ಬಳಿ ಆಪ್ತ ಸಹಾಯಕ ಕಂಗಾಲಾಗಿ ಕೇಳಿದ.

‘‘ಎಲ್ಲಾ ಅಕೌಂಟ್‌ಗೆ ಹದಿನೈದು ಲಕ್ಷ ರೂಪಾಯಿ ಹಾಕುತ್ತೇನೆ ಎಂದು ಭರವಸೆ ಕೊಟ್ಟು ಚುನಾವಣೆ ಗೆದ್ದಿದ್ದೇನೆ. ಈವರೆಗೆ ಹಾಕಿದ್ದೇನಾ?’’ ಚೌಕೀದಾರ್ ಮರು ಪ್ರಶ್ನಿಸಿದರು.

‘‘ಇಲ್ಲ....’’ ಆ. ಸಹಾಯಕ ಹೇಳಿದ.

‘‘ಹಾಗೆಯೇ ಇದು...’’ ಚೌಕೀದಾರ್ ಗಡ್ಡ ನೀವಿದರು.

‘‘ಆದ್ರೆ ಟ್ರಂಪು ಸಾಹೇಬರು 70 ಲಕ್ಷ ಜನ ಸೇರ್ತಾರೆ ಎನ್ನುವುದನ್ನು ನಂಬಿದ್ದಾರೆ....ಅವರಿಗೆ ಬೇಜಾರಾಗಲ್ವಾ...’’ ಆ. ಸಹಾಯಕ ಕೇಳಿದ.

‘‘ಅವರು ಜನಗಣತಿ ಮಾಡೋಕೆ ಬರ್ತಾ ಇರೋದಾ....ರಸ್ತೆಗೆ ಗೋಡೆ ಕಟ್ಟಿದ ಹಾಗೆ ಮೈದಾನದ ನಾಲ್ಕೂ ದಿಕ್ಕಿಗೆ ಕನ್ನಡ ಇಟ್ರೆ ಆಯಿತು. ಇರುವ ಜನರೇ ಹಲವು ಪಟ್ಟ ಕಾಣ್ತಾರೆ...’’ ಚೌಕೀದಾರ್ ಸಲಹೆ ನೀಡಿದರು. ಆ. ಸಹಾಯಕ ರೋಮಾಂಚನಗೊಂಡ. ಆದರೂ ಸಣ್ಣ ಅನುಮಾನ....‘‘ಸಾರ್...ಆ ಕನ್ನಡಿಯಲ್ಲಿ ಟ್ರಂಪ್ ಸಾಹೇಬರಿಗೆ ಅವರ ಮುಖವೇ ಕಂಡರೆ....’’

‘‘ಕಂಡರೆ ಏನಾಯಿತು...ಅವರಿಗೂ ಖುಷಿಯಾಗುತ್ತೆ....ಆದರೆ ಗುಜರಾತ್ ಅಭಿವೃದ್ಧಿಯ ಮುಖ ಕಾಣದ ಹಾಗೆ ಮಾಡಿದರೆ ಆಯಿತು...ಹಾಗೆಯೇ ಫೋಟೊ ಎಡಿಟ್ ಮಾಡಿ ಸಿಎಎ ವಿರುದ್ಧ ಪ್ರತಿಭಟನೆಗೆ ನೆರೆದ ಜನರನ್ನೆಲ್ಲ ಟ್ರಂಪ್ ಸಾಹೇಬರನ್ನು ನೋಡೋದಕ್ಕೆ ಬಂದಿರೋರು ಎಂದು ಮೀಡಿಯಾಗಳಲ್ಲಿ ಹಾಕಿದರೆ ಆಯಿತು...’’ ಚೌಕೀದಾರ್ ಇನ್ನೊಂದು ಸಲಹೆ ನೀಡಿದರು. ‘‘ಸಾರ್ ಬೇಕಾದರೆ ಕೇಜ್ರಿವಾಲ್ ಪ್ರಮಾಣ ವಚನಕ್ಕೆ ಸೇರಿದ ಜನರನ್ನೂ ಒಟ್ಟಿಗೇ ಸೇರಿಸಬಹುದು...’’ ಆ. ಸಹಾಯಕ ಸಲಹೆ ನೀಡಿದ. ಚೌಕೀದಾರರಿಗೆ ಖುಷಿಯಾಯಿತು.

‘‘ಸಾರ್...ಟ್ರಂಪ್ ಸಾಹೇಬರಿಂದ ಭಾರತಕ್ಕಾಗಿ ಏನೇನು ವರ ಕೇಳಲಿದ್ದೀರಿ ಸಾರ್...’’ ಆ. ಸಹಾಯಕ ಆಸೆಯಿಂದ ಕೇಳಿದ.

‘‘ಟ್ರಂಪ್ ಸಾಹೇಬರ ಪಾದ ಚರಣಗಳಲ್ಲಿ ನಮಗೊಂದು ಆಶ್ರಯಬೇಕು....ಸದಾ ಪಾಕಿಸ್ತಾನಕ್ಕೆ ಎಚ್ಚರಿಕೆ ಕೊಡುತ್ತಿರಬೇಕು....ಆಗಾಗ ಟ್ವಿಟರ್‌ನಲ್ಲಿ ಮೋದಿ ನಂ. 2 ಅಂತ ಬರೀಬೇಕು....ಭಾರತ ಅಭಿವೃದ್ಧಿಯ ಹಾದಿಯಲ್ಲಿದೆ ಎಂದು ಆಗಾಗ ಮಾಧ್ಯಮಗಳಿಗೆ ಹೇಳಿಕೆ ನೀಡಬೇಕು....ಈ ಪ್ರಮುಖ ಬೇಡಿಕೆಗಳಿಗೆ ಟ್ರಂಪ್ ಸಹಿ ಹಾಕಬೇಕು ಎಂದು ನಾವು ಒತ್ತಾಯಿಸಿದ್ದೇವೆ’’ ಚೌಕೀದಾರ್ ವಿವರಿಸಿದರು.

‘‘ಪ್ರತಿಯಾಗಿ ನೀವು ಯಾವ್ಯಾವ ಬೇಡಿಕೆಗಳಿಗೆ ಸಹಿ ಹಾಕುತ್ತಿದ್ದೀರಿ ಸಾರ್...?’’ ಆ. ಸಹಾಯಕ ಪ್ರಶ್ನಿಸಿದ.

‘‘ಅವರು ನಮ್ಮಲ್ಲಿರುವ ವಸ್ತುಗಳನ್ನು ಕೇಳುವುದೇ ಭಾರತಕ್ಕೊಂದು ಮರ್ಯಾದೆ. ಪಾಪ....ಒಂದಿಷ್ಟು ಹಾಲು, ಕೋಳಿ, ಕುರಿ ಇತ್ಯಾದಿಗಳನ್ನು ಮಾರಲು ಜಾಗ ಕೇಳುತ್ತಿದ್ದಾರೆ. ವ್ಯಾಪಾರ ಮಾಡುವುದಕ್ಕೆ ಒಂದಿಷ್ಟು ಜಾಗ ಕೇಳುತ್ತಿದ್ದಾರೆ....ಬಹುಶಃ ಮೋದಿ ಪ್ರಧಾನಿಯಾದ ಬಳಿಕ ಈ ದೇಶದ ಮೇಲೆ ಅಮೆರಿಕದ ಕಣ್ಣು ಬಿದ್ದಿದೆ. ಹಿಂದೆಲ್ಲ ಹೀಗೆ, ನಿಮ್ಮ ದೇಶದಲ್ಲಿ ನಾನು ವ್ಯಾಪಾರ ಮಾಡ್ಲಾ ಎಂದು ಯಾರಾದರೂ ಅಮೆರಿಕದ ಅಧ್ಯಕ್ಷರು ಕೇಳಿದ್ದಾರೆಯೇ?’’ಚೌಕೀದಾರ್ ಮರು ಪ್ರಶ್ನಿಸಿದರು. ‘‘ನಮ್ಮ ರೈತರಿಗೆಲ್ಲ ಪ್ರಾಬ್ಲಂ ಆಗತ್ತಂತೆ....’’ ಆ. ಸಹಾಯಕ ಆತಂಕ ವ್ಯಕ್ತಪಡಿಸಿದರು.

 ‘‘ಈ ದೇಶದಲ್ಲಿ ರೈತರಿರುವುದೇ ಪ್ರಾಬ್ಲಂ. ಅವರು ಎಲ್ಲೆಲ್ಲ ಇದ್ದಾರೋ ಅಲ್ಲೆಲ್ಲ ಗೋಡೆಗಳನ್ನು ಕಟ್ಟುವುದಕ್ಕೆ ಹೇಳಿ. ನಮ್ಮ ರೈತರನ್ನು ನೋಡಿ ಟ್ರಂಪ್ ಸಾಹೇಬರು ದೇಶದ ಬಗ್ಗೆ ತಪ್ಪು ತಿಳ್ಕೋಬಾರದು. ಮುಂದಿನ ದಿನಗಳಲ್ಲಿ ನಾವೆಲ್ಲರೂ ಅಮೆರಿಕದ ಕೋಳಿ, ಅಮೆರಿಕದ ಹಾಲು, ಅಮೆರಿಕದ ಪೇಡ ತಿಂದು ಭಾರತ ಅಮೆರಿಕವಾಗಲಿದೆ....’’ ಚೌಕೀದಾರ್ ಹೆಮ್ಮೆಯಿಂದ ಹೇಳಿದರು.

‘‘ಸಾರ್ ಟ್ರಂಪ್ ಭೇಟಿಯಿಂದ ಭಾರತಕ್ಕೆ ಆರ್ಥಿಕವಾಗಿ ಇನ್ನೇನು ಲಾಭ ಇದೆ ಸಾರ್...?’’ ಆ. ಸಹಾಯಕ ಒಂದೊಂದನ್ನೇ ನೋಟ್ ಮಾಡಿಕೊಂಡು ಕೇಳಿದ.

‘‘ನೋಡಿ...ಟ್ರಂಪ್ ಸಾಹೇಬರು ಈ ದೇಶಕ್ಕೆ ಮೊದಲ ಹೆಜ್ಜೆಯನ್ನು ಊರಿದ ನೆಲದ ಮಣ್ಣನ್ನು ನಾವು ಏಲಂ ಮಾಡಲಿದ್ದೇವೆ. ಅದರಿಂದ ಸಿಕ್ಕಿದ ಹಣವನ್ನು ಖಜಾನೆಗೆ ಸೇರಿಸಲಿದ್ದೇವೆ....ತಾಜ್‌ಮಹಲ್‌ಗೆ ಟ್ರಂಪ್ ಮತ್ತು ಅವರ ಪತ್ನಿ ಭೇಟಿ ನೀಡುವುದರಿಂದ ತಾಜ್‌ಮಹಲ್‌ನ ಹಿರಿಮೆ ಹೆಚ್ಚಲಿದೆ...ಟ್ರಂಪ್ ಮತ್ತು ನಾನು ಒಟ್ಟಾಗಿ ಕುಳಿತುಕೊಳ್ಳುವ ವೇದಿಕೆಯನ್ನು ರಾಷ್ಟ್ರೀಯ ಸ್ಮಾರಕವಾಗಿ ಮಾಡಲಿದ್ದೇವೆ. ಇದು ಮುಂದೆ ಬೃಹತ್ ಪ್ರವಾಸಿ ತಾಣವಾಗಿ ಭಾರತದ ಆರ್ಥಿಕತೆಯನ್ನು ಹೆಚ್ಚಿಸಲಿದೆ....’’

‘‘ಸಾರ್ ಟ್ರಂಪ್ ಸಾಹೇಬರ ಮಧ್ಯಾಹ್ನದ ಊಟಕ್ಕೆ ಬೀಫ್ ಮಸ್ಟ್ ಅಂತೆ ....ಏನ್ಮಾಡೋದು...ಗೋರಕ್ಷಕರು ದಾಳಿ ಮಾಡಿದರೆ ಕತೆ?’’ ಆ. ಸಹಾಯಕ ದೊಡ್ಡ ಪ್ರಶ್ನೆಯನ್ನು ಮುಂದಿಟ್ಟ.

 ‘‘ಭಾರತದ ಅತ್ಯುತ್ತಮ ತಳಿಯ ಗೋವುಗಳನ್ನು ತಂದು, ಅದರೊಳಗಿರುವ ಎಲ್ಲ ದೇವತೆಗಳನ್ನು ಹೊರಗೆ ಕಳುಹಿಸಿ ಅದನ್ನು ಮಾಂಸ ಮಾಡಿ ಟ್ರಂಪ್ ಸಾಹೇಬರಿಗೆ ಬಡಿಸಲಾಗುತ್ತದೆ. ಗೋವಿನೊಳಗಿರುವ ಯಾವುದೇ ದೇವತೆಗಳಿಗೆ ಯಾವುದೇ ರೀತಿಯಲ್ಲಿ ತೊಂದರೆ ಮಾಡಲಾಗುವುದಿಲ್ಲ...ಎಂದು ಭರವಸೆ ನೀಡಿದರಾಯಿತು..’’ ಚೌಕೀದಾರ್ ಸಲಹೆ ನೀಡಿದರು. ಎನ್‌ಆರ್‌ಸಿಯಲ್ಲಿ ಬೀದಿ ಪಾಲಾದ ಅಸ್ಸಾಂ ಜನರ ನೆನಪಾಯಿತು ಆ. ಸಹಾಯಕನಿಗೆ ‘‘ಸಾರ್...ಅಲ್ಲಿಂದ ದೇವತೆಗಳು ಹೊರಬಂದರೆ ಅವರು ಎಲ್ಲಿ ನೆಲೆಸಬೇಕು...?’’

‘‘ಅಮೆರಿಕದಿಂದ ವಿಶೇಷ ತಳಿಯ ಗೋವುಗಳನ್ನು ತಂದು ನಮ್ಮ ದೇವತೆಗಳಿಗೆಲ್ಲ ಅಲ್ಲೇ ಆಶ್ರಯ ನೀಡಿದರಾಯಿತು. ಟ್ರಂಪ್ ಸಾಹೇಬರಿಗೆ ಊಟವೂ ಆಯಿತು. ನಮ್ಮ ದೇವತೆಗಳಿಗೆ ಡಿಟೆನ್‌ಶನ್ ಸೆಂಟರ್ ಕೂಡ ಆಯಿತು...’’ ಚೌಕೀದಾರ್ ಸಂತೃಪ್ತಿಯಿಂದ ಹೇಳಿದರು.

‘‘ಸಾರ್...ಧಾರ್ಮಿಕ ಸ್ವಾತಂತ್ರದ ಕುರಿತಂತೆ ತಮಗೆ ಟ್ರಂಪ್ ಅವರು ಸಲಹೆಗಳನ್ನು ನೀಡುತ್ತಾರಂತೆ....’’ ಆ. ಸಹಾಯಕ ಕಳವಳದಿಂದ ಕೇಳಿದ.

‘‘ಆಗ ಪಾಕಿಸ್ತಾನವೇ ಎಲ್ಲಕ್ಕೂ ಕಾರಣ ಎಂದರೆ ಆಯಿತು. ಪಾಕಿಸ್ತಾನದಲ್ಲಿರುವ ಧಾರ್ಮಿಕ ಸ್ವಾತಂತ್ರಕ್ಕಿಂತ ಭಾರತದಲ್ಲಿ ಚೆನ್ನಾಗಿದೆ ಎಂದು ಹೇಳೋಣ’’

‘‘ಕಾಶ್ಮೀರ ನೋಡ್ಬೇಕು ಅಂದ್ರೆ.....’’

‘‘ಕಾಶ್ಮೀರಕ್ಕೆ ಫುಲ್ ಗೋಡೆ ಕಟ್ಟಿ. ನೇರವಾಗಿ ಶಿಮ್ಲಾಕ್ಕೆ ಕರಕೊಂಡು ಹೋಗಿ, ಅದನ್ನೇ ಕಾಶ್ಮೀರ ಎಂದರೆ ಆಯಿತು...’’

‘‘ಗುಜರಾತ್‌ನ ಶಾಲೆಗಳನ್ನು ತೋರಿಸಿ ಅಂದ್ರೆ....’’

‘‘ನೇರವಾಗಿ ದಿಲ್ಲಿಯ ಕೇಜ್ರಿವಾಲ್ ಶಾಲೆಗಳನ್ನು ತೋರಿಸಿ ಇದೇ ಗುಜರಾತ್‌ನ ಶಾಲೆ ಎಂದರೆ ಆಯಿತು...’’

 ಆ. ಸಹಾಯಕ ಮನಸ್ಸು ನಿರಾಳವಾಯಿತು. ಸ್ವಲ್ಪ ಹೊತ್ತಲ್ಲೇ ಮತ್ತೊಂದು ಪ್ರಶ್ನೆ ತಲೆಯೆತ್ತಿತು ‘‘ಸಾರ್....ಟ್ರಂಪ್ ಅವರು ತಾಜ್‌ಮಹಲ್‌ಗೆ ಪತ್ನಿ ಸಮೇತ ಭೇಟಿ ನೀಡುತ್ತಿದ್ದಾರೆ. ನಿಮ್ಮ ಪತ್ನಿ ಎಲ್ಲಿ ಎಂದು ಕೇಳಿದರೆ ಯಾರನ್ನು ತೋರಿಸುತ್ತೀರಿ?’’

ಚೌಕೀದಾರ್ ಒಮ್ಮೆಲೆ ಗಾಢ ವೌನ ತಳೆದರು. ಆ. ಸಹಾಯಕ ಮೆಲ್ಲಗೆ ಅಲ್ಲಿಂದ ಜಾಗ ತೆರವು ಮಾಡಿದ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top