ಕಾಡುವ ಕಲಕುವ ಬ್ಯೂಟಿಫುಲ್ ಮನಸುಗಳು

ವಿಕೃತಗೊಂಡಿರುವ ಕನ್ನಡದ ಟಿವಿ ಲೋಕ ಮತ್ತು ಪೊಲೀಸ್ ಇಲಾಖೆಗಳು ತಮ್ಮ ಕಣ್ಣು ಕಿವಿ ಕಳೆದುಕೊಂಡಿರುವ ಈ ಹೊತ್ತಲ್ಲಿ ಮತ್ತವೇ ವಿಕೃತ ಕನ್ನಡ ಸಿನೆಮಾಗಳನ್ನು ನೋಡುತ್ತಾ ನೋಡುತ್ತಾ ಕನ್ನಡ ಸಿನಿಪ್ರೇಕ್ಷಕನು ವಿಕೃತಗೊಂಡಿರುವ ಇದೇ ಹೊತ್ತಲ್ಲಿ ಜಯತೀರ್ಥರ ‘ಬ್ಯೂಟಿಫುಲ್ ಮನಸುಗಳು’ ತೆರೆಕಂಡಿದೆ. ಕೆಲವರ್ಷಗಳ ಹಿಂದೆ ಜಡ್ಡುಗಟ್ಟಿದ ಕನ್ನಡ ಸಿನೆಮಾಗಳ ಒಳಹೊರಗನ್ನು ಅವಲೋಕಿಸುತ್ತಾ ಕಟುವಾದ ಮಾತುಗಳಲ್ಲಿ ಪತ್ರಿಕೆಯೊಂದಕ್ಕೆ ಲೇಖನ ಬರೆದಿದ್ದೆ. ಆ ಲೇಖನ ಓದಿದ ಇದೇ ಜಯತೀರ್ಥ ‘ಇಷ್ಟರಲ್ಲೇ ‘ಒಲವೇ ಮಂದಾರ’ ಅನ್ನುವ ಸಿನೆಮಾ ಬರ್ತಿದೆ, ಸಿನೆಮಾ ನೋಡಿ ನಿಮ್ಮ ಅಭಿಪ್ರಾಯ ತಿಳಿಸಿ’ ಎಂದು ಸಂದೇಶ ಕಳಿಸಿದ್ದರು.

ಚಿತ್ರದ ಮೊದಲರ್ಧ ಗಂಟೆಯ ಟೇಕಾಫ್ ಕೃತಕ ಅನ್ನಿಸಿದರೂ ‘ಒಲವೇ ಮಂದಾರ’ ತನ್ನ ಕತೆ, ಉಪಕತೆಗಳಿಂದಾಗಿ ಬಹುದೊಡ್ಡ ಕ್ಯಾನ್ವಾಸ್’ನಲ್ಲಿ ಮೂಡಿದ ದೃಶ್ಯಕಾವ್ಯದಂತಿತ್ತು. ಚಿತ್ರದ ಸಂಗೀತ ಮತ್ತು ಫೋಟೋಗ್ರಫಿ ‘ಒಲವೇ ಮಂದಾರ’ದ ನೈಜ ಚಿತ್ತಾರದ ಅಂದವನ್ನು ಚೆಂದಗೊಳಿಸಿದ್ದವು. ಜಯತೀರ್ಥ ತಮ್ಮ ಮೊದಲ ಚಿತ್ರದಲ್ಲೇ ತಮ್ಮ ಸಿಗ್ನೇಚರ್ ಛಾಪು ಮೂಡಿಸಿದ್ದರು.

ಇದಾದ ನಂತರ ಬಂದ ಟೋನಿ, ಬುಲೆಟ್ ಬಸ್ಯಾ (ಈ ಎರಡೂ ಚಿತ್ರಗಳನ್ನು ನಾನು ನೋಡಿಲ್ಲ)ದ ನಂತರ ಜಯತೀರ್ಥ ತಮ್ಮ ಚಿತ್ರರೂಪಿಸುವ ಚಿಂತನಾ ಕ್ರಮದಲ್ಲಿ ಅನೇಕ ಬದಲಾವಣೆಗಳನ್ನು ಮಾಡಿಕೊಂಡಿರುವ ಕುರುಹುಗಳನ್ನು ‘ಬ್ಯೂಟಿಫುಲ್ ಮನಸುಗಳ’ಲ್ಲಿ ದಂಡಿಯಾಗಿ ಕಾಣಬಹುದು. ‘ಒಲವೇ ಮಂದಾರ’ದ ಜಯತೀರ್ಥರಲ್ಲಿದ್ದ ಮುಗ್ಧತೆ ಕಾಣೆಯಾಗಿ ಅಲ್ಲೊಬ್ಬ ಫಿಲೋಸಫರ್ ಬಂದು ಕೂತಿರುವಂತಿದೆ. ಈಗ ಈ ಫಿಲಾಸಫರ್‌ಗೆ ಅವಸರ ಮತ್ತು ಸಾವಧಾನ ಎರಡು ಬೆನ್ನುಬಿದ್ದ ಪರಿಣಾಮ ‘ಬ್ಯೂಟಿಫುಲ್ ಮನಸುಗಳು’ ಹುಟ್ಟಿಕೊಂಡಂತೆ ಕಾಣುತ್ತಿದೆ.

ಇರಲಿ, ಕನ್ನಡ ಚಿತ್ರರಂಗ ದಿಕ್ಕಾಪಾಲಾಗಿ ದಿಕ್ಕೆಟ್ಟು ಓಡುತ್ತಿರುವ ಈ ಹೊತ್ತಲ್ಲಿ ಜಯತೀರ್ಥರ ‘ಬ್ಯೂಟಿಫುಲ್ ಮನಸುಗಳು’ ನಮ್ಮನ್ನು ಕೆಲಕಾಲ ಕಾಡದೆ, ಕಲಕದೆ ಬಿಡದು. ಮುಖ್ಯವಾಗಿ ‘ಲೂಸಿಯಾ’ ಚಿತ್ರದಲ್ಲಿ ಪೈಪೋಟಿಗಿಳಿದಂತೆ ನಟಿಸಿದ್ದ ನೀನಾಸಂ ಸತೀಶ್ ಮತ್ತು ಶೃತಿ ಹರಿಹರನ್ ಇಲ್ಲೂ ‘ಬ್ಯೂಟಿಫುಲ್ ಮನಸುಗಳ’ಲ್ಲೂ ಅದರ ಮುಂದುವರಿದ ಅಧ್ಯಾಯದಂತೆ ಮೈದುಂಬಿ ನಟಿಸಿದ್ದಾರೆ.

‘ದೊಡ್ಮನೆ ಹುಡ್ಗ’ದಂತಹ ಕಳಪೆದರ್ಜೆಯ ಚಿತ್ರವನ್ನು ಗೆಲ್ಲಿಸಿಬಿಡುವ ಕನ್ನಡದ ಪ್ರೇಕ್ಷಕ ‘ಬ್ಯೂಟಿಫುಲ್ ಮನಸುಗಳಿ’ಗೆ ಬೆನ್ನು ತೋರಿದ್ದೆಯಾದರೆ ಇದು ಕನ್ನಡ ಚಿತ್ರರಂಗ ತಲುಪಿರುವ ವಿಕೃತತೆಯ ರಸಾತಳ ಅನ್ನಬಹುದು. ಹಾಗಾಗದಿರಲಿ. ‘ಬ್ಯೂಟಿಫುಲ್ ಮನಸುಗಳು’ ಗೆಲ್ಲಲಿ; ದುಡ್ಡು ಮಾಡಲಿ.
‘ಬ್ಯೂಟಿಫುಲ್ ಮನಸುಗಳ’ನ್ನು ಇವತ್ತು ಪಂಚೇಂದ್ರಿಯ ಕಳೆದುಕೊಂಡಿರುವ ಕನ್ನಡದ ಎಲ್ಲಾ ಮಾಧ್ಯಮಗಳು ಮತ್ತು ಅವರೊಟ್ಟಿಗೆ ಪೊಲೀಸರು ನೋಡುವಂತಾಗಲಿ. ಜಯತೀರ್ಥರ ‘?..ಮನಸುಗಳು’ ನೋಡಿದ ನಂತರವಾದರೂ ಕನ್ನಡದ ನೀಚ ಮಾಧ್ಯಮ ಮತ್ತು ಪರಮನೀಚ ಪೊಲೀಸರ ಎದೆಗಳಲ್ಲಿ ಮನುಷ್ಯ ಸಹಜ ಅಂತಃಕರಣ ಸದ್ದುಮಾಡಲಿ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top