ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಲಕ್ಕಿ ಡ್ರಾ: ಇಬ್ಬರು ಅದೃಷ್ಟಶಾಲಿಗಳಿಗೆಸುಝುಕಿ ಆ್ಯಕ್ಸೆಸ್ ಸ್ಕೂಟರ್
ಫೋರಮ್ ಫಿಝ್ಝ ಮಾಲ್ನಲ್ಲಿ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಲಕ್ಕಿ ಡ್ರಾದಲ್ಲಿ ಅದೃಷ್ಟಶಾಲಿ ರಿಹಿಲಾ ನಫೀಸಾಗೆ ಸುಝುಕಿ 125 ಆ್ಯಕ್ಸೆಸ್ ಸ್ಕೂಟರ್ನ ಕೀಯನ್ನು ಹಸ್ತಾಂತರಿಸಲಾಯಿತು.
ಮಂಗಳೂರು, ಅ.17: ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಮತ್ತು ಶ್ರೀ ಅನಘ ಮೋಟಾರ್ಸ್ ಸರ್ಬತ್ಕಟ್ಟೆ ಆಶ್ರಯದಲ್ಲಿ ಆಯೋಜಿಸಿದ್ದ ಲಕ್ಕಿ ಡ್ರಾ ಕೂಪನ್ನಲ್ಲಿ ಇಬ್ಬರು ಅದೃಷ್ಟಶಾಲಿಗಳು ಆಯ್ಕೆಯಾಗಿದ್ದು, ಅದೃಷ್ಟಶಾಲಿಗಳಿಗೆ ಸುಝುಕಿ 125 ಆ್ಯಕ್ಸೆಸ್ ಸ್ಕೂಟರ್ನ ಕೀಯನ್ನು ಪ್ರತ್ಯೇಕವಾಗಿ ನಗರದ ಫೋರಮ್ ಫಿಝ್ಝೆ ಮಾಲ್ ಮತ್ತು ಸಿಟಿ ಸೆಂಟರ್ನಲ್ಲಿರುವ ಸ್ಪಾರ್ ಮಳಿಗೆಯಲ್ಲಿ ಬುಧವಾರ ಹಸ್ತಾಂತರಿಸಲಾಯಿತು.
ನಗರದ ಫೋರಮ್ ಫಿಝ್ಝ ಮಾಲ್ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಲಕ್ಕಿ ಡ್ರಾ ಕಾರ್ಯಕ್ರಮದಲ್ಲಿ ಸ್ಪಾರ್ ಸ್ಟೋರ್ ಮ್ಯಾನೇಜರ್ ಮರಿಯಾ ಫಿಲೋಮಿನಾ ಅವರು ಅದೃಷ್ಟಶಾಲಿ ಬಸ್ತಿಪಡ್ಪು ಉಳ್ಳಾಲ ನಿವಾಸಿ ಅಬ್ದುಲ್ ಹಕೀಂ ಮತ್ತು ರಹ್ಮತ್ ದಂಪತಿಯ ಪುತ್ರಿ ರಿಹಿಲಾ ನಫೀಸಾರಿಗೆ ಸುಝುಕಿ 125 ಆ್ಯಕ್ಸೆಸ್ ಸ್ಕೂಟರ್ನ ಕೀಯನ್ನು ಹಸ್ತಾಂತರಿಸಿದರು.
ನಗರದ ಸಿಟಿ ಸೆಂಟರ್ನಲ್ಲಿ ನಡೆದ ಲಕ್ಕಿ ಡ್ರಾ ಕಾರ್ಯಕ್ರಮದಲ್ಲಿ ಸ್ಪಾರ್ ಸ್ಟೋರ್ ಮ್ಯಾನೇಜರ್ ಗುರುಪ್ರಸಾದ್ ಅವರು ಅದೃಷ್ಟಶಾಲಿ ಕುದ್ರೋಳಿಯ ಯಾಸ್ಮೀನ್ ಅವರ ಪುತ್ರ ಮುಹಮ್ಮದ್ ರಫಾದ್ ಅವರಿಗೆ ಸುಝುಕಿ 125 ಆ್ಯಕ್ಸೆಸ್ ಸ್ಕೂಟರ್ನ ಕೀಯನ್ನು ಹಸ್ತಾಂತರಿಸಿದರು.
ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ವತಿಯಿಂದ ಗ್ರಾಕರಿಗಾಗಿ ಜುಲೈನಿಂದ ಅ.6ರವರೆಗೆ ಕೊಡುಗೆ ನೀಡಲಾಗಿತ್ತು. ಕೊಡುಗೆಯಲ್ಲಿ ಮೂರು ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಪ್ಯಾಕೇಟ್ಗಳನ್ನು ಖರೀದಿಸಿದರೆ, ಅದರ ಜೊತೆ ಒಂದು ಕೂಪನ್ ನೀಡಲಾಗಿತ್ತು. ಕೂಪನ್ಗಳನ್ನು ಅ.7ರಂದು ಡ್ರಾ ಮೂಲಕ ಅದೃಷ್ಟಶಾಲಿಗಳನ್ನು ಆಯ್ಕೆ ಮಾಡಲಾಗಿತ್ತು.
ಸ್ಪಾರ್ ಸ್ಟೋರ್ ಮ್ಯಾನೇಜರ್ ಗುರುಪ್ರಸಾದ್ ಮಾತನಾಡಿ, ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ರಾಜ್ಯದ ಮಾರುಕಟ್ಟೆಯಲ್ಲಿ ಶೇ.80ರಷ್ಟು ಬಳಕೆಯಲ್ಲಿದೆ. ಉಳಿದ ರಾಜ್ಯಗಳಲ್ಲೂ ಸನ್ಫ್ಲವರ್ನದ್ದೇ ಗುಣಗಾನ ಮಾಡಲಾಗುತ್ತಿದೆ. ಸನ್ ಪ್ರೀಮಿಯಂ ಸನ್ಫ್ಲವರ್ ಆಯಿಲ್ ಉತ್ತಮ ಗುಣಮಟ್ಟದಿಂದ ಕೂಡಿದ್ದರಿಂದ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಗುತ್ತಿದೆ ಎಂದು ಹೇಳಿದರು.
ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಬೆಂಗಳೂರನ್ನು ಹೊರತುಪಡಿಸಿ ಮಂಗಳೂರಿನಲ್ಲಿ ಅತಿಹೆಚ್ಚು ಬೇಡಿಕೆಯನ್ನು ಹೊಂದಿದೆ. ಗುಣಮಟ್ಟದ ಉತ್ಪನ್ನ ಎಂದು ಪರಿಗಣಿಸಿ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಎಲ್ಲ ಗ್ರಾಹಕರು ಸನ್ ಪ್ರೀಮಿಯಂ ಸನ್ಫ್ಲವರ್ ಆಯಿಲ್ ಅನ್ನೇ ಕೇಳಿ ಖರೀದಿ ಮಾಡುತ್ತಾರೆ. ಗ್ರಾಹಕರಿಂದ ಒಳ್ಳೆಯ ಸ್ಪಂದನೆ ಇದೆ ಎಂದು ತಿಳಿಸಿದರು.
ಭಾರತೀಯ ಪಾಕ ಪದ್ಧತಿಯಲ್ಲಿ ಅಡುಗೆ ಎಣ್ಣೆ ಪ್ರಮುಖ ವಸ್ತುವಾಗಿದೆ. ಅದಿಲ್ಲದೆ, ಯಾವುದೇ ಆಹಾರ ಸಿದ್ಧಪಡಿಸಲು ಸಾಧ್ಯವಿಲ್ಲ. ಆದರೆ ಅಡುಗೆಗೆ ಬಳಸುವ ಎಣ್ಣೆ ಉತ್ತಮ ಗುಣಮಟ್ಟದಿಂದ ಕೂಡಿರಬೇಕು. ಆಗ ಮಾತ್ರ ಅಡುಗೆ ರುಚಿ- ಶುಚಿಯಾಗಿರುತ್ತದೆ. ಜತೆ ಆರೋಗ್ಯವೂ ಉತ್ತಮವಾಗಿರುತ್ತದೆ ಎಂದು ಅವರು ಹೇಳಿದರು.
ಸನ್ ಪ್ರೀಮಿಯಂ ಸೇಲ್ಸ್ ಮ್ಯಾನೇಜರ್ ದೀಪಕ್ ಮಾತನಾಡಿ, ಒಳ್ಳೆಯ ಆರೋಗ್ಯದ ದೃಷ್ಟಿಯಿಂದ ಕಂಪೆನಿಯು ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ನ್ನು ಹೊರತಂದಿದೆ. ಉತೃಷ್ಟ ಗುಣಮಟ್ಟದಿಂದ ಕೂಡಿದ ಈ ರಿಫೈನ್ಡ್ ಆಯಿಲ್ ಇಂದು ಮನೆಮನೆಯಲ್ಲೂ ಪ್ರಸಿದ್ಧಿ ಪಡೆದಿದೆ. ಜತೆಗೆ ಅಷ್ಟೇ ಬೇಡಿಕೆಯನ್ನು ಪಡೆದಿರುವ ಈ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಬಹುತೇಕ ಎಲ್ಲ ಅಂಗಡಿಗಳಲ್ಲೂ ಲಭ್ಯವಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ ಮತ್ತು ಶ್ರೀ ಅನಘ ಮೋಟಾರ್ಸ್ ಸರ್ಬತ್ಕಟ್ಟೆ ವ್ಯವಸ್ಥಾಪಕ ನಿರ್ದೇಶಕ ಶಾಂಬ ಶಿವರಾವ್, ಸನ್ ಪ್ರೀಮಿಯಂ ರಿಫೈನ್ಡ್ ಸನ್ಫ್ಲವರ್ ಆಯಿಲ್ನ ಪ್ರಾದೇಶಿಕ ವ್ಯವಸ್ಥಾಪಕ ಕುಬೇರ್, ಸೇಲ್ಸ್ ಮ್ಯಾನೇಜರ್ ದೀಪಕ್ ಮತ್ತಿತರರು ಉಪಸ್ಥಿತರಿದ್ದರು.