ಉಡುಪಿ: ರವಿವಾರ ಒಟ್ಟು 23 ಕೊರೋನ ಪಾಸಿಟಿವ್ ಪ್ರಕರಣಗಳು ಪತ್ತೆ | Vartha Bharati- ವಾರ್ತಾ ಭಾರತಿ

ಮೂವರು ಪೊಲೀಸರು, ತುಂಬು ಗರ್ಭಿಣಿಗೆ ಸೋಂಕು

ಉಡುಪಿ: ರವಿವಾರ ಒಟ್ಟು 23 ಕೊರೋನ ಪಾಸಿಟಿವ್ ಪ್ರಕರಣಗಳು ಪತ್ತೆ

ಉಡುಪಿ, ಮೇ 24: ಉಡುಪಿ ಜಿಲ್ಲೆಯಲ್ಲಿ ಇಂದು ತುಂಬು ಗರ್ಭಿಣಿ ಹಾಗೂ ಮೂರು ಪೊಲೀಸ್ ಸಿಬ್ಬಂದಿಗಳು ಸೇರಿದಂತೆ ಒಟ್ಟು 23ಮಂದಿಯಲ್ಲಿ ಕೊರೋನ ಪಾಸಿಟಿವ್ ಪ್ರಕರಣ ಕಂಡುಬಂದಿವೆ ಎಂದು ಉಡುಪಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಸುಧೀರ್ ‌ಚಂದ್ರ ಸೂಡ ತಿಳಿಸಿದ್ದಾರೆ.

ಈ ಮೂಲಕ ನಿನ್ನೆಯವರೆಗೆ 53 ಸಾಸಿಟಿವ್ ಪ್ರಕರಣಗಳೊಂದಿಗೆ ರಾಜ್ಯದಲ್ಲಿ 16ನೇ ಸ್ಥಾನದಲ್ಲಿದ್ದ ಉಡುಪಿ ಜಿಲ್ಲೆ, ಇಂದು ಒಟ್ಟು 76 ಪ್ರಕರಣಗಳೊಂದಿಗೆ 12ನೇ ಸ್ಥಾನಕ್ಕೆ ನೆಗೆದಿದ್ದು, ಪಕ್ಕದ ದಕ್ಷಿಣ ಕನ್ನಡ (16) ಹಾಗೂ ಉತ್ತರ ಕನ್ನಡ (17) ಜಿಲ್ಲೆಗಳನ್ನು ಹಿಂದಿಕ್ಕಿ ಮುಂದಕ್ಕೆ ಸಾಗಿದೆ.

ಇಂದು ವರದಿಯಾದ 23 ಪ್ರಕರಣಗಳಲ್ಲಿ 17 ಮಹಾರಾಷ್ಟ್ರ ರಾಜ್ಯದ ವಿವಿದೆಡೆಗಳಿಂದ ಬಂದವರು, ಒಬ್ಬ ಯುವಕ ತೆಲಂಗಾಣದಿಂದ ಬಂದವರು, ಮೂವರು ಬ್ರಹ್ಮಾವರ, ಅಜೆಕಾರು, ಕಾರ್ಕಳ ಗ್ರಾಮಾಂತರ ಠಾಣೆಗಳ ಪೊಲೀಸ್ ಸಿಬ್ಬಂದಿ, ಒಬ್ಬರು ಕಾರ್ಕಳದ 22ರ ಹರೆಯದ ತುಂಬು ಗರ್ಭಿಣಿ ಹಾಗೂ ಯುಎಇಯಿಂದ ಆಗಮಿಸಿದ 44ರ ಹರೆಯದ ಮಹಿಳೆ ಸೇರಿದ್ದಾರೆ.

ರವಿವಾರ ಪಾಸಿಟಿವ್ ಆದ 23 ಮಂದಿಯಲ್ಲಿ ಐವರು ಕುಂದಾಪುರ ತಾಲೂಕಿ ನವರಾದರೆ, ಎಂಟು ಮಂದಿ ಉಡುಪಿ ತಾಲೂಕಿನವರು, 10 ಮಂದಿ ಕಾರ್ಕಳ ತಾಲೂಕಿನವರು. ಮೇ 18ರಂದು ಯುಎಇಯಿಂದ ಬಂದ ಉದ್ಯಾವರದವರಾಗಿದ್ದು, ಉಡುಪಿಯ ಕ್ವಾರಂಟೈನ್‌ನಲ್ಲಿದ್ದರು ಎಂದು ಡಾ.ಸೂಡ ತಿಳಿಸಿದರು.

ಒಟ್ಟಾರೆಯಾಗಿ ಇಂದು 11 ಮಂದಿ ಪುರುಷರು, 8 ಮಂದಿ ಮಹಿಳೆಯರು ಹಾಗೂ 10 ವರ್ಷದೊಳಗಿನ ನಾಲ್ವರು ಮಕ್ಕಳು ಪಾಸಿಟಿವ್ ಬಂದವರಾಗಿದ್ದಾರೆ. 19 ಜಿಲ್ಲೆಯ ಹೊರಗಿನಿಂದ ಬಂದವರದ್ದಾಗಿದ್ದರೆ ಉಳಿದ ನಾಲ್ಕು ಪ್ರಕರಣಗಳು ಜಿಲ್ಲೆಯ ಒಳಗಿನಿಂದಲೇ ವರದಿಯಾಗಿದೆ. ಅದರಲ್ಲೂ 51, 41 ಹಾಗೂ 29 ವರ್ಷ ಪ್ರಾಯದ ಮೂವರು ಪೊಲೀಸ್ ಕಾನ್‌ಸ್ಟೇಬಲ್‌ಗಳಲ್ಲಿ ಕೊರೋನ ಸೋಂಕು ಕಂಡುಬಂದಿದೆ. ಇವರೆಲ್ಲರನ್ನೂ ನಗರದ ಡಾ.ಟಿಎಂಎ ಪೈಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅಜೆಕಾರು ಠಾಣೆಯ ಎಎಸ್‌ಐ, ಕಾರ್ಕಳ ಗ್ರಾಮಾಂತರ ಹಾಗೂ ಬ್ರಹ್ಮಾವರ ಠಾಣೆಗಳ ಕಾನ್‌ಸ್ಟೇಬಲ್‌ಗಳಲ್ಲಿ ಕೊರೋನ ಪಾಸಿಟಿವ್ ಕಂಡುಬಂದಿದ್ದು, ಈ ಎಲ್ಲಾ ಠಾಣೆಗಳನ್ನು ತಾತ್ಕಾಲಿಕವಾಗಿ ಮುಚ್ಚಲಾಗಿದೆ. ಸರಕಾರಿ ಮಾರ್ಗಸೂಚಿಯ ಪ್ರಕಾರ ಇವುಗಳನ್ನು ಸ್ಯಾನಿಟೈಸ್ ಮಾಡಿ 48 ಗಂಟೆ ಬಿಟ್ಟು ಪುನಹ ತೆರೆಯಬೇಕಾಗುತ್ತದೆ. ಇದರೊಂದಿಗೆ ಮೂವರ ನಿಕಟ ಸಂಪರ್ಕಕ್ಕೆ ಬಂದವರನ್ನು ಗುರುತಿಸುವ ಕೆಲಸ ಮಾಡಲಾಗುತ್ತದೆ. ಎಸ್ಪಿಯವರು ಈ ಬಗ್ಗೆ ವಿಶೇಷ ನಿಗಾ ವಹಿಸಲಿದ್ದಾರೆ ಎಂದು ಜಿಲ್ಲಾಧಿಕಾರಿ ಜಿ. ಜಗದೀಶ್ ತಿಳಿಸಿದ್ದಾರೆ.

ಜಿಲ್ಲೆಯ ಮಟ್ಟಿಗೆ ತುಂಬಾ ಮಹತ್ವದ ಬೆಳವಣಿಗೆ ಎಂದರೆ ಕಾರ್ಕಳ ತಾಲೂಕಿನ ತುಂಬು ಗರ್ಭಿಣಿಯೊಬ್ಬರಿಗೆ ಕೊರೋನ ಸೋಂಕು ತಗಲಿರುವುದು. 22ರ ಹರೆಯದ ಆಕೆಗೆ ಎಲ್ಲಿಂದ, ಹೇಗೆ, ಯಾರ ಸಂಪರ್ಕದಿಂದ ಸೋಂಕು ಬಂದಿದೆ ಎಂಬ ಬಗ್ಗೆ ಕೂಲಂಕಷ ತನಿಖೆ ನಡೆಯುತ್ತಿದೆ. 9 ತಿಂಗಳ ಗರ್ಭಿಣಿಯಾಗಿರುವ ಆಕೆಗೆ ಇನ್ನು 10-15ದಿನಗಳಲ್ಲಿ ಹೆರಿಗೆಯಾಗಲಿದೆ. ಹೀಗಾಗಿ ಆಕೆಯ ಬಗ್ಗೆ ವಿಶೇಷ ನಿಗಾ ವಹಿಸಲಿದ್ದೇವೆ. ಜೊತೆಗೆ ಆಕೆಗೆ ಹೇಗೆ ಸೋಂಕು ಬಂದಿದೆ ಎಂಬ ಬಗ್ಗೆಯೂ ತನಿಖೆ ನಡೆಯಲಿದೆ ಎಂದು ಡಿಸಿ ತಿಳಿಸಿದರು.

ಮತ್ತೆ ನಾಲ್ವರು ಬಾಲಕರಿಗೆ ಪಾಸಿಟಿವ್
ಇಂದು ಪಾಸಿಟಿವ್ ಬಂದ ಹತ್ತು ವರ್ಷ ಪ್ರಾಯದೊಳಗಿನ ನಾಲ್ವರು ಬಾಲಕರು ಮುಂಬಯಿಯಿಂದ ತಮ್ಮ ಹೆತ್ತವರೊಂದಿಗೆ ಬಂದವರು. ಉಳಿದಂತೆ 11 ಮಂದಿ ಪುರುಷರು ಹಾಗೂ ಎಂಟು ಮಂದಿ ಮಹಿಳೆಯರು ಕೊರೋನ ಸೋಂಕಿಗೆ ತುತ್ತಾಗಿದ್ದಾರೆ.

ಇಂದು ಪಾಸಿಟಿವ್ ಆದವರು 35ರ ಹರೆಯದ ಮಹಿಳೆ (ಪಿ 1961), 22ರ ಮಹಿಳೆ (2045), 24ರ ಮಹಿಳೆ (2048), 35ರ ಮಹಿಳೆ (2049), 29ರ ಮಹಿಳೆ (2053), 23ರ ಮಹಿಳೆ (2055), 29ರ ಮಹಿಳೆ (2056) ಹಾಗೂ ಯುಎಇಯಿಂದ ಮರಳಿದ 44ರ ಮಹಿಳೆ (2058).
51 ವರ್ಷ ಪ್ರಾಯದ ಪುರುಷ (2040), 41ರ ಪುರುಷ (2041), 32ರ ಯುವಕ(2042), 50ರ ಪುರುಷ (2044),37ರ ಪುರುಷ (2046), 26ರ ಯುವಕ (2047), 29ರ ಯುವಕ (2051), 48 ವರ್ಷ ಪ್ರಾಯದ ಪುರುಷ (2054), 30ರ ಯುವಕ (2057), 45ರ ಪುರುಷ (2066), 26ರ ಯುವಕ (2067)ನಲ್ಲಿ ಸೋಂಕು ಪತ್ತೆಯಾಗಿದೆ.

ಉಳಿದಂತೆ 4 ವರ್ಷ ಪ್ರಾಯದ ಗಂಡು ಮಗು (2043), ಒಂದು ವರ್ಷದ ಗಂಡು ಮಗು (2050) ಹಾಗೂ 4 ವರ್ಷದ ಗಂಡು ಮಗು (2052) ಹಾಗೂ 2 ವರ್ಷದ ಗಂಡು ಮಗು (2065)ವಿನಲ್ಲಿ ಸೋಂಕು ಪತ್ತೆಯಾಗಿದೆ ಎಂದು ವರದಿ ತಿಳಿಸಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top