‘‘ಕೋವಿಡ್‌ಮುಕ್ತರಾದರೂ ಇನ್ನೂ 10 ದಿನಗಳ ಕಾಲ ಆಸ್ಪತ್ರೆಯಲ್ಲೇ ಇರಿ’’ | Vartha Bharati- ವಾರ್ತಾ ಭಾರತಿ

ಮಂಗಳೂರಿನ ಖಾಸಗಿ ಆಸ್ಪತ್ರೆಯೊಂದರ ವಿರುದ್ಧ ಕೊರೋನದಿಂದ ಗುಣಮುಖರಾದವರ ಆರೋಪ

‘‘ಕೋವಿಡ್‌ಮುಕ್ತರಾದರೂ ಇನ್ನೂ 10 ದಿನಗಳ ಕಾಲ ಆಸ್ಪತ್ರೆಯಲ್ಲೇ ಇರಿ’’

ಸಾಂದರ್ಭಿಕ ಚಿತ್ರ

►‘‘ಕನಿಷ್ಠ ಸೌಲಭ್ಯವೂ ಇಲ್ಲ, ಸೂಕ್ತ ಚಿಕಿತ್ಸೆಯೂ ಇಲ್ಲ’’

ಮಂಗಳೂರು, ಜು.9: ಕೊರೋನ ವೈರಸ್ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ದಾಖಲಾಗಿ ಸೋಂಕುಮುಕ್ತರಾದರೂ ಇನ್ನೂ 10 ದಿನಗಳ ಕಾಲ ಆಸ್ಪತ್ರೆಯಲ್ಲೇ ಉಳಿಯಬೇಕು ಎಂದು ಆಸ್ಪತ್ರೆಯವರು ಒತ್ತಾಯಿಸುತ್ತಿದ್ದಾರೆ ಎಂಬ ಆರೋಪವು ನಗರದ ‘ಇಂಡಿಯಾನ ಆಸ್ಪತ್ರೆ ಮತ್ತು ಹಾರ್ಟ್ ಇನ್‌ಸ್ಟಿಟ್ಯೂಟ್ ವಿರುದ್ಧ ಕೇಳಿಬಂದಿದೆ.

ಇಂಡಿಯಾನ ಆಸ್ಪತ್ರೆಯಲ್ಲಿ ಕೊರೋನ ಚಿಕಿತ್ಸೆ ಪಡೆಯುತ್ತಿರುವ ಅಡ್ಡೂರಿನ ಬಿ.ಜಕ್ರಿ ಎಂಬವರು ಈ ಆಸ್ಪತ್ರೆ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ. ‘‘ಕೊರೋನ ಸೋಂಕಿನಿಂದಾಗಿ ಇಂಡಿಯಾನ ಆಸ್ಪತ್ರೆಗೆ ಜೂನ್ 30ರಂದು ನನ್ನ ಪುತ್ರ ಮುಹಮ್ಮದ್ ಹಾರಿಸ್(34) ಹಾಗೂ ಜುಲೈ 1ರಂದು ನಾನು (ಬಿ.ಜಕ್ರಿ) ದಾಖಲಾದೆವು. ನಮಗೆ ಶೀತ ಹೊರತುಪಡಿಸಿದರೆ ಬೇರಾವುದೇ ಕೊರೋನ ಲಕ್ಷಣಗಳಿರಲಿಲ್ಲ. ಆಸ್ಪತ್ರೆ ಸೇರಿದ ನಾಲ್ಕೈದು ದಿನಗಳಲ್ಲೇ ನಾವು ಸಂಪೂರ್ಣ ಗುಣಮುಖರಾದೆವು. ಚಿಕಿತ್ಸೆ ನೀಡಿರುವ ವೈದ್ಯರು ನೀವು ಮನೆಗೆ ತೆರಳಬಹುದು ಎಂದು ಹೇಳುತ್ತಿದ್ದಾರೆ. ಆದರೆ ಇಂಡಿಯಾನ ಆಸ್ಪತ್ರೆಯ ಆಡಳಿತವು ಇನ್ನೂ 10 ದಿನಗಳ ಕಾಲ ಆಸ್ಪತ್ರೆಯಲ್ಲೇ ಉಳಿಯುವಂತೆ ಒತ್ತಡ ಹೇರುತ್ತಿದೆ’ ಎಂದು ಜಕ್ರಿ ಆರೋಪಿಸಿದ್ದಾರೆ.

‘‘ಇಂಡಿಯಾನ ಆಸ್ಪತ್ರೆಯಲ್ಲಿ ಕೊರೋನ ಸೋಂಕಿತರಿಗೆ ದಿನವೊಂದಕ್ಕೆ 12 ಸಾವಿರ ರೂ.ನ ಚಿಕಿತ್ಸಾ ಪ್ಯಾಕೇಜ್ ಅಂತ ಮಾಡಿದ್ದಾರೆ. ಅದರಂತೆ ಚಿಕಿತ್ಸೆಗೆ ನಾವು ಒಪ್ಪಿಗೆ ಸೂಚಿಸಿದ್ದೆವು. ಇಲ್ಲಿಯವರೆಗೆ ಪುತ್ರ ಹಾರಿಸ್ ನ ಬಿಲ್ 1,17,000 ರೂ. ಹಾಗೂ ನನ್ನದು 1,12,000 ರೂ. ಆಗಿದೆ. ಆದರೆ ನಮಗೆ ಪ್ಯಾಕೇಜ್‌ನಲ್ಲಿ ಘೋಷಿಸಿದಂತೆ ಚಿಕಿತ್ಸೆ ಸಹಿತ ಸೌಕರ್ಯ ನೀಡಿಲ್ಲ’’ ಎಂದು ಬಿ.ಜಕ್ರಿ ದೂರಿದ್ದಾರೆ.

‘‘ಆಸ್ಪತ್ರೆಯ ಏಳನೇ ಮಹಡಿಯ 703ರ ಬೆಡ್‌ನಲ್ಲಿ ಹಾರಿಸ್, 707ರ ಬೆಡ್‌ನಲ್ಲಿ ನಾನು ದಾಖಲಾಗಿದ್ದೆ. ಪ್ಯಾಕೇಜ್‌ನಲ್ಲಿರುವಂತೆ ಆಹಾರ, ಬಿಸಿನೀರಿಗೆ ಹಣ ಪಡೆಯು ಆಸ್ಪತ್ರೆಯು ರೋಗಿಗಳಿಗೆ ಕನಿಷ್ಠ ಸೌಲಭ್ಯ ಕೂಡಾ ಕಲ್ಪಿಸುತ್ತಿಲ್ಲ. ಕ್ಯಾಂಟೀನ್‌ನಲ್ಲಿ ಗುಣಮಟ್ಟದ ಆಹಾರ ಸಿಗುತ್ತಿಲ್ಲ. ನಾಲ್ಕು ದಿನಗಳಿಗೊಮ್ಮೆಯೂ ಕೊರೋನ ಸೋಂಕಿತರಿಗೆ ನೀಡಿರುವ ಬೆಟ್‌ಶೀಟ್‌ಗಳನ್ನು ಬದಲಾಯಿಸುತ್ತಿಲ್ಲ’’ ಎಂದು ಅವರು ಆರೋಪಿಸಿದ್ದಾರೆ.

‘‘ಈ ಆಸ್ಪತ್ರೆಯಲ್ಲಿ ರೋಗಿಗಳನ್ನು ಉಪಚರಿಸಲು ರಾತ್ರಿ ವೇಳೆಯಲ್ಲಿ ನರ್ಸ್‌ಗಳೇ ಇರುವುದಿಲ್ಲ. ಕುಡಿಯಲು ಹಾಗೂ ಸ್ನಾನಕ್ಕೆ ಬಿಸಿನೀರನ್ನೇ ಬಳಸುವಂತೆ ವೈದ್ಯರು ಸೂಚಿಸುತ್ತಾರೆ. ಆದರೆ ಆಸ್ಪತ್ರೆಯಲ್ಲಿ ಬಿಸಿನೀರು ಸಿಗುವುದಿಲ್ಲ. ಕೊರೋನದಿಂದ ಮುಕ್ತರಾಗಲು ಆಸ್ಪತ್ರೆಗೆ ಬಂದಿದ್ದೇವೆಯೇ ಹೊರತು, ಮನೆಗೆ ಕೊಂಡೊಯ್ಯಲು ಅಲ್ಲ. ಇದೇ ವಾರ್ಡ್‌ನಲ್ಲಿ ಕೊರೋನದಿಂದ ಮುಕ್ತರಾದ ಮೂವರು ಲಕ್ಷಾಂತರ ರೂ. ಬಿಲ್ ಪಾವತಿಸಲು ಸಾಧ್ಯವಾಗದೇ ಏನಾದರೂ ಆಗಲಿ ಎಂದು ಜಾಗ ಖಾಲಿ ಮಾಡಿದ್ದಾರೆ. ಬಡವರು ಇಷ್ಟೊಂದು ಪ್ರಮಾಣದಲ್ಲಿ ಹಣ ಎಲ್ಲಿಂದ ಪಾವತಿಸಬೇಕು?’’ ಎಂದು ಪ್ರಶ್ನಿಸುತ್ತಾರೆ ಜಕ್ರಿ.


--

ಕೊರೋನದಿಂದ ಗುಣಮುಖರಾದವನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡದೆಯೇ 10 ದಿನಗಳವರೆಗೆ ಬಲವಂತವಾಗಿ ಕೂಡಿ ಹಾಕಲಾಗುತ್ತಿದೆ. ರೋಗಿಗಳಿಗೆ ಕನಿಷ್ಠ ಸೌಲಭ್ಯ ಕಲ್ಪಿಸಿಲ್ಲ. ರೋಗಿಗಳ ಹೊದಿಕೆಯನ್ನೂ ಇಲ್ಲಿ ಬದಲಿಸುತ್ತಿಲ್ಲ. ಬಿಲ್ ಮಾತ್ರ ಲಕ್ಷಗಟ್ಟಲೇ ಅಂದರೆ ಹೇಗೆ? ಇದು ಹಣ ಪೀಕುವ ದಂಧೆಯಾಗಿದೆ. ಆರೋಪ ಹೊತ್ತಿರುವ ಇಂಡಿಯಾನ ಆಸ್ಪತ್ರೆ ವಿರುದ್ಧ ಸರಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು.
- ಮುನೀರ್ ಕಾಟಿಪಳ್ಳ,
ಡಿವೈಎಫ್‌ಐ ರಾಜ್ಯಾಧ್ಯಕ್ಷ

--


ಪ್ರತಿಕ್ರಿಯೆ ನೀಡದ ಆಸ್ಪತ್ರೆ ಆಡಳಿತ
ಇಂಡಿಯಾನ ಆಸ್ಪತ್ರೆಯ ವಿರುದ್ಧ ಕೇಳಿ ಬಂದಿರುವ ಗಂಭೀರ ಆರೋಪಕ್ಕೆ ಸಂಬಂಧಿಸಿದಂತೆ ‘ವಾರ್ತಾಭಾರತಿ’ ಹಲವು ಬಾರಿ ದೂರವಾಣಿ ಮೂಲಕ ಸಂಪರ್ಕಿಸಲೂ ಯತ್ನಿಸಿದರೂ ಆಸ್ಪತ್ರೆಯವರು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top