ದೀಪಾವಳಿ, ಕ್ರಿಸ್ಮಸ್ಗೆ ವಿಶೇಷ ರೈಲು ವ್ಯವಸ್ಥೆ
ಸಾಂದರ್ಭಿಕ ಚಿತ್ರ
ಕಾರವಾರ, ಅ.6: ದೀಪಾವಳಿ ಮತ್ತು ಕ್ರಿಸ್ಮಸ್ ಹಬ್ಬಗಳ ಸಂದರ್ಭದಲ್ಲಿ ಬಾಂದ್ರಾ (ಟರ್ಮಿನಲ್) ಮತ್ತು ಮಂಗಳೂರು ಜಂಕ್ಷನ್ ನಡುವೆ ವಿಶೇಷ ರೈಲುಗಳ ಸಂಚಾರಕ್ಕೆ ಕೊಂಕಣ ರೈಲ್ವೆ ತೀರ್ಮಾನಿಸಿದೆ.
82909 ಸಂಖ್ಯೆಯ ಸುವಿಧಾ ಸ್ಪೆಷಲ್ ಅ.22, 29ರಂದು ಹಾಗೂ 09009 ವಿಶೇಷ ರೈಲು ಅ.24 ಮತ್ತು 31ರಂದು ಬಾಂದ್ರಾದಿಂದ ಮಂಗಳೂರಿಗೆ ಸಂಚರಿಸಲಿವೆ. ಅದೇ ರೀತಿ, 09009 ಸಂಖ್ಯೆಯ ವಿಶೇಷ ರೈಲು ನ.5 ಮತ್ತು 12ರಂದು ಹೊರಡಲಿದ್ದು, ರಾತ್ರಿ 11.55ಕ್ಕೆ ಹೊರಟು ಮರುದಿನ ಸಂಜೆ 7.45ಕ್ಕೆ ಮಂಗಳೂರು ತಲುಪಲಿವೆ.ಮಂಗಳೂರಿನಿಂದ 09010 ಸಂಖ್ಯೆಯ ರೈಲು ಮಂಗಳೂರು ಜಂಕ್ಷನ್ ನಿಂದ ಅ.23,30, ನ.6, 13, ಡಿ.25 ಹಾಗೂ ಜ.1ರಂದು ಸಂಚರಿಸಲಿವೆ. ಮಂಗಳೂರಿನಿಂದ ರಾತ್ರಿ 11ಕ್ಕೆ ಹೊರಟು ಮರುದಿನ ಸಂಜೆ 7.30ಕ್ಕೆ ಬಾಂದ್ರಾಕ್ಕೆ ತಲುಪಲಿವೆ.
ಈ ವಿಶೇಷ ರೈಲು ಸಂಚಾರಕ್ಕೆ ವಿಶೇಷ ಪ್ರಯಾಣ ದರ ನಿಗದಿ ಮಾಡಲಾಗಿದೆ. ಕಾರವಾರ, ಕುಮಟಾ, ಭಟ್ಕಳ, ಮೂಕಾಂಬಿಕಾ ರಸ್ತೆ, ಬೈಂದೂರಿನಲ್ಲಿ ನಿಲುಗಡೆಯಿದೆ. ಈ ರೈಲುಗಳು ಮೂರು ಸಾಮಾನ್ಯ, 11 ಸ್ಲೀಪರ್ ಸೇರಿದಂತೆ ಒಟ್ಟು 22 ಬೋಗಿಗಳು ಇರಲಿವೆ ಎಂದು ಕೊಂಕಣ ರೈಲ್ವೆ ತಿಳಿಸಿದೆ.