ಸಾಯಿ ಪ್ರಣೀತ್ ಪ್ರಿ-ಕ್ವಾರ್ಟರ್ ಫೈನಲ್ಗೆ
ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್
ಕೊರಿಯಾದ ಕೆವುನ್ ಲೀ ಅವರ್ನು ನೇರ ಗೇಮ್ಗಳಿಂದ ಮಣಿಸಿದ ಸಾಯಿ ಪ್ರಣೀತ್ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಪ್ರಿ-ಕ್ವಾರ್ಟರ್ ಫೈನಲ್ ತಲುಪಿದರು. ಮಂಗಳವಾರ ನಡೆದ ಪುರುಷರ ಸಿಂಗಲ್ಸ್ನಎರಡನೇ ಸುತ್ತಿನ ಪಂದ್ಯದಲ್ಲಿ ಪ್ರಣೀತ್ ಕೊರಿಯಾ ಲೀ ಅವರನ್ನು 21-16, 21-15 ಗೇಮ್ಗಳ ಅಂತರದಿಂದ ಮಣಿಸಿದರು. ರಕ್ಷಣಾತ್ಮಕವಾಗಿ ಆಡುವುದರಲ್ಲಿ ನಿಸ್ಸೀಮರಾಗಿರುವ ಲೀ ವಿರುದ್ಧ ಆಕ್ರಮಣಕಾರಿ ಆಟ ಆಡಿದ ಪ್ರಣೀತ್ ನೇರ ಗೇಮ್ಗಳಿಂದ ಜಯ ಸಾಧಿಸಿದರು.
ಪ್ರಣೀತ್ ಮುಂದಿನ ಸುತ್ತಿನಲ್ಲಿ ಮತ್ತೊಂದು ಎರಡನೇ ಸುತ್ತಿನ ಪಂದ್ಯದಲ್ಲಿ ಜಯಶಾಲಿಯಾಗುವ ಇಂಡೋನೇಶ್ಯದ ಅಂಥೋನಿ ಸಿನಿಸುಕಾ ಜಿಂಟಿಂಗ್ ಹಗೂ ಇಂಗ್ಲೆಂಡ್ನ ಟೊಬಿ ಪೆಂಟಿ ಅವರನ್ನು ಎದುರಿಸಲಿದ್ದಾರೆ.
ಇದೇ ವೇಳೆ, ಮಹಿಳೆಯರ ಡಬಲ್ಸ್ನಲ್ಲಿ ಭಾರತದ ಜೋಡಿ ಅಶ್ವಿನಿ ಪೊನ್ನಪ್ಪ ಹಾಗೂ ಎನ್.ಸಿಕ್ಕಿ ರೆಡ್ಡಿ ತಮ್ಮ ಮೊದಲ ಪಂದ್ಯದಲ್ಲಿ ಚೈನೀಸ್ ತೈಪೆಯ ಚಾಂಗ್ ಚಿಂಗ್-ಹ್ಯೂಯ್ ಹಾಗೂ ಯಾಂಗ್ ಚಿಂಗ್ ಟ್ಯುನ್ರಿಂದ ವಾಕ್ಓವರ್ ಪಡೆದಿದ್ದಾರೆ. ಎರಡನೇ ಸುತ್ತಿನ ಪಂದ್ಯದಲ್ಲಿ ಚೀನಾದ ಜೋಡಿ ಡು ಯು ಹಾಗೂ ಲಿ ಯಿನ್ರನ್ನು ಎದುರಿಸಲಿದ್ದಾರೆ.