ಭಾರತದ ಮಡಿಲಿಗೆ ಅಂಡರ್- 19 ಏಶ್ಯ ಕಪ್ | Vartha Bharati- ವಾರ್ತಾ ಭಾರತಿ

---

ಬಾಂಗ್ಲಾದೇಶ ವಿರುದ್ಧ 5 ರನ್‌ಗಳ ರೋಚಕ ಜಯ

ಭಾರತದ ಮಡಿಲಿಗೆ ಅಂಡರ್- 19 ಏಶ್ಯ ಕಪ್

ಕೊಲಂಬೊ, ಸೆ.14: ಎಡಗೈ ಸ್ಪಿನ್ನರ್ ಅಥರ್ವ ಅಂಕೋಲೆಕರ್ ಕಬಳಿಸಿದ ಐದು ವಿಕೆಟ್ ಗೊಂಚಲು ನೆರವಿನಿಂದ ಬಾಂಗ್ಲಾದೇಶ ವಿರುದ್ಧ ಫೈನಲ್ ಪಂದ್ಯವನ್ನು 5ರನ್‌ನಿಂದ ರೋಚಕವಾಗಿ ಗೆದ್ದುಕೊಂಡಿರುವ ಭಾರತ ಅಂಡರ್-19 ಏಶ್ಯಕಪ್‌ನ್ನು ತನ್ನದಾಗಿಸಿಕೊಂಡಿದೆ.

ಶನಿವಾರ ನಡೆದ ಕಡಿಮೆ ಮೊತ್ತದ ಫೈನಲ್ ಹಣಾಹಣಿಯಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ ಕೇವಲ 106 ರನ್ ಗಳಿಸಿದ್ದರೂ, ಎದುರಾಳಿ ಬಾಂಗ್ಲಾದೇಶವನ್ನು 33 ಓವರ್‌ಗಳಲ್ಲಿ 101 ರನ್‌ಗೆ ನಿಯಂತ್ರಿಸಿ ರೋಚಕ ಜಯ ದಾಖಲಿಸಿತು.

8 ಓವರ್‌ಗಳಲ್ಲಿ 28 ರನ್‌ಗೆ ಐದು ವಿಕೆಟ್‌ಗಳನ್ನು ಕಬಳಿಸಿದ 18ರ ಹರೆಯದ ಅಂಕೋಲೆಕರ್ ಭಾರತೀಯ ತಂಡದ ಸ್ಟಾರ್ ಆಟಗಾರನಾಗಿ ಹೊರಹೊಮ್ಮಿದರು. ಅಂಕೋಲೆಕರ್ ಸ್ಪಿನ್ ಬೌಲಿಂಗ್ ಮೂಲಕ ಬಾಂಗ್ಲಾದೇಶದ ರನ್ ಚೇಸಿಂಗ್‌ಗೆ ತೊಡಕಾದರು. ಆರ್.ಪ್ರೇಮದಾಸ ಸ್ಟೇಡಿಯಂ ಪಿಚ್‌ನಲ್ಲಿ ಮೂರು ವಿಕೆಟ್‌ಗಳನ್ನು ಕಬಳಿಸಿದ ಆಕಾಶ್ ಸಿಂಗ್ (3-12)ಅಂಕೊಲೇಕರ್‌ಗೆ ಉತ್ತಮ ಸಾಥ್ ನೀಡಿದರು. ವಿ.ಪಾಟೀಲ್(1-25) ಹಾಗೂ ಎಸ್‌ಎಸ್ ಮಿಶ್ರಾ(1-27)ತಲಾ ಒಂದು ವಿಕೆಟ್ ಪಡೆದರು.

ಗೆಲ್ಲಲು 107 ರನ್ ಬೆನ್ನಟ್ಟಿದ ಬಾಂಗ್ಲಾದ ಪರವಾಗಿ ನಾಯಕ ಅಕ್ಬರ್ ಅಲಿ(23) ಹಾಗೂ ಮೃತ್ಯುಂಜಯ ಚೌಧರಿ(21)ಒಂದಷ್ಟು ಪ್ರತಿರೋಧ ಒಡ್ಡಿದರು. ಈ ಇಬ್ಬರು ಪೆವಿಲಿಯನ್‌ಗೆ ವಾಪಸಾದ ಬಳಿಕ ಕೆಳ ಕ್ರಮಾಂಕದಲ್ಲಿ ತಂಝಿಮ್ ಹಸನ್(12) ಹಾಗೂ ರಕಿಬುಲ್ ಹಸನ್(11) ಬಾಂಗ್ಲಾಕ್ಕೆ ಗೆಲುವಿನ ವಿಶ್ವಾಸ ಮೂಡಿಸಿದರು. ಪ್ರತಿ ಹೋರಾಟ ನೀಡಿದ ಭಾರತ ಎದುರಾಳಿ ಬಾಂಗ್ಲಾವನ್ನು ಕಡಿಮೆ ಮೊತ್ತಕ್ಕೆ ಕಡಿವಾಣ ಹಾಕಿತು.

ಇದಕ್ಕೂ ಮೊದಲು ನಾಯಕ ಧುೃವ್ ಜುರೆಲ್(33) ಹಾಗೂ ಕೆಳ ಕ್ರಮಾಂಕದ ಆಟಗಾರ ಕರಣ್ ಲಾಲ್(37) ಉಪಯುಕ್ತ ಕೊಡುಗೆ ಸಹಾಯದಿಂದ ಭಾರತ 106 ರನ್ ಗಳಿಸಿತು.

ಟಾಸ್ ಜಯಿಸಿ ಬ್ಯಾಟಿಂಗ್ ಆಯ್ದುಕೊಂಡ ಭಾರತದ ನಿರ್ಧಾರ ತಪ್ಪೆಂದು ತಿಳಿಯಲು ಹೆಚ್ಚು ಹೊತ್ತು ಹಿಡಿಯಲಿಲ್ಲ. ಎಡಗೈ ವೇಗಿ ಮೃತ್ಯುಂಜಯ ಚೌಧರಿ(3-18) ಹಾಗೂ ಆಫ್ ಸ್ಪಿನ್ನರ್ ಶಮೀಮ್ ಹುಸೇನ್(3-8)ಭಾರತದ ಬ್ಯಾಟ್ಸ್‌ಮನ್‌ಗಳಿಗೆ ಸವಾಲಾಗಿ ಪರಿಣಮಿಸಿದರು.

ಆರಂಭಿಕ ಆಟಗಾರ ಅರ್ಜುನ್ ಆಝಾದ್(0)ಇನಿಂಗ್ಸ್‌ನ ಮೂರನೇ ಓವರ್‌ನಲ್ಲಿ ತಂಝಿಮ್ ಹಸನ್ ಸಾಕಿಬ್ ಬೌಲಿಂಗ್‌ನಲ್ಲಿ ಅಕ್ಬರ್ ಅಲಿಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಮುಂದಿನ ಓವರ್‌ನಲ್ಲಿ ಎನ್.ಟಿ. ತಿಲಕ್ ಅವರು ಮೃತ್ಯುಂಜಯ್‌ಗೆ ವಿಕೆಟ್ ಒಪ್ಪಿಸಿದರು. ಇನ್ನೋರ್ವ ಆರಂಭಿಕ ಆಟಗಾರ ಎಸ್.ವಿ. ಸರ್ಕಾರ್ ರನೌಟಾದರು. ಆಗ ಭಾರತದ ಸ್ಕೋರ್ 3 ವಿಕೆಟ್‌ಗೆ 8 ರನ್.

ಶಾಶ್ವತ್ ರಾವತ್(19) ಹಾಗೂ ನಾಯಕ ಧುೃವ್ ಜುರೆಲ್(33) ತಂಡದ ಮೊತ್ತವನ್ನು 50ರ ಗಡಿ ದಾಟಿಸಿದರು. ರಾವತ್ ಎಲ್ಬಿಡಬ್ಲು ಬಲೆಗೆ ಬಿದ್ದರು. ಎರಡು ಎಸೆತಗಳ ಬಳಿಕ ವರುಣ್(0)ಶೂನ್ಯಕ್ಕೆ ಔಟಾದರು. ಆಗ ಭಾರತದ ಸ್ಕೋರ್ 14.4 ಓವರ್‌ಗಳಲ್ಲಿ 53ಕ್ಕೆ 5.

ಕರಣ್(37) ಔಟಾಗುವ ಮೂಲಕ ಭಾರತದ ಅಂಡರ್-19 ತಂಡ 32.4 ಓವರ್‌ಗಳಲ್ಲಿ 106 ರನ್‌ಗೆ ಆಲೌಟಾಯಿತು.

ಸಂಕ್ಷಿಪ್ತ ಸ್ಕೋರ್

► ಭಾರತ ಅಂಡರ್-19: 32.4 ಓವರ್‌ಗಳಲ್ಲಿ 106 ರನ್‌ಗೆ ಆಲೌಟ್

(ಧುೃವ್ ಜುರೆಲ್ 33, ಕರಣ್ ಲಾಲ್ 37, ಮೃತ್ಯುಂಜಯ ಚೌರಿ 3-18,ಶಮೀಮ್ ಹುಸೇನ್ 3-8)

► ಬಾಂಗ್ಲಾದೇಶ ಅಂಡರ್-19: 33 ಓವರ್‌ಗಳಲ್ಲಿ 101 ರನ್‌ಗೆ ಆಲೌಟ್

(ಅಕ್ಬರ್ ಅಲಿ 23, ಮೃತ್ಯುಂಜಯ ಚೌಧರಿ 21, ಅಥರ್ವ ಅಂಕೋಲೆಕರ್ 5-28,ಆಕಾಶ್ ಸಿಂಗ್ 3-12)

► ಪಂದ್ಯಶ್ರೇಷ್ಠ: ಅಥರ್ವ ಅಂಕೋಲೆಕರ್

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top