2023ರ ಪುರುಷರ ಹಾಕಿ ವಿಶ್ವಕಪ್‌ಗೆ ಭಾರತ ಆತಿಥ್ಯ | Vartha Bharati- ವಾರ್ತಾ ಭಾರತಿ

---

ಸತತ ಎರಡನೇ ಬಾರಿ ಒದಗಿ ಬಂತು ಅಪೂರ್ವ ಅವಕಾಶ

2023ರ ಪುರುಷರ ಹಾಕಿ ವಿಶ್ವಕಪ್‌ಗೆ ಭಾರತ ಆತಿಥ್ಯ

ಲಾಸನ್,ನ.8: ಭಾರತ 2023ರ ಜನವರಿ 13ರಿಂದ 29ರ ತನಕ ಪುರುಷರ ಹಾಕಿ ವಿಶ್ವಕಪ್‌ನ ಆತಿಥ್ಯವಹಿಸಿಕೊಳ್ಳಲಿದೆ ಎಂದು ಅಂತರ್‌ರಾಷ್ಟ್ರೀಯ ಹಾಕಿ ಒಕ್ಕೂಟ(ಎಫ್‌ಐಎಚ್)ಶುಕ್ರವಾರ ಇಲ್ಲಿ ಘೋಷಿಸಿದೆ. ಈ ಮೂಲಕ ಭಾರತ ಸತತ ಎರಡನೇ ಬಾರಿ ವಿಶ್ವಕಪ್ ಆತಿಥ್ಯವಹಿಸಿಕೊಳ್ಳುವ ಅಪೂರ್ವ ಅವಕಾಶ ಪಡೆದಿದೆ.

 2022ರ ಜು.1ರಿಂದ 22ರ ತನಕ ನಡೆಯಲಿರುವ ಮಹಿಳೆಯರ ವಿಶ್ವಕಪ್‌ನ್ನು ಸ್ಪೇನ್ ಹಾಗೂ ನೆದರ್‌ಲ್ಯಾಂಡ್ ಜಂಟಿಯಾಗಿ ಆಯೋಜಿಸಲಿವೆ. ಶುಕ್ರವಾರ ನಡೆದ ಎಫ್‌ಐಎಚ್‌ನ ಕಾರ್ಯಕಾರಿ ಮಂಡಳಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಪುರುಷರ ಹಾಗೂ ಮಹಿಳಾ ವಿಶ್ವಕಪ್‌ನ ಸ್ಥಳಗಳನ್ನು ಆತಿಥೇಯ ರಾಷ್ಟ್ರಗಳು ಘೋಷಣೆ ಮಾಡಲಿವೆ ಎಂದು ಎಫ್‌ಐಎಚ್ ತಿಳಿಸಿದೆ.

ಭಾರತ ನಾಲ್ಕು ಬಾರಿ ಪುರುಷರ ಹಾಕಿ ವಿಶ್ವಕಪ್‌ನ ಆತಿಥ್ಯವಹಿಸಿಕೊಂಡಿರುವ ಮೊತ್ತ ಮೊದಲ ರಾಷ್ಟ್ರವಾಗಿದೆ. ಈ ಹಿಂದೆ 1982(ಮುಂಬೈ), 2010(ಹೊಸದಿಲ್ಲಿ) ಹಾಗೂ 2018(ಭುವನೇಶ್ವರ)ರ ವಿಶ್ವಕಪ್‌ನ್ನು ಆಯೋಜಿಸಿತ್ತು. ನೆದರ್‌ಲ್ಯಾಂಡ್ ಮೂರು ಬಾರಿ ಪುರುಷರ ಹಾಕಿ ಟೂರ್ನಮೆಂಟ್‌ನ್ನು ಸಂಘಟಿಸಿದೆ. ಭಾರತ 2023ಕ್ಕೆ ಸ್ವಾತಂತ್ರ ಪಡೆದು 75ನೇ ವರ್ಷ ಪೂರೈಸಲಿದೆ. ಆ ಸಂದರ್ಭದಲ್ಲಿ ದೇಶದಲ್ಲಿ ಕ್ರೀಡೆಯನ್ನು ಬೆಳೆಸುವ ಉದ್ದೇಶದಿಂದ ವಿಶ್ವಕಪ್‌ನ ಆತಿಥ್ಯವಹಿಸಿಕೊಳ್ಳಲು ಹಾಕಿ ಇಂಡಿಯಾ ಬಯಸಿತ್ತು.

2023ರ ಆವೃತ್ತಿಯ ಪುರುಷರ ವಿಶ್ವಕಪ್‌ನ ಆತಿಥ್ಯವಹಿಸಿಕೊಳ್ಳಲು ಭಾರತವಲ್ಲದೆ, ಬೆಲ್ಜಿಯಂ ಹಾಗೂ ಮಲೇಶ್ಯಾ ರಾಷ್ಟ್ರಗಳು ಬಿಡ್ ಸಲ್ಲಿಸಿದ್ದವು.

ಮಹಿಳೆಯರ ವಿಶ್ವಕಪ್ ಆತಿಥ್ಯಕ್ಕೆ ಐದು ದೇಶಗಳಾದ-ಜರ್ಮನಿ, ಸ್ಪೇನ್,ನೆದರ್‌ಲ್ಯಾಂಡ್, ಮಲೇಶ್ಯಾ ಹಾಗೂ ನ್ಯೂಝಿಲ್ಯಾಂಡ್ ಬಿಡ್ ಸಲ್ಲಿಸಿದ್ದವು. 2023ರ ವಿಶ್ವಕಪ್‌ನಲ್ಲಿ ಈ ಹಿಂದಿನ ಮಾದರಿಯಲ್ಲಿ ಟೂರ್ನಿ ನಡೆಯಲಿದೆ.

ಕ್ರೀಡೆಯ ಬೆಳವಣಿಗೆ ಹಾಗೂ ಟೂರ್ನಿಯ ಆದಾಯ ಗಳಿಕೆಯ ಸಾಮರ್ಥ್ಯವನ್ನು ಮನಸ್ಸಿನಲ್ಲಿಟ್ಟುಕೊಂಡು ನಿರ್ಧಾರ ಕೈಗೊಳ್ಳಲಾಗಿದೆ. ಈ ಪ್ರತಿಷ್ಠಿತ ಟೂರ್ನಿಗಳನ್ನು ಆಯೋಜಿಸಲು ಎಫ್‌ಐಎಚ್ ಉತ್ತಮ ಬಿಡ್‌ಗಳನ್ನು ಸಲ್ಲಿಸಿತ್ತು. ಆಯ್ಕೆ ಮಾಡಲು ನಮಗೆ ಕಷ್ಟವಾಯಿತು.ವಿಶ್ವದೆಲ್ಲೆಡೆ ಹಾಕಿಯನ್ನು ಬೆಳೆಸುವುದು ಎಫ್‌ಐಎಚ್‌ನ ಪ್ರಮುಖ ಗುರಿ. ಇದಕ್ಕೆ ಹೂಡಿಕೆಯ ಅಗತ್ಯವಿದೆ. ಪ್ರತಿ ಬಿಡ್‌ನ ಆದಾಯ ಉತ್ಪತ್ತಿ ಸಾಮರ್ಥ್ಯ ನಮ್ಮ ನಿರ್ಧಾರದಲ್ಲಿ ಅತ್ಯಂತ ಮುಖ್ಯ ಪಾತ್ರವಹಿಸಿವೆ ಎಂದು ಎಫ್‌ಐಎಚ್ ಸಿಇಒ ಥಿಯೆರಿ ವೀಲ್ ಹೇಳಿದ್ದಾರೆ. ಭಾರತ ಇತ್ತೀಚೆಗಿನ ದಿನಗಳಲ್ಲಿ ವಿಶ್ವಕಪ್ ಅಲ್ಲದೆ ಇತರ ಪ್ರಮುಖ ಟೂರ್ನಿಗಳನ್ನು ಆಯೋಜಿಸಿದೆ. ಇದರಲ್ಲಿ 2014ರ ಎಫ್‌ಐಎಚ್ ಚಾಂಪಿಯನ್ಸ್ ಟ್ರೋಫಿ, 2016ರ ಎಫ್‌ಐಎಚ್ ಜೂನಿಯರ್ ಪುರುಷರ ವಿಶ್ವಕಪ್, 2017ರ ಎಫ್‌ಐಎಚ್ ಹಾಕಿ ವಿಶ್ವಕಪ್ ಲೀಗ್ ಫೈನಲ್, 2019ರ ಎಫ್‌ಐಎಚ್ ಪುರುಷರ ಸಿರೀಸ್ ಫೈನಲ್ಸ್ ಹಾಗೂ ಇತ್ತೀಚೆಗಷ್ಟೇ ಎಫ್‌ಐಎಚ್ ಹಾಕಿ ಒಲಿಂಪಿಕ್ಸ್ ಕ್ವಾಲಿಫೈಯರ್‌ನ್ನು ಯಶಸ್ವಿಯಾಗಿ ಆಯೋಜಿಸಿತ್ತು.

‘‘2023ರ ಪುರುಷರ ಹಾಕಿ ವಿಶ್ವಕಪ್ ಬಿಡ್‌ನ್ನು ಗೆದ್ದಿರುವುದಕ್ಕೆ ನಮಗೆಲ್ಲರಿಗೂ ತುಂಬಾ ಸಂತೋಷವಾಗಿದೆ. ನಮ್ಮ ದೇಶದ 75ನೇ ವರ್ಷದ ಸ್ವಾತಂತ್ರೋತ್ಸವದ ಆಚರಣೆಯ ವೇಳೆಗೆ ವಿಶ್ವಕಪ್ ಆಯೋಜಿಸುವ ಅಪೂರ್ವ ಅವಕಾಶ ನಮಗೆ ಲಭಿಸಿದೆ. 2018ರಲ್ಲಿ ಆಯೋಜಿಸಿದ್ದ 14ನೇ ಆವೃತ್ತಿಯ ಹಾಕಿ ವಿಶ್ವಕಪ್ ಶ್ರೇಷ್ಠ ಟೂರ್ನಿಯಾಗಿ ಗುರುತಿಸಿಕೊಂಡಿತ್ತು. ಮತ್ತೊಂದು ವಿಶ್ವಕಪ್ ಆಯೋಜಿಸುವ ವಿಶ್ವಾಸ ನಮಗಿತ್ತು. ನಾವು ಕಳೆದ ವರ್ಷ ಅನುಭವವನ್ನು ಬಳಸಿಕೊಂಡು 2023ರಲ್ಲಿ ಮತ್ತಷ್ಟು ಉತ್ತಮವಾಗಿ ಪುರುಷರ ಹಾಕಿ ವಿಶ್ವಕಪ್‌ನ್ನು ಆಯೋಜಿಸಲಿದ್ದೇವೆ’’ ಎಂದು ಹಾಕಿ ಇಂಡಿಯಾ ಅಧ್ಯಕ್ಷ ಮುಹಮ್ಮದ್ ಮುಷ್ತಾಕ್ ಅಹ್ಮದ್ ಹೇಳಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top