ಓ ಮೆಣಸೇ...

ಕಾಂಗ್ರೆಸ್‌ನವರು ಮುಧೋಳ ನಾಯಿ ನೋಡಿ ದೇಶಭಕ್ತಿ ತಿಳಿದುಕೊಳ್ಳಬೇಕು - ನರೇಂದ್ರಮೋದಿ, ಪ್ರಧಾನಿ

ನೀವು ಯಾವ ನಾಯಿ ನೋಡಿ ದೇಶಭಕ್ತಿ ಕಲಿತುಕೊಂಡಿರಿ?

---------------------

ನಾನು ನನ್ನ ಜೀವನವನ್ನು ರೈತರಿಗಾಗಿ ಮುಡುಪಾಗಿಟ್ಟವನು - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ,

ಅಂದರೆ ರೈತರಿಗೆ ಗುಂಡು ಹಾರಿಸುವುದಕ್ಕಾಗಿ ಜೀವನ ಮುಡಿಪೇ?

---------------------
ಜೆಡಿಎಸ್‌ಗೆ ಬಹುಮತ ಬಾರದೇ ಇದ್ದಲ್ಲಿ ನನ್ನನ್ನು ಮುಖ್ಯಮಂತ್ರಿ ಮಾಡಿ ಎಂದು ಯಾರ ಮನೆ ಬಾಗಿಲಿಗೂ ಹೋಗುವುದಿಲ್ಲ - ಕುಮಾರಸ್ವಾಮಿ, ಜೆಡಿಎಸ್ ಅಧ್ಯಕ್ಷ
ಅವರೇ ನಿಮ್ಮ ಬಾಗಿಲಿಗೆ ಬರುತ್ತಾರೆ ಎಂಬ ಧೈರ್ಯವೇ?
---------------------
ಬಾಲ್ಯ ವಿವಾಹ ನಿಷೇಧವೇ ಲವ್‌ಜಿಹಾದ್‌ಗೆ ಕಾರಣ - ಗೋಪಾಲ್ ಪಾರ್ಮರ್, ಮಧ್ಯಪ್ರದೇಶ ಶಾಸಕ

ಲವ್ ಜಿಹಾದ್ ನಡೆಸುವುದಕ್ಕಾಗಿಯೇ ಬಾಲ್ಯ ವಿವಾಹ ನಿಷೇಧಿಸಿರಬಹುದೆ?
---------------------
 
2019ರ ಲೋಕಸಭೆ ಚುನಾವಣೆ ಪಾಂಡವರು ಮತ್ತು ಕೌರವರ ನಡುವಿನ ಧರ್ಮಯುದ್ಧ - ಸುರೇಂದ್ರ ಸಿಂಗ್, ಬಿಜೆಪಿ ಶಾಸಕ

ಪಾಂಡವರು ಮತ್ತು ಕೌರವರ ನಡುವಿನ ಜೂಜಾಟ ಎಂದರೆ ಅರ್ಥಪೂರ್ಣ.

---------------------

ಎಲ್ಲರ ಕಲ್ಯಾಣಕ್ಕಾಗಿ ಜೆಡಿಎಸ್-ಬಿಎಸ್ಪಿ ಮಹಾಮೈತ್ರಿ- ಮಾಯಾವತಿ, ಬಿಎಸ್ಪಿ ಅಧ್ಯಕ್ಷೆ

ಆ ಎಲ್ಲರಲ್ಲಿ ಬಿಜೆಪಿಯೂ ಸೇರಿದೆ ಎಂಬ ಆರೋಪವಿದೆ.

---------------------
 
ರಾಜ್ಯದಲ್ಲಿ ಬದಲಾವಣೆಯ ಸಮಯ ಸಮೀಪಿಸುತ್ತಿದೆ - ಎಸ್.ಎಂ.ಕೃಷ್ಣ, ಮಾಜಿ ಮುಖ್ಯಮಂತ್ರಿ

ನಿಮ್ಮಲ್ಲಿ ಹೊಸದಾಗಿ ಬದಲಾವಣೆಗಳೇನಾದರೂ ಇದೆಯೇ?

---------------------
ಸಿದ್ದರಾಮಯ್ಯರ ದುರಹಂಕಾರದಿಂದ ಈ ಬಾರಿ ಕಾಂಗ್ರೆಸ್ ನೆಲಕಚ್ಚುತ್ತದೆ - ಶ್ರೀನಿವಾಸ್ ಪ್ರಸಾದ, ಮಾಜಿ ಸಚಿವ

ಒಟ್ಟಿನಲ್ಲಿ ಸಿದ್ದರಾಮಯ್ಯ ನೆಲಕಚ್ಚಿದರೆ ನಿಮ್ಮ ಆಸೆ ಈಡೇರಿದಂತೆ.

---------------------
ಸರಕಾರ ರಚನೆಗಾಗಿ ನಾವು ರಾಜಕೀಯ ಮಾಡುತ್ತಿಲ್ಲ - ರಾಜನಾಥ್‌ಸಿಂಗ್, ಕೇಂದ್ರ ಸಚಿವ

ರಾಜ್ಯದಲ್ಲಿ ಯಡಿಯೂರಪ್ಪರನ್ನು ಕಸದ ಬುಟ್ಟಿಗೆ ಹಾಕುವ ರಾಜಕೀಯ ನಡೆಯುತ್ತಿದೆಯಂತೆ.

---------------------
 
ಮೋದಿ ಬಿರುಗಾಳಿಯಾದರೆ ಕಾಂಗ್ರೆಸ್ ಹೆಬ್ಬಂಡೆ - ಡಾ.ಜಿ.ಪರಮೇಶ್ವರ್,ಕೆಪಿಸಿಸಿ ಅಧ್ಯಕ್ಷ

ಮತದಾರರು ಆ ಬಂಡೆಗೆ ತಲೆಚಚ್ಚಿಕೊಂಡಂತಾಯಿತು.

---------------------

ಕುಮಾರಸ್ವಾಮಿ ಸಿಎಂ ಆಗಿದ್ದಾರೆ ಅವರಪ್ಪ ಮುಖ್ಯಮಂತ್ರಿಯಾಗಿದ್ದಾರೆ, ನಾನೇಕೆ ಸಿಎಂ ಆಗಬಾರದು? - ಡಿ.ಕೆ.ಶಿವಕುಮಾರ್, ಸಚಿವ

ದೇವೇಗೌಡರ ಕುಟುಂಬದ ಸದಸ್ಯರಾಗಿದ್ದರೆ ನೀವು ಆಗಬಹುದಿತ್ತೇನೋ?

---------------------

ರಾಜ್ಯದಲ್ಲಿ ಬಿಜೆಪಿ ಗೆದ್ದರೆ ಆರು ತಿಂಗಳಲ್ಲಿ ಮಹಾದಾಯಿ ಸಮಸ್ಯೆಗೆ ಪರಿಹಾರ - ಅಮಿತ್ ಶಾ, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ

ಇಲ್ಲವಾದರೆ ಪರಿಹರಿಸಲು ಬಿಡುವುದಿಲ್ಲ ಎಂದಾಯಿತು.

---------------------
ಹಿಂದೆ ದ್ರೋಹ ಮಾಡಿದ ಜೆಡಿಎಸ್ ಜೊತೆ ಮೈತ್ರಿ ಇಲ್ಲ - ಡಿ.ವಿ.ಸದಾನಂದಗೌಡ, ಕೇಂದ್ರ ಸಚಿವ

ದ್ರೋಹ ಮಾಡದ ಕಾಂಗ್ರೆಸ್ ಜೊತೆಗೆ ಮೈತ್ರಿ ಸಾಧ್ಯತೆ ಇದೆಯೇ?
---------------------
 
ಈ ಬಾರಿಯದು ನನ್ನ ಕಡೆಯ ಚುನಾವಣೆ ಪ್ರಚಾರ - ಎಚ್.ಡಿ. ದೇವೇಗೌಡ, ಮಾಜಿ ಪ್ರಧಾನಿ

ಪ್ರಣಾಳಿಕೆಯಲ್ಲಿ ಈ ಆಶ್ವಾಸನೆಯನ್ನೂ ಸೇರಿಸಬೇಕಾಗಿತ್ತು.

---------------------
ಮೋದಿಯನ್ನು ಪ್ರಧಾನಿ ಮಾಡಿ ಎಂದು ಹೇಳಿ ನಾನು ಜೀವನದಲ್ಲಿ ದೊಡ್ಡ ತಪ್ಪು ಮಾಡಿದೆ - ರಾಮ್‌ ಜೇಠ್ಮಲಾನಿ, ಹಿರಿಯ ನ್ಯಾಯವಾದಿ

ಅಡ್ವಾಣಿಯವರದೂ ಅದೇ ಅಳಲು.

---------------------

ಅವಕಾಶವಾದಿಗಳು ಪಕ್ಷದ ಒಳಗೆ ಇರುವ ಬದಲು ಹೊರಗಡೆ ಇರುವುದು ಒಳ್ಳೆಯದು - ರಾಹುಲ್ ಗಾಂಧಿ, ಕಾಂಗ್ರೆಸ್ ಅಧ್ಯಕ್ಷ

ಹೊರಗೆ ಹೋಗುವವರೆಗೆ ಅವರು ಯಾವ ವಾದಿಗಳು ಎಂದು ಗೊತ್ತಾಗುವುದಿಲ್ಲ, ಬಿಡಿ.

---------------------

ಹಿಂದೂ ಸಮಾಜ ಒಂದು ವಿಚಿತ್ರವಾದ ಸ್ಥಿತಿಯಲ್ಲಿದೆ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ

ಅದಕ್ಕೆ ನಿಮ್ಮ ಕೊಡುಗೆಯಂತೂ ಅಪಾರ.

---------------------
 
ಕರ್ನಾಟಕ ಜಿಹಾದಿಗಳ ಅಡ್ಡೆ - ಆದಿತ್ಯನಾಥ್, ಉ.ಪ್ರದೇಶ ಮುಖ್ಯಮಂತ್ರಿ

ಉತ್ತರ ಪ್ರದೇಶದ ಬೀದಿನಾಯಿಗಳ ಕಡೆಗೆ ಗಮನ ಹರಿಸಿ.

---------------------
 
ಬಿಜೆಪಿ ಗಟ್ಟಿಯಾಗಲು ಕಾಂಗ್ರೆಸ್ಸೇ ಕಾರಣ - ಅಸದುದ್ದೀನ್ ಉವೈಸಿ, ಎಐಎಂಐಎಂ ಸ್ಥಾಪಕ

ನೀವು ಗಟ್ಟಿಯಾಗಲು ಬಿಜೆಪಿ ಕಾರಣ ಎಂದು ಆರೋಪವಿದೆ.

---------------------
ನರೇಂದ್ರ ಮೋದಿ ಪಿಎಂ ಅಂದರೆ, ಪಂಚಾಯತ್ ಮೆಂಬರ್ ಅನ್ನುವಷ್ಟರ ಮಟ್ಟಿಗೆ ಇಳಿದಿದ್ದಾರೆ - ಬಿ.ಕೆ.ಹರಿಪ್ರಸಾದ್, ಎಐಸಿಸಿ ಪ್ರ.ಕಾರ್ಯದರ್ಶಿ

ತಳಮಟ್ಟದ ನಾಯಕ ಎಂದು ಹೊಗಳಿದಂತಾಯಿತು.

---------------------
 
ಐಟಿ ಅಧಿಕಾರಿಗಳು ಗುಡ್ಡ ಅಗೆದು ಇಲಿ ಹಿಡಿದಿದ್ದಾರೆ - ಸಿ.ಎಂ.ಇಬ್ರಾಹೀಂ, ವಿ.ಪ.ಸದಸ್ಯ

ಗುಡ್ಡದ ಬದಲು, ಕೆಲವರ ಮನೆಗಳನ್ನು ಅಗೆದರೆ ಹುಲಿಯೂ ಸಿಗಬಹುದು.

---------------------
ಮೋದಿಯ ಬಣ್ಣದ ಮಾತುಗಳಿಂದ ಬಡವರ ಹೊಟ್ಟೆ ತುಂಬುವುದಿಲ್ಲ - ಸೋನಿಯಾ ಗಾಂಧಿ, ಕಾಂಗ್ರೆಸ್ ನಾಯಕಿ

ಗೆದ್ದರೆ ರೇಷನ್ ಅಂಗಡಿಗಳಲ್ಲಿ ಮೋದಿ ಭಾಷಣದ ಸಿಡಿಗಳನ್ನು ತೂಕ ಮಾಡಿ ಬಡವರಿಗೆ ಹಂಚಲಿದ್ದಾರಂತೆ.

---------------------
ಮತದಾನ ಮಾಡದಿರುವುದು ಮಹಾಪಾಪ - ರಾಘವೇಶ್ವರ ಸ್ವಾಮೀಜಿ , ರಾಮಚಂದ್ರಾಪುರ ಮಠ

ಹಾಗಾದರೆ ಅತ್ಯಾಚಾರ?
---------------------
 
ದಲಿತ ಅನ್ನುವ ಕಾರಣಕ್ಕೆ ಪುನಃ ಪುನಃ ಮುಖ್ಯಮಂತ್ರಿ ಸ್ಥಾನ ಕೇಳುವುದು ಮುಜುಗರದ ವಿಚಾರ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ

ಬೇರೆ ಕಾರಣವನ್ನು ಮುಂದೊಡ್ಡಿ ಮುಖ್ಯಮಂತ್ರಿ ಸ್ಥಾನ ಕೇಳುತ್ತೀರಿ ಎಂದಾಯಿತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top