ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

ಓ ಮೆಣಸೇ...

ಮೋದಿ ಭರವಸೆಯ ಗೆಳೆಯ -ಶಿಂಬೋ ಅಬೆ, ಜಪಾನ್ ಪ್ರಧಾನಿ
ದೇಶದ ಜನರನ್ನು ಹೊರತು ಪಡಿಸಿ, ವಿದೇಶಿಯರೆಲ್ಲ ಇದನ್ನೇ ಹೇಳುತ್ತಿದ್ದಾರೆ. ಮನೆಗೆ ಮಾರಿ, ಊರಿಗೆ ಉಪಕಾರಿ.

---------------------
  ಕಾಂಗ್ರೆಸ್ ಸೇರಿದ್ದರಿಂದಲೇ ನಾನು ಈ ರಾಜ್ಯದ ಮುಖ್ಯಮಂತ್ರಿಯಾದೆ -ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಜೆಡಿಎಸ್ ತೊರೆದದ್ದರಿಂದ ಎಂದು ನೇರವಾಗಿಯೇ ಹೇಳಬಹುದಲ್ಲ?
---------------------

ನಾನು ಮುಖ್ಯಮಂತ್ರಿಯಾಗಿದ್ದು, ಪ್ರಧಾನಿಯಾಗಿದ್ದು ದೈವದ ಲೀಲೆ -ದೇವೇಗೌಡ, ಮಾಜಿ ಪ್ರಧಾನಿ

ತಮ್ಮ ಮಗ ಮುಖ್ಯಮಂತ್ರಿಯಾಗಿದ್ದು ಸಣ್ಣ ಲೀಲೆಯೇನೂ ಅಲ್ಲ.

---------------------
ಕಾಂಗ್ರೆಸ್ ಈಗ ಮುಳುಗುವ ಹಡಗು -ಸಿ.ಟಿ.ರವಿ, ಶಾಸಕ
ಸದ್ಯಕ್ಕೆ ದೇಶವನ್ನೇ ಮುಳುಗಿಸುವ ಹಂತದಲ್ಲಿರುವ ಮೋದಿಯ ಬಗ್ಗೆ ಮಾತನಾಡಿ.

---------------------
ಒತ್ತಡಕ್ಕೆ ಮಣಿಯುವ ಜಾಯಮಾನದ ಹೆಣ್ಣು ಮಗಳು ನಾನಲ್ಲ -ಲಕ್ಷ್ಮೀ ಹೆಬ್ಬಾಳ್ಕರ್, ಶಾಸಕಿ
ಯಾವುದಕ್ಕೆ ಮಣಿಯುತ್ತೀರಿ ಎನ್ನುವುದನ್ನಾದರೂ ಹೇಳಿ ಬಿಡಿ.

---------------------
ನೋಟು ರದ್ದು ಮಾಡಿದ ದೇಶಗಳೆಲ್ಲವೂ ದಿವಾಳಿಯಾಗಿವೆ -ಎಚ್.ವಿಶ್ವನಾಥ್, ಜೆಡಿಎಸ್ ಅಧ್ಯಕ್ಷ
ಆ ದೇಶಗಳ ಸಾಲಲ್ಲಿ ಭಾರತವನ್ನು ಸೇರಿಸಿದ ಹೆಮ್ಮೆ ಮೋದಿಯವರದು.

---------------------
  2019ರ ಲೋಕಸಭಾ ಚುನಾವಣೆಯಲ್ಲಿ ನರೇಂದ್ರ ಮೋದಿ ಮುಸ್ಲಿಂ ಮಹಿಳೆಯರ ಫೆವರಿಟ್ ಅಭ್ಯರ್ಥಿ -ಶಹನವಾಝ್ ಹುಸೈನ್, ಬಿಜೆಪಿ ನಾಯಕ
ತಲಾಖ್ ಹೇಳದೆಯೇ ಹೆಂಡತಿಯನ್ನು ಬಿಟ್ಟವನು ಎನ್ನುವ ಕಾರಣಕ್ಕೆ ಇರಬಹುದೇ?

---------------------
ನಾನು ಅಷ್ಟು ಸುಲಭವಾಗಿ ಸಾಯುವುದಿಲ್ಲ -ಎಚ್.ಡಿ. ಕುಮಾರ ಸ್ವಾಮಿ, ಮುಖ್ಯಮಂತ್ರಿ
ಅಧಿಕಾರ ಸಾಯುವ ಆಸೆಯನ್ನು ದೂರ ಮಾಡುತ್ತದೆ.

---------------------
ತಂತ್ರ - ಕುತಂತ್ರದಲ್ಲಿ ಡಿ.ಕೆ.ಶಿವಕುಮಾರ್ ಪಿಎಚ್‌ಡಿ ಪಡೆದಿದ್ದಾರೆ - ಜನಾರ್ದನ ರೆಡ್ಡಿ, ಗಣಿ ಉದ್ಯಮಿ
ತಾವೇ ಸ್ಥಾಪಿಸಿರುವ ವಿಶ್ವವಿದ್ಯಾನಿಲಯದಲ್ಲಿ ಅದನ್ನು ಪಡೆದಿರುವುದಂತೆ.

---------------------

ರಾಮ ಮಂದಿರ ವಿಚಾರದಲ್ಲಿ ಹಿಂದೂಗಳು ಸಹನೆ ಕಳೆದು ಕೊಳ್ಳುತ್ತಿದ್ದಾರೆ - ಗಿರಿರಾಜ್ ಸಿಂಗ್, ಕೇಂದ್ರ ಸಚಿವ
ದೇಶದ ಅಭಿವೃದ್ಧಿಯ ವಿಷಯದಲ್ಲಿ ಕಾಣಿಸಿಕೊಂಡಿರುವ ಅಸಹನೆ ಅದು.

---------------------

ಕಣ್ಣೀರಿಡುವ ನಾಯಕರನ್ನು ನಂಬಬೇಡಿ -ಸಿ.ಪಿ.ಯೋಗೇಶ್ವರ್, ಮಾಜಿ ಸಚಿವ
 ಕಣ್ಣೀರಿಡುವ ಕಾರ್ಯಕರ್ತರ ಬಗ್ಗೆ ಏನು ಹೇಳುತ್ತೀರಿ?

---------------------
  ಕೇಂದ್ರ ಸರಕಾರವು ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಿಸುವ ನಿಟ್ಟಿನಲ್ಲಿ ಸುಗ್ರೀವಾಜ್ಞೆ ಹೊರಡಿಸಲಿ - ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ವಾಲಿಯನ್ನು ರಾಮ ಮರೆಯಲ್ಲಿ ಕೊಂದಂತೆಯೇ ಸುಪ್ರೀಂಕೋರ್ಟ್‌ಗೆ ಬಾಣ ಬಿಟ್ಟಿದ್ದಾರೆ.

---------------------
  ನಾವು ಇತಿಹಾಸದಿಂದ ಪಾಠ ಕಲಿಯಬೇಕು -ಯೋಗಿ ಆದಿತ್ಯನಾಥ್, ಉ.ಪ್ರ.ಮುಖ್ಯಮಂತ್ರಿ
ಪಾಠ ಕಲಿತಿದ್ದರೆ, ನೀವು ಮುಖ್ಯಮಂತ್ರಿಯಾಗುತ್ತಿರಲಿಲ್ಲ.

---------------------
  ಬೇರೆ ಕುಟುಂಬಗಳ ಖಾಸಗಿ ವಿಷಯಗಳಲ್ಲಿ ಮೂಗು ತೂರಿಸುವ ಸಿ.ಎಂ.ಕುಮಾರಸ್ವಾಮಿ ಸದ್ಯದಲ್ಲೇ ಮೀಟೂ ಅಭಿಯಾನದಲ್ಲಿ ಸಿಲುಕಲಿದ್ದಾರೆ -ಕುಮಾರ ಬಂಗಾರಪ್ಪ, ಶಾಸಕ
  ಒಂದಾನೊಂದು ಕಾಲದಲ್ಲಿ ತಾವು ನಟರಾಗಿದ್ದೀರಿ ಎನ್ನುವುದನ್ನು ಮರೆಯಬೇಡಿ. ನಟಿಯರು ಬಾಯಿ ತೆರೆದರೆ ಕಷ್ಟ.

---------------------
  ರಾಜ್ಯದ ಮೈತ್ರಿ ಸರಕಾರ ಜನರಿಗೆ ಸ್ವರ್ಗದ ಚಿತ್ರ ತೋರಿಸಿ, ಅವರನ್ನು ಸೆಳೆದು ನರಕಕ್ಕೆ ತಳ್ಳುತ್ತಿದೆ -ನಳಿನ್‌ಕುಮಾರ್ ಕಟೀಲು, ಸಂಸದ
ಮೋದಿಯಂತೆ ನರಕದ ಚಿತ್ರ ತೋರಿಸಿಯೇ ನರಕಕ್ಕೆ ತಳ್ಳಬೇಕು ಅನ್ನುತ್ತೀರಾ?

---------------------
  ಇಂದಿನ ಸಾಲ ಬಿಕ್ಕಟ್ಟಿಗೆ ರಿಸರ್ವ್ ಬ್ಯಾಂಕೇ ಕಾರಣ -ಅರುಣ್ ಜೇಟ್ಲಿ, ಕೇಂದ್ರ ಸಚಿವ
  ರಿಸರ್ವ್ ಬ್ಯಾಂಕಿನ ಇಂದಿನ ಸ್ಥಿತಿಗೆ ಯಾರು ಕಾರಣ?
---------------------
  ಬುದ್ಧಿಜೀವಿಗಳು ಮುಂದೆ ಹಿಟ್ಲರ್ ಜಯಂತಿ ಆಚರಿಸಿದರೂ ಆಶ್ಚರ್ಯವಿಲ್ಲ -ಡಾ.ಚಿದಾನಂದ ಮೂರ್ತಿ, ಸಂಶೋಧಕ
ಹಿಟ್ಲರ್ ಜಯಂತಿಯನ್ನು ನಮಗೆ ಬಿಡಿ ಎಂದರಂತೆ ಮೋದಿ ಭಕ್ತರು.

---------------------
  ಮಹಿಳಾವಾದಿಗಳು ಶಬರಿಮಲೆ ಪ್ರವೇಶಿಸಿದರೆ ಅಲ್ಲೂ ಕೂಡಾ ಮೀಟೂ ಆರೋಪ ಕೇಳಿಬರುವ ಸಾಧ್ಯತೆಗಳಿವೆ -ರಾಹುಲ್ ಈಶ್ವರ್, ಅಯ್ಯಪ್ಪ ಧರ್ಮ ಸೇನಾ ಅಧ್ಯಕ್ಷ
ಅಂದರೆ ತಮಗೆ ಅಯ್ಯಪ್ಪನಿಗಿಂತ ಜಾಸ್ತಿ ಮೀಟೂ ಭಯವಿದೆಯೆಂದಾಯಿತು.

---------------------
  ಸರ್ದಾರ್ ಪಾಟೇಲ್ ಇಲ್ಲದಿದ್ದದ್ದರೆ ಕೇರಳಕ್ಕೆ ಹೋಗಬೇಕಿದ್ದರೂ ವೀಸಾ ಬೇಕಿತ್ತು -ಸಿ.ಟಿ.ರವಿ, ಶಾಸಕ
ಪಟೇಲ್ ಇದ್ದಿದ್ದರೆ ಆರೆಸ್ಸೆಸ್‌ಗೆ ಮತ್ತೊಮ್ಮೆ ನಿಷೇಧ ಬೀಳುತ್ತಿತ್ತು.

---------------------
  ಏಕತಾ ಪ್ರತಿಮೆ ನಿರ್ಮಿಸಿದ ಮಾದರಿಯಲ್ಲೇ ರಾಮ ಮಂದಿರ ನಿರ್ಮಿಸಬೇಕು -ಮನಮೋಹನ ವೈದ್ಯ, ಆರೆಸ್ಸೆಸ್ ಮುಖಂಡ
ಅಂದರೆ ಏಕತೆಯ ಹೆಸರಲ್ಲಿ ವಿಭಜನೆಯೇ?
---------------------
  ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಿಸುವ ಭರವಸೆ ಹುಸಿಯಾದರೆ ಲೋಕಸಭೆಯಲ್ಲಿ ಬಿಜೆಪಿ 280 ಸ್ಥಾನದಿಂದ ಎರಡು ಸ್ಥಾನಕ್ಕೆ ಕುಸಿಯಲಿದೆ -ಉದ್ಭವ್‌ಠಾಕ್ರೆ, ಶಿವಸೇನಾ ಅಧ್ಯಕ್ಷ
ಅಂದರೆ ಬಿಜೆಪಿ ಸ್ಥಾನ ಏರಿಸುವುದಕ್ಕಾಗಿ ರಾಮಮಂದಿರ ಎಂದಾಯಿತು.
 ---------------------

ಕಾಂಗ್ರೆಸ್ ಭ್ರಷ್ಟಾಚಾರ ತುಂಬಿದ ದೊಡ್ಡ ಚರಂಡಿ -ಶ್ರೀಕಾಂತ್ ಶರ್ಮಾ, ಉ.ಪ್ರ.ಸಚಿವ
ಆ ಚರಂಡಿಯಿಂದಲೇ ಬಿಜೆಪಿ ಮೊಳಕೆ ಒಡೆದದ್ದು.

---------------------
  ದೇಶ ಉಳಿಸಲು ಕಾಂಗ್ರೆಸ್ ಜೊತೆ ಎಲ್ಲಾ ಪಕ್ಷಗಳು ಕೈ ಜೋಡಿಸುವುದು ಇಂದಿನ ಅಗತ್ಯ -ಚಂದ್ರಬಾಬು ನಾಯ್ಡು, ಟಿಡಿಪಿ ಅಧ್ಯಕ್ಷ
ಕಾಂಗ್ರೆಸ್ ಉಳಿಸಲು ಕೂಡ ಇದು ಅಗತ್ಯ.

---------------------
  ಕನ್ನಡ ರಾಜ್ಯೋತ್ಸವ ಕೇವಲ ಒಂದು ದಿನಕ್ಕೆ ಸೀಮಿತವಾಗಬಾರದು -ಡಾ.ಜಿ.ಪರಮೇಶ್ವರ್, ಉಪ ಮುಖ್ಯಮಂತ್ರಿ
ಅಂದರೆ ಆ ಒಂದು ದಿನವೂ ಆಚರಿಸಬಾರದು ಎಂದೇ?
---------------------
  ಪ್ರಧಾನಿ ಮೋದಿ ಅವರ ಹೆಂಡತಿಗೆ ಜೀವನಾಂಶ ಕೊಡುತ್ತಿದ್ದಾರೆಯೇ - ಸಿ.ಎಂ.ಇಬ್ರಾಹೀಂ, ವಿ.ಪ.ಸದಸ್ಯ
 ತಲಾಖ್ ಕೊಟ್ಟರೆ ಮಾತ್ರ ಜೀವನಾಂಶ ಕೊಡಬೇಕು.

---------------------
  ಹಿಂದೂ ಧರ್ಮದಲ್ಲಿ ಮಾತ್ರ ಮಹಿಳೆಗೆ ದೇವರ ಸ್ಥಾನ -ಎಸ್.ಎಲ್.ಬೈರಪ್ಪ, ಹಿರಿಯ ಸಾಹಿತಿ
  ಮತ್ತೆ ಶಬರಿಮಲೆಯಲ್ಲಿ ಮಹಿಳೆಗೆ ಯಾಕೆ ಆಕ್ಷೇಪ?
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top