ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ವಿಧಾನ ಸಭೆ ವಿಪಕ್ಷ ನಾಯಕ ಮತ್ತು ಪಕ್ಷದ ಅಧ್ಯಕ್ಷ ಸ್ಥಾನ ಎರಡನ್ನೂ ನಿಭಾಯಿಸುವುದು ಕಷ್ಟವಾಗುತ್ತಿದೆ - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ
 
ನಿಮ್ಮ ಎಲ್ಲ ಕಷ್ಟಗಳನ್ನು ಪರಿಹಾರ ಮಾಡಿ ಮನೆಯಲ್ಲಿ ಕೂರಿಸಲು ಪಕ್ಷದೊಳಗೆ ಭಾರೀ ಕೆಲಸ ನಡೆಯುತ್ತಿದೆ.

---------------------
  ಜೂನ್ ಮೊದಲ ವಾರದಲ್ಲಿ ಯಡಿಯೂರಪ್ಪ ಮುಖ್ಯಮಂತ್ರಿಯಾಗಲಿದ್ದಾರೆ
- ವಿ.ಸೋಮಣ್ಣ, ಶಾಸಕ
  ಹೀಗೆ ಹೇಳಿ ಎಷ್ಟು ಬಾರಿ ಯಡಿಯೂರಪ್ಪರನ್ನು ಏಮಾರಿಸುತ್ತೀರಿ?

---------------------
ನಿಜ ಅರ್ಥದಲ್ಲಿ ಸಂಗೀತ ಜಾತ್ಯತೀತ ಮತ್ತು ಭಾಷಾತೀತ - ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಆದರೆ ಸಂಗೀತ ನುಡಿಸುವ ಮನುಷ್ಯ ಮಾತ್ರ ಅತೀತನಾಗಿಲ್ಲ.

---------------------
  ಪ್ರತಿ ಹನಿ ರಕ್ತಕ್ಕೂ ಪ್ರತೀಕಾರ ತೀರಿಸುವೆ - ನರೇಂದ್ರಮೋದಿ, ಪ್ರಧಾನಿ
  ಪುಲ್ವಾಮದಲ್ಲಿ ಹರಿದ ರಕ್ತಕ್ಕೆ ಮತದಾರರು ನಿಮ್ಮ ವಿರುದ್ಧ ಪ್ರತೀಕಾರ ತೀರಿಸುವ ಎಲ್ಲ ಸೂಚನೆಗಳು ಕಾಣುತ್ತಿವೆ.

---------------------
 ರಾಹುಲ್‌ಗಾಂಧಿ - ನರೇಂದ್ರಮೋದಿ ಹೋಲಿಕೆ ಸಲ್ಲದು - ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ
ಹೌದು. ಅದು ರಾಹುಲ್‌ಗಾಂಧಿಗೆ ಮಾಡುವ ಅವಮಾನ.

---------------------

ಜೆಡಿಎಸ್‌ನವರು ಬಿಜೆಪಿಗೆ ಮತ ಹಾಕಿದ್ದು ಸತ್ಯ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಕಾಂಗ್ರೆಸ್‌ನವರು ಬಿಜೆಪಿಗೆ ಮತಹಾಕಿದ್ದು ಮಾತ್ರ ನಿಜವೇ?

---------------------
ನನ್ನತ್ತ ಕೆಸರು ಎರಚಿದಷ್ಟೂ ಕಮಲ ಅರಳುತ್ತೆ - ನರೇಂದ್ರ ಮೋದಿ, ಪ್ರಧಾನಿ
  ನಿಮಗೆ ನೀವೇ ಕೆಸರೆರಚುಕೊಳ್ಳುತ್ತಿರುವಾಗ, ಉಳಿದವರಿಗೇನು ಕೆಲಸ?
 ---------------------
ನಿಜವಾದ ಮಣ್ಣಿನ ಮಗ ಯಡಿಯೂರಪ್ಪ - ಈಶ್ವರಪ್ಪ, ಬಿಜೆಪಿ ನಾಯಕ
  ಅಂದರೆ, ಶೀಘ್ರದಲ್ಲೇ ಮಣ್ಣು ಮಾಡುವ ಉದ್ದೇಶವಿದೆಯೇ?
---------------------
  ಸಮ್ಮಿಶ್ರ ಸರಕಾರದಿಂದ ರಾಜ್ಯದಲ್ಲಿ ಅಘೋಷಿತ ತುರ್ತು ಪರಿಸ್ಥಿತಿ
- ಜಗದೀಶ್ ಶೆಟ್ಟರ್, ಮಾಜಿ ಮುಖ್ಯಮಂತ್ರಿ
  ನೋಟು ನಿಷೇಧ ಮಾಡಿದ್ದು ಸಮ್ಮಿಶ್ರ ಸರಕಾರವೇ?
---------------------
ಚಿಕ್ಕಂದಿನಿಂದಲೇ ಮನೆ ಬಿಟ್ಟಿರುವುದರಿಂದ ಪ್ರಧಾನಿ ಮೋದಿಗೆ ಸಂಸ್ಕಾರ ಇಲ್ಲ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ
ಸಂಸ್ಕಾರ ಇಲ್ಲವೆಂದು ಮನೆಯಿಂದ ಓಡಿಸಿರಬೇಕು.

---------------------

ಎಲ್ಲವೂ ಅಂದುಕೊಂಡಂತೆ ನಡೆದರೆ ನಾನೇ ಪ್ರಧಾನಿ
- ಮಾಯಾವತಿ, ಬಿಎಸ್ಪಿ ನಾಯಕಿ

ಬಿಜೆಪಿಯೊಂದಿಗೆ ಕೈ ಮಿಲಾಯಿಸುವ ಉದ್ದೇಶವೇನಾದರೂ ಇದೆಯೇ?

---------------------
  ರಾಜ್ಯದಲ್ಲಿ ಹಿಂಬಾಗಿಲ ತುರ್ತುಪರಿಸ್ಥಿತಿ ಜಾರಿಯಾಗಿದೆ - ನಳಿನ್‌ಕುಮಾರ್ ಕಟೀಲು, ಸಂಸದ
ಮುಂಬಾಗಿಲ ತುರ್ತುಪರಿಸ್ಥಿತಿಯನ್ನು ಕೇಂದ್ರ ಜಾರಿಗೊಳಿಸಿದೆ.

---------------------
  ನಾನು ದಣಿದಿದ್ದೇನೆ, ಆದರೆ ನಿವೃತ್ತಿಯಾಗಿಲ್ಲ
- ಉಮಾಭಾರತಿ, ಕೇಂದ್ರ ಸಚಿವೆ
ಗಂಗಾನದಿಯನ್ನು ಪೂರ್ಣ ಗಬ್ಬೆಬ್ಬಿಸಿಯೇ ನಿವೃತ್ತಿಯಾಗುವ ಉದ್ದೇಶವಿರಬೇಕು.

---------------------
ಎಂ.ಬಿ.ಪಾಟೀಲ್ ಬಿಜೆಪಿಗೆ ಬಂದರೆ ಸಿಎಂ ಸ್ಥಾನವೊಂದನ್ನು ಬಿಟ್ಟು ಅವರು ಬೇಡಿದ್ದನ್ನು ಕೊಡಿಸುವೆ - ಬಸವನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಪ್ರಧಾನಿ ಹುದ್ದೆಯನ್ನು ಕೇಳುವ ಸಾಧ್ಯತೆ ಇದೆ.

---------------------
  ಕೇಸರಿ ಬಣ್ಣ ್ಯಾಗದ ಸಂಕೇತ - ಪ್ರಜ್ಞಾಸಿಂಗ್ ಠಾಕೂರ್ ಭೋಪಾಲ್ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ
ಸದ್ಯಕ್ಕೆ ಅದು ಭಯೋತ್ಪಾದನೆಯ ಸಂಕೇತವಾಗಿ ಮಾರ್ಪಟ್ಟಿದೆ.

---------------------
ಮಹಾಭಾರತದ ದುರ್ಯೋಧನನಿಗೂ ಪ್ರಧಾನಿ ಮೋದಿಯಂತಹ ಅಹಂಕಾರ ಇತ್ತು - ಪ್ರಿಯಾಂಕಾ ವಾದ್ರಾ, ಕಾಂಗ್ರೆಸ್ ನಾಯಕಿ
ಆದರೆ ದುರ್ಯೋಧನ ನೋಟು ನಿಷೇಧ ಮಾಡಿ ಪ್ರಜೆಗಳಿಗೆ ತೊಂದರೆ ಕೊಟ್ಟಿಲ್ಲ.

---------------------
ಬಿಳಿ ಬಟ್ಟೆ ಹಾಕಿಕೊಂಡವರೆಲ್ಲ ರಾಜಕಾರಣಿಗಳಲ್ಲ - ಡಿ.ಕೆ.ಶಿವಕುಮಾರ್, ಸಚಿವ
ಮತ್ತೇಕೆ ಬಿಳಿ ಬಟ್ಟೆ ಹಾಕಿಕೊಂಡಿದ್ದೀರಿ?
---------------------

ಭಾರತೀಯರೇ ಟಿಪ್ಪು ಪುಣ್ಯತಿಥಿ ಮರೆತಿದ್ದು ನಿರಾಶಾದಾಯಕ - ಶಶಿತರೂರು, ಸಂಸದ
ಪರವಾಗಿಲ್ಲ ಬ್ರಿಟನ್ ಈಗಲೂ ಟಿಪ್ಪುವನ್ನು ನೆನಪಿಟ್ಟುಕೊಂಡಿದೆ.

---------------------

ಇಂದಿನ ಜನರು ರಾಜಕಾರಣಿಗಳು ಹಾಗೂ ಸಾಹಿತಿಗಳನ್ನು ನಂಬುವುದಿಲ್ಲ
- ಚಂದ್ರಶೇಖರ ಪಾಟೀಲ, ಸಾಹಿತಿ

ಸದ್ಯಕ್ಕೆ ಜನ ಸಾಹಿತಿಗಳನ್ನು ಕೂಡ ನಂಬುತ್ತಿಲ್ಲ.

---------------------

ಮುಖ್ಯಮಂತ್ರಿಯಾಗಬೇಕೆಂಬ ಆಕಾಂಕ್ಷೆ ನನಗೂ ಇದೆ. ಆದರೆ ಕಾಲ ಕೂಡಿಬರಬೇಕು
- ಆರ್.ವಿ.ದೇಶಪಾಂಡೆ, ಸಚಿವ
ಬಿಜೆಪಿ ಸೇರುವ ಕಾಲದ ಕುರಿತು ಕನಸಿರಬೇಕು.

---------------------
ಜನರಿಗೆ ದಡ್ಡ ನಾಯಕನ ಅಗತ್ಯವಿಲ್ಲ - ಯೋಗಿ ಆದಿತ್ಯನಾಥ್, ಉತ್ತರ ಪ್ರದೇಶ ಮುಖ್ಯಮಂತ್ರಿ
ನಿಮ್ಮನ್ನು ಆಯ್ಕೆ ಮಾಡಿ ತಾವು ದಡ್ಡ ಮತದಾರರು ಎನ್ನುವುದನ್ನು ಜನರು ಸಾಬೀತು ಮಾಡಿದ್ದಾರೆ.

---------------------
ಮಾತೃ ಭಾಷೆಯ ಬಗ್ಗೆ ಕೀಳರಿಮೆ ಬೇಡ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ
ಆದರೆ ನೀವು ಸಾರ್ವಜನಿಕ ವೇದಿಕೆಯಲ್ಲಿ ಆಡುವ ಭಾಷೆಯ ಬಗ್ಗೆ ಕಲ್ಲಡ್ಕಕ್ಕೆ ಕೀಳರಿಮೆ ಇದೆ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top