ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

   *ಎಚ್.ಡಿ. ದೇವೇಗೌಡರಿಗೆ ಅಧಿಕಾರದ ದುರಾಸೆ ಜಾಸ್ತಿ
- ಕೆ.ಆರ್. ಪೇಟೆ ಕೃಷ್ಣ, ಮಾಜಿ ಸ್ಪೀಕರ್
ಅದನ್ನು ದುರಾಸೆ ಎನ್ನುವುದಕ್ಕಿಂತ ಮಕ್ಕಳ ಕುರಿತ ಧೃತರಾಷ್ಟ್ರ ಪ್ರೀತಿ ಅನ್ನುವುದೇ ಚೆನ್ನ.

---------------------
 
ಕೇಂದ್ರದಲ್ಲಿ ಪ್ರಧಾನಿ ಮೋದಿಯ ಪ್ರಭಾವ ಎಷ್ಟಿದೆಯೋ ಕರ್ನಾಟಕದಲ್ಲಿ ಸಿಎಂ ಯಡಿಯೂರಪ್ಪರ ಪ್ರಭಾವವೂ ಅಷ್ಟೇ ಇದೆ

- ಕೆ.ಎನ್. ರಾಜಣ್ಣ, ಕಾಂಗ್ರೆಸ್ ಮಾಜಿ ಶಾಸಕ
ಮತದಾರರ ಪ್ರಜ್ಞಾವಂತಿಕೆಯ ಅಭಾವವೂ ಅಷ್ಟೇ ಇದೆ.

---------------------

ಅತೃಪ್ತ ಶಾಸಕರನ್ನು ಅನರ್ಹಗೊಳಿಸಿರುವುದು ಬಿಜೆಪಿಗೆ ಒಳಗೊಳಗೆ ಖುಷಿಯಾಗಿದೆ - ಬಸವರಾಜ ಹೊರಟ್ಟಿ, ವಿ.ಪ. ಸದಸ್ಯ
 ನಿಮಗೆ ಹೊರಗೊರಗೆ ಖುಷಿಯಾದಂತಿದೆ.

---------------------
 
ಬುಲೆಟ್ ಮತ್ತು ಬಾಂಬ್‌ಗಿಂತಲೂ ಅಭಿವೃದ್ಧಿಯೇ ಶಕ್ತಿಶಾಲಿ - ನರೇಂದ್ರ ಮೋದಿ, ಪ್ರಧಾನಿ
  ಅದು ಬಾಂಬ್‌ಗಿಂತ ಶಕ್ತಿಶಾಲಿ ಎನ್ನುವ ಕಾರಣಕ್ಕೆ ಅಭಿವೃದ್ಧಿಯಾಗದಂತೆ ನೋಡಿಕೊಳ್ಳುತ್ತಿದ್ದೀರಾ?
---------------------
 
ಪಾಶ್ಚಾತ್ಯ ಶಿಕ್ಷಣದಿಂದ ಇಂದಿನ ಯುವ ಜನತೆ ವಿದ್ಯೆ ಕಲಿಸಿದ ಗುರುಗಳನ್ನೇ ಮರೆಯುತ್ತಿದ್ದಾರೆ - ಕುಂಬ್ಳೆ ಸುಂದರ ರಾವ್, ಯಕ್ಷಗಾನ ಕಲಾವಿದ
ಸುರತ್ಕಲ್ ಗಲಭೆಗೆ ಪಾಶ್ಚಾತ್ಯ ಶಿಕ್ಷಣವೇ ಕಾರಣವಿರಬಹುದೇ?
---------------------
 
ಕಾಶ್ಮೀರ ವಿವಾದ ಬಗೆಹರಿಸಲು ಅಮೆರಿಕ ಅಧ್ಯಕ್ಷ ಟ್ರಂಪ್ ಮಧ್ಯಸ್ಥಿಕೆ ವಹಿಸಲು ಸಿದ್ಧವಿರುವುದಾಗಿ ಹೇಳಿರುವುದು ಪಾಕ್ ನಿರೀಕ್ಷೆಗೂ ಮೀರಿದ್ದಾಗಿದೆ - ಮುಹಮ್ಮದ್ ಖುರೇಷಿ, ಪಾಕ್ ಸಚಿವ
ಯಾರೋ ಮಧ್ಯಸ್ಥಿಕೆ ವಹಿಸಲು ಕಾಶ್ಮೀರವೆಂದರೆ, ಮದುವೆ ಸಂಬಂಧ ಅಲ್ಲ.

---------------------
 
ಗುಂಪು ಹಲ್ಲೆ, ಗೋರಕ್ಷಣೆ ವಿಚಾರ ಮುಂದಿಟ್ಟು ಕೊಂಡು ಹಿಂದೂ ಧರ್ಮದ ಹೆಸರು ಕೆಡಿಸುವ ಕೆಲಸ ನಡೆಯುತ್ತಿದೆ - ಮೋಹನ್ ಭಾಗವತ್, ಆರೆಸ್ಸೆಸ್ ಸರಸಂಘಚಾಲಕ
ಹಿಂದೂ ಧರ್ಮದ ಹೆಸರು ಕೆಡಿಸುವುದಕ್ಕಾಗಿಯೇ ಆರೆಸ್ಸೆಸ್ ಸ್ಥಾಪನೆಯಾಗಿರುವಾಗ, ಅವೆಲ್ಲದರ ಅಗತ್ಯವಿದೆಯೇ?
---------------------
 
2014 ರ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದು ನನ್ನ ಜೀವನದಲ್ಲಿ ನಾನು ಮಾಡಿದ ಅತಿದೊಡ್ಡ ತಪ್ಪು - ನಂದನ್ ನಿಲೇಕಣಿ, ಇನ್ಫೋಸಿಸ್ ಸಂಸ್ಥಾಪಕ
ತಮ್ಮ ಪರವಾಗಿ ಕರಪತ್ರ ಹಿಡಿದು ಪ್ರಚಾರ ಮಾಡಿದ್ದು ನನ್ನ ಜೀವನದ ಅತಿ ದೊಡ್ಡ ತಪ್ಪು ಎಂದು ಕಾರ್ನಾಡ್ ಆತ್ಮ ಮರುಗುತ್ತಿದೆಯಂತೆ.

---------------------
 
ಕಾಂಗ್ರೆಸ್‌ನಲ್ಲಿ ಒಬ್ಬ ಟ್ರಬಲ್ ಶೂಟರ್ ಇದ್ದರೆ, ಬಿಜೆಪಿಯಲ್ಲಿ ಹತ್ತು ಟ್ರಬಲ್ ಕಿಲ್ಲರ್ಸ್ ಇದ್ದಾರೆ - ಕಟ್ಟಾ ಸುಬ್ರಮಣ್ಯ ನಾಯ್ಡು, ಮಾಜಿ ಸಚಿವ
 
ಅಲ್ಲಿ ಕುಖ್ಯಾತ ಶೂಟರ್‌ಗಳಷ್ಟೇ ಇದ್ದಾರೆ.

---------------------
  ಲಿಂಗಾಯತ ಧರ್ಮದ ಬಗ್ಗೆ ಮಾತನಾಡಲು ಮಾಜಿ ಸಿಎಂ ಸಿದ್ದರಾಮಯ್ಯ ಲಿಂಗಾಯತರೇ?
- ಶಾಮನೂರು ಶಿವಶಂಕರಪ್ಪ, ಮಾಜಿ ಸಚಿವ
ಯಡಿಯೂರಪ್ಪರು ಲಿಂಗಾಯತರಾದರೆ ಸಿದ್ದರಾಮಯ್ಯ ಯಾಕಲ್ಲ? ಎಂದು ಲಿಂಗಾಯತ ಸ್ವಾಮೀಜಿಗಳೇ ಕೇಳಿದ್ದಾರೆ.

---------------------
  ನನ್ನನ್ನು ನಾನು ಮಾರಿಕೊಂಡಿಲ್ಲ
- ಎಚ್. ವಿಶ್ವನಾಥ್, ಅನರ್ಹ ಶಾಸಕ
ನಿಮ್ಮನ್ನು ನೀವು ಕೊಂದು ಕೊಂಡಿದ್ದೀರಿ ಅಷ್ಟೇ.

---------------------
 
ಅಧಿಕಾರವಿದ್ದರೂ ನಾವು ನಮ್ಮ ಕಾರ್ಯಕರ್ತರನ್ನು ಕಡೆಗಣಿಸಿದ್ದು ಮಹಾಪರಾಧ -ದೇವೇಗೌಡ, ಮಾಜಿಪ್ರಧಾನಿ
ಅಧಿಕಾರವಿಲ್ಲದೇ ಇರುವಾಗ ಕಾರ್ಯಕರ್ತರ ನೆನಪಾಗುವುದು ಸಹಜ.

---------------------
 
ನನ್ನ ಮಾತು ಕೇಳಲಿಲ್ಲ, ಅದಕ್ಕೆ ಸಮ್ಮಿಶ್ರ ಸರಕಾರ ಪತನವಾಯಿತು - ಸತೀಶ್ ಜಾರಕಿಹೊಳಿ. ಮಾಜಿ ಸಚಿವ
ಅಂತೂ ಪತನದ ಹಿಂದೆ ನಿಮ್ಮ ಕೈವಾಡ ಇದೆಯೆಂದಾಯಿತು.

---------------------

ನಾನು ತಪ್ಪು ದಾರಿಯಲ್ಲಿ ನಡೆದರೆ ವಿರೋಧ ಪಕ್ಷದ ಪ್ರಮುಖರು ಒಂದು ಕರೆ ಮಾಡಿದರೆ ಸಾಕು ತಪ್ಪನ್ನು ತಿದ್ದಿ ಕೊಳ್ಳುವೆ - ಯಡಿಯೂರಪ್ಪ, ಮುಖ್ಯಮಂತ್ರಿ
  ಅಂದರೆ ಆಡಳಿತ ಪಕ್ಷದ ನಾಯಕರ ಕರೆ ಸ್ವೀಕರಿಸುವುದಿಲ್ಲ ಎಂದಾಯಿತು.
---------------------
ನಾಯಕತ್ವ ಇತ್ಯರ್ಥವಾಗದಿದ್ದರೆ ಕಾಂಗ್ರೆಸ್ ಸರ್ವನಾಶ ಖಚಿತ - ಶಶಿತರೂರು, ಸಂಸದ
   
ನಾಶವಾಗುವುದಕ್ಕೆ ಅಲ್ಲಿ ಉಳಿದಿರುವುದಾದರೂ ಏನು?
---------------------
 
ಅತೃಪ್ತರಿಗೂ ನಮಗೂ ಯಾವುದೇ ಸಂಬಂಧವಿಲ್ಲ - ಆರ್. ಅಶೋಕ್, ಶಾಸಕ
ಯಡಿಯೂರಪ್ಪ ಅವರಷ್ಟೇ ನೇರ ಸಂಬಂಧ ಇಟ್ಟುಕೊಂಡಿದ್ದರು ಎಂದಾಯಿತು.

---------------------
 
ರಾಜ್ಯದಲ್ಲಿ ಜೆಡಿಎಸ್ ಮತ್ತೊಮ್ಮೆ ಅಧಿಕಾರಕ್ಕೆ ಬರುವ ದಿನಗಳು ದೂರವಿಲ್ಲ -ಪ್ರಜ್ವಲ್ ರೇವಣ್ಣ, ಸಂಸದ
  ಅಂದರೆ ಮತ್ತೆ ರೆಸಾರ್ಟ್ ರಾಜಕೀಯ ಆರಂಭವಾಗಲಿದೆಯೇ?
---------------------
 

ಬುದ್ಧ ದೇವರನ್ನು ಪೂಜಿಸುತ್ತಿದ್ದ. ಹಾಗಾಗಿ ಅವನೂ ಹಿಂದೂ - ವಿಶ್ವೇಶ ತೀರ್ಥಸ್ವಾಮೀಜಿ, ಪೇಜಾವರ ಮಠ
ಮಠಕ್ಕೆ ಬಂದರೆ ಆತನನ್ನು ಯಾವ ಪಂಕ್ತಿಯಲ್ಲಿ ಕೂರಿಸುತ್ತೀರಿ?
---------------------
 
ನಾನು ಜಗತ್ತಿನಲ್ಲೇ ಅತ್ಯಂತ ಕಡಿಮೆ ಜನಾಂಗೀಯವಾದಿ ವ್ಯಕ್ತಿ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
ಜಗತ್ತು ಅಷ್ಟೇನೂ ಕೆಟ್ಟು ಹೋಗಿಲ್ಲ.

---------------------
 
ವಿಧಾನ ಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಅಪ್ಪಟ ಮಣ್ಣಿನ ಮಗ - ಗೋವಿಂದ ಕಾರಜೋಳ, ಮಾಜಿ ಸಚಿವ
ಕಾಗೆ ಹಾರಿಸುವುದೆಂದರೆ ಇದೆ.

---------------------
 
ಶೂಟಿಂಗ್ ಸೆಟ್‌ನಲ್ಲಿ ಜೀವಂತಿಕೆ ತುಂಬಿದರೆ ಚಿತ್ರದಲ್ಲಿಯೂ ಜೀವಂತಿಕೆ ಇರುತ್ತದೆ - ಹೃತಿಕ್ ರೋಷನ್, ನಟ
  ನಟನೆಯಲ್ಲೂ ಒಂದಿಷ್ಟು ಜೀವಂತಿಕೆ ಬೇಡವೇ?

---------------------

ಭಯೋತ್ಪಾದನೆಗೆ ಯಾವುದೇ ಧರ್ಮವಿಲ್ಲ - ಅಮಿತ್ ಶಾ, ಕೇಂದ್ರ ಸಚಿವ
ಅದನ್ನು ಜಗತ್ತಿಗೆ ಸಾಬೀತು ಮಾಡಿ ತೋರಿಸಿದ್ದೀರಿ.

---------------------

ಅನರ್ಹ ಶಾಸಕರ ಬೆನ್ನಿಗೆ ಬಿಜೆಪಿ ನಿಲ್ಲುವುದಿಲ್ಲ - ಪ್ರಹ್ಲಾದ್ ಜೋಷಿ, ಸಂಸದ
  ಬೆನ್ನಿಗೆ ಚೂರಿ ಹಾಕುವುದೆಂದರೆ ಇದೇ.
---------------------

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top