ಓ ಮೆಣಸೇ… | Vartha Bharati- ವಾರ್ತಾ ಭಾರತಿ

---

ಓ ಮೆಣಸೇ…

ನನಗೆ ಅಧಿಕಾರ ದಾಹ ಇಲ್ಲ - ಡಿ.ಕೆ. ಶಿವಕುಮಾರ್, ಮಾಜಿ ಸಚಿವ
  ನೀರು ಕುಡಿಸಲು ಬಂದ ಈಡಿ ಅಧಿಕಾರಿಗಳ ಮುಂದೆ ಸ್ಪಷ್ಟೀಕರಣವೇ?
---------------------

ಬಿಜೆಪಿಗೂ ಬರಲಿದೆ ಸಮ್ಮಿಶ್ರ ಸರಕಾರದ ಗತಿ - ಬಸವರಾಜ ಹೊರಟ್ಟಿ, ವಿ.ಪ. ಸದಸ್ಯ
ಒಟ್ಟಿನಲ್ಲಿ ಮತ್ತೆ ಒಂದಿಷ್ಟು ಶಾಸಕರು ಅನರ್ಹರಾಗಲು ಸಿದ್ಧರಾಗುತ್ತಿದ್ದಾರೆ ಎಂದಾಯಿತು.

---------------------

ದೇಶದ ಮುದ್ರಣ ಮಾಧ್ಯಮಗಳ ಮೇಲೆ ನನಗೆ ಅಪಾರ ವಿಶ್ವಾಸ - ಪ್ರಣವ್ ಮುಖರ್ಜಿ, ಮಾಜಿ ರಾಷ್ಟ್ರಪತಿ
ನಿಮಗೆ ಭಾರತರತ್ನ ಸಿಕ್ಕಿರುವ ವರದಿ ಸುಂದರವಾಗಿ ಮುದ್ರಣವಾಗಿರಬೇಕು.

---------------------

ಸಾಹಿತ್ಯ ಸೃಷ್ಟಿ ತಪಸ್ಸಿನಂತಾಗಬೇಕು - ಎಸ್.ಎಲ್. ಬೈರಪ್ಪ, ಸಾಹಿತಿ
ಕಪಟ ಸನ್ಯಾಸಿಯ ತಪಸ್ಸು ಸಮಾಜಕ್ಕೆ ಅಪಾಯಕಾರಿ.

---------------------

ಬಿಜೆಪಿಯ ಹಿರಿಯ ಮುಖಂಡರ ನಿಧನಕ್ಕೆ ವಿರೋಧಪಕ್ಷಗಳ ವಾಮಾಚಾರವೇ ಕಾರಣ - ಪ್ರಜ್ಞಾಸಿಂಗ್, ಸಂಸದೆ
  ದೇಶದ ಆರ್ಥಿಕ ಹಿಂಜರಿತಕ್ಕೂ ಅದೇ ಕಾರಣವಾಗಿರಬೇಕಲ್ಲ?

---------------------

ಯಾವತ್ತೂ ಅಧಿಕಾರ ಬೇಡ ಎಂದು ಹೇಳಿದವನು ನಾನಲ್ಲ - ಎಸ್. ಅಂಗಾರ, ಶಾಸಕ
ದುರದೃಷ್ಟಕ್ಕೆ ಬೇಕಾ? ಎಂದು ಯಾರೂ ಕೇಳಿಲ್ಲ.

---------------------

ಬಿಜೆಪಿ ಹೈಕಮಾಂಡ್‌ಗೆ ಸಿಎಂ ಯಡಿಯೂರಪ್ಪ ಒಲ್ಲದ ಶಿಶು - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಶಿಶು-ಪಾಲನ ತಲೆದಂಡಕ್ಕೆ ತಪ್ಪುಗಳನ್ನು ಕಲೆ ಹಾಕಲಾಗುತ್ತಿದೆ.

---------------------

ನಾನು ಜೆಡಿಎಸ್ ಮೂಲದವ, ಬಿಜೆಪಿ ಸಿದ್ಧಾಂತ ಒಪ್ಪಿಕೊಳ್ಳಲು ಕಷ್ಟವಾಗುತ್ತಿದೆ - ಗೂಳಿಹಟ್ಟಿ ಶೇಖರ್, ಶಾಸಕ
ಗೂಳಿಯ ಬೀಜ ಒಡೆದ ಬಳಿಕವೇ ಬಿಜೆಪಿಗೆ ಸೇರಿಸಲಾಗುತ್ತದೆ.

---------------------

ನನ್ನನ್ನು ಮುಗಿಸಲು ಬಂದವರೆಲ್ಲ ಮುಳುಗಿ ಹೋಗಿದ್ದಾರೆ - ದೇವೇಗೌಡ, ಮಾಜಿ ಪ್ರಧಾನಿ
ರಾಮಕೃಷ್ಣ ಹೆಗಡೆಯವರಿಗೆ ಹೀಗೊಂದು ಶ್ರದ್ಧಾಂಜಲಿ.

---------------------

ರಾಜ್ಯದಲ್ಲಿ ಜೆಡಿಎಸ್ - ಕಾಂಗ್ರೆಸ್ ಮೈತ್ರಿ ಸರಕಾರ ಪತನಕ್ಕೆ ಬಿಜೆಪಿಯ ಕೆಲವು ಶಕುನಿಗಳು ಕಾರಣ - ವಿ.ಎಸ್. ಉಗ್ರಪ್ಪ, ಮಾಜಿ ಸಚಿವ
ಜೆಡಿಎಸ್-ಕಾಂಗ್ರೆಸ್‌ನೊಳಗೆ ಶಕುನಿಗಳಿಗೇನು ಬರವೇ?
 ---------------------

ಶಿಕ್ಷಣ ಮತ್ತು ಸಾಹಿತ್ಯ ಜೋಡೆತ್ತುಗಳಿದ್ದಂತೆ - ಎಚ್.ಎಸ್. ವೆಂಕಟೇಶ ಮೂರ್ತಿ, ಸಾಹಿತಿ
ಸೆಗಣಿಯಂತೆ ಹೊರಬರುತ್ತಿರುವ ಸಾಹಿತ್ಯ ಮತ್ತು ಪದವೀಧರರನ್ನು ನೋಡುವಾಗ ನಿಜ ಅನ್ನಿಸುತ್ತದೆ.

---------------------

ನರೆಂದ್ರ ಮೋದಿಗೆ ಇಂಗ್ಲಿಷ್ ಚೆನ್ನಾಗಿ ಗೊತ್ತು ಆದರೆ ಮಾತನಾಡಲು ಇಷ್ಟವಿಲ್ಲ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ
ಅವರು ಇಂಗ್ಲಿಷ್ ಮಾತನಾಡಿದ ಕಾರಣಕ್ಕಾಗಿಯೇ ಬ್ರಿಟಿಷರು ದೇಶ ಬಿಟ್ಟು ಹೋದರಂತೆ.

---------------------

ಅತೃಪ್ತಿ ಎಲ್ಲ ಕಾಲದಲ್ಲೂ ಇದ್ದದ್ದೇ - ಯಡಿಯೂರಪ್ಪ, ಮುಖ್ಯಮಂತ್ರಿ
ಎಲ್ಲ ಕಾಲದಲ್ಲೂ ಅತೃಪ್ತಿಯೇ ಸರಕಾರವನ್ನು ಬಲಿತೆಗೆದುಕೊಂಡಿರುವುದು ಎನ್ನುವ ಎಚ್ಚರಿಕೆಯೂ ಇರಲಿ.

---------------------

ಪಕ್ಷ ನಿಷ್ಠೆಯೇ ನನ್ನ ಶಕ್ತಿ ಮತ್ತು ದೌರ್ಬಲ್ಯ - ಸಿ.ಟಿ. ರವಿ, ಸಚಿವ
ಆ ದೌರ್ಬಲ್ಯದ ಕಾರಣಕ್ಕಾಗಿ ಕನ್ನಡ ಬಾವುಟದ ಮೇಲೆ ಶಕ್ತಿ ಪ್ರದರ್ಶನವೇ?

---------------------

ಮುಖ್ಯಮಂತ್ರಿ ಯಡಿಯೂರಪ್ಪರಿಗೆ ಇನ್ನಷ್ಟು ಬಲ ನೀಡಲು ಉಪಮುಖ್ಯಮಂತ್ರಿ ಹುದ್ದೆ ಸೃಷ್ಟಿ ಮಾಡಲಾಗಿದೆ - ಡಾ. ಸಿ.ಎಸ್. ಅಶ್ವತ್ಥ ನಾರಾಯಣ, ಉಪಮುಖ್ಯಮಂತ್ರಿ
ಒಟ್ಟಿನಲ್ಲಿ ಯಡಿಯೂರಪ್ಪ ಪಾಲಿನ ಬಲ ಪಂಥೀಯರು ನೀವು.

---------------------

ಉಪಮುಖ್ಯಮಂತ್ರಿ ಎಂಬುದು ಅಸಾಂವಿಧಾನಿಕ ಹುದ್ದೆ - ಜಗದೀಶ ಶೆಟ್ಟರ್, ಸಚಿವ
ಅಸಾಂವಿಧಾನಿಕವಾಗಿ ರಚನೆಯಾದ ಸರಕಾರದಲ್ಲಿ ಎಲ್ಲವೂ ನಡೆಯುತ್ತದೆ.

---------------------

ಹಳೆ ಬೇರಿನೊಂದಿಗೆ ಹೊಸ ಚಿಗುರು ಎಂಬಂತೆ ನೂತನ ಮಂತ್ರಿ ಮಂಡಲ ರಚನೆಯಾಗಿದೆ - ಡಿ.ವಿ. ಸದಾನಂದ ಗೌಡ, ಕೇಂದ್ರ ಸಚಿವ
ಯಾವ ಮರದ ಚಿಗುರು ಎನ್ನುವುದನ್ನು ಕಾದು ನೋಡಬೇಕು.

---------------------

ಆರ್‌ಬಿಐ ನಿಂದ ಕೇಂದ್ರ ಸರಕಾರ ದುಡ್ಡು ಎತ್ತಿದ್ದು ಕಳ್ಳತನಕ್ಕೆ ಸಮ - ರಾಹುಲ್‌ ಗಾಂಧಿ, ಕಾಂಗ್ರೆಸ್ ನಾಯಕ
  ಕಳ್ಳರು ಹಾಡಹಗಲೇ ಕದಿಯುವುದಿಲ್ಲ.
---------------------

ದೇಶದ ಭದ್ರತೆ ಬಲವಾಗಿರದಿದ್ದರೆ ಆರ್ಥಿಕ ಪ್ರಗತಿ ಸಾಧ್ಯವಿಲ್ಲ - ಅಮಿತ್ ಶಾ, ಕೇಂದ್ರ ಸಚಿವ
ಅದಕ್ಕಾಗಿ ಸೇನೆ, ಪೊಲೀಸ್ ಇಲಾಖೆಯೊಳಗೆ ಬಲ ಪಂಥೀಯರನ್ನು ತುರುಕುತ್ತಿದ್ದೀರಿ.

---------------------

ನಮ್ಮ ಪಕ್ಷದ ನಾಯಕರೇ ನನ್ನನ್ನು ಸೋಲಿಸಿದರು - ಕೆ.ಎಚ್. ಮುನಿಯಪ್ಪ, ಕಾಂಗ್ರೆಸ್ ನಾಯಕ
ಯಾರೇ ಇರಲಿ, ಒಳ್ಳೆಯ ಕೆಲಸವನ್ನೇ ಮಾಡಿದರು.

---------------------

ನನ್ನನ್ನು ಜೈಲಿಗಟ್ಟಿದರೂ ನಾನು ಬಿಜೆಪಿಗೆ, ಮೋದಿ ಸರಕಾರಕ್ಕೆ ತಲೆ ಬಾಗುವುದಿಲ್ಲ - ಮಮತಾ ಬ್ಯಾನರ್ಜಿ, ಪ.ಬಂ.ಮುಖ್ಯಮಂತ್ರಿ
ಜೈಲಿಗಟ್ಟುವ ಕೆಲಸ ಅದೇನು ಮಾಡಿದ್ದೀರಿ?

---------------------

ನನ್ನ ಜಾತಿಯನ್ನೇ ಮಾನದಂಡ ಮಾಡಿಕೊಂಡು ಮಂತ್ರಿಸ್ಥಾನ ನೀಡುವುದಾದರೆ ನನಗೆ ಬೇಡ - ಹಾಲಾಡಿ ಶ್ರೀನಿವಾಸ ಶೆಟ್ಟಿ, ಶಾಸಕ
ಜಾತಿ ಬಿಟ್ಟರೆ ತಮಗೆ ಸ್ಥಾನಮಾನ ನೀಡಲು ಬೇರೆ ಇರುವ ಅರ್ಹತೆಯನ್ನಾದರೂ ಹೇಳಿ.

---------------------
ಮುಖ್ಯಮಂತ್ರಿ ಯಡಿಯೂರಪ್ಪರ ಕಾರ್ಯವೈಖರಿ ಕಂಡು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೊಟ್ಟೆ ಕಿಚ್ಚು ಪಡುತ್ತಿದ್ದಾರೆ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ಆ ಮಟ್ಟಿಗೆ ದುಡ್ಡು ದೋಚುತ್ತಿದ್ದಾರೆಯೇ?

---------------------

ಭಾರತದ ಅರ್ಥವ್ಯವಸ್ಥೆ ವಿಶ್ವದಲ್ಲಿಯೇ ಅತ್ಯಂತ ವೇಗವಾಗಿ ಬೆಳೆಯುತ್ತಿದೆ - ಅಮಿತ್ ಶಾ, ಕೇಂದ್ರ ಸಚಿವ
ಬಹುಶಃ ಬೆಳೆಯುತ್ತಿರುವ ಸಾಲವನ್ನೇ ಅರ್ಥವ್ಯವಸ್ಥೆ ಎಂದು ತಿಳಿದಿರಬೇಕು.

---------------------

ಯೋಗ ನನ್ನನ್ನು ಮುನ್ನಡೆಸುತ್ತಿದೆ - ನರೇಂದ್ರ ಮೋದಿ, ಪ್ರಧಾನಿ
ದೇಶವನ್ನು ಹಿನ್ನಡೆಸುತ್ತಿರುವುದು ಯಾವುದು?

---------------------
ನಾವು ಕಟ್ಟಿದ ಮನೆಯಲ್ಲಿ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಂಸಾರ ಮಾಡುತ್ತಿದ್ದಾರೆ - ಎಂ.ಟಿ.ಬಿ. ನಾಗರಾಜ್, ಅನರ್ಹ ಶಾಸಕ
ಮನೆ ಕಟ್ಟಿದವರೇ ಸಂಸಾರ ಮಾಡುವುದಾಗಿದ್ದರೆ, ಬೆಂಗಳೂರಿನಲ್ಲಿರುವ ಎಲ್ಲ ಮಹಡಿ ಮನೆಗಳಲ್ಲೂ ಉತ್ತರ ಕರ್ನಾಟಕದ ಕಟ್ಟಡ ಕಾರ್ಮಿಕರು ವಾಸಿಸಬೇಕಾಗಿತ್ತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top