ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

ಓ ಮೆಣಸೇ...

ಹಿಂದೂ ಧರ್ಮಕ್ಕಾಗಿಯೇ ನಾನು ನನ್ನ ಜೀವನವನ್ನು ಮುಡಿಪಾಗಿರಿಸಿದ್ದೇನೆ - ಸಾಧ್ವಿ ಪ್ರಜ್ಞಾಸಿಂಗ್‌ಟಾಗೋರ್, ಸಂಸದೆ
ವಿವೇಕಾನಂದರ ಹಿಂದೂ ಧರ್ಮವನ್ನು ನಾಶಗೊಳಿಸುವುದಕ್ಕಾಗಿ ಬದುಕನ್ನು ಮುಡಿಪಾಗಿಟ್ಟಿರಬೇಕು.

---------------------

ನೆಗಡಿ, ಕೆಮ್ಮು, ಜ್ವರ ಬಂದರೆ ಕಡ್ಡಾಯವಾಗಿ ತಪಾಸಣೆ ಮಾಡಿಕೊಳ್ಳಬೇಕು. ನಿರಾಕರಿಸಿದರೆ ಕಾನೂನು ಕ್ರಮ ತೆಗೆದುಕೊಳ್ಳಲಾಗುವುದು - ಶ್ರೀರಾಮುಲು, ಸಚಿವ

ತಪಾಸಣೆಯ ಶುಲ್ಕದ ಕುರಿತಂತೆಯೂ ಕ್ರಮ ತೆಗೆದುಕೊಂಡಿದ್ದರೆ ಚೆನ್ನಾಗಿತ್ತು.

---------------------

ರಾಜ್ಯ ಸರಕಾರಕ್ಕೆ ಸಾಮಾನ್ಯ ಜ್ಞಾನವೂ ಇಲ್ಲ - ಡಿ.ಕೆ.ಶಿವಕುಮಾರ್, ಕಾಂಗ್ರೆಸ್ ಮುಖಂಡ

ಅಸಾಮಾನ್ಯ ಜ್ಞಾನದ ಪರಿಣಾಮದಿಂದ ರಚನೆಯಾಗಿರುವ ಸರಕಾರವಂತೆ.

---------------------

ನಾನು ಅತೃಪ್ತ ಬಿಜೆಪಿಗರ ಸಭೆ ನಡೆಸಿಲ್ಲ , ನಡೆಸುವುದೂ ಇಲ್ಲ - ಪ್ರಹ್ಲಾದ್‌ಜೋಷಿ, ಕೇಂದ್ರ ಸಚಿವ

ನಿಮ್ಮ ಜೊತೆಗೆ ತೃಪ್ತರಾಗಿರುವ ಬಿಜೆಪಿಗರ ಸಭೆ ನಡೆಸಿದ್ದೀರಿ ಎಂದಾಯಿತು.

---------------------
ಬಿಜೆಪಿಯಲ್ಲಿ ಸಿಎಂ ಆಗಲು 75ವರ್ಷ ವಯಸ್ಸಿನವರೆಗೆ ಅವಕಾಶ ಇದೆ. ಹಾಗಾಗಿ ಒಂದಲ್ಲ ಒಂದು ದಿನ ಸಿಎಂ ಆಗಿಯೇ ಆಗುತ್ತೇನೆ- ಉಮೇಶ್ ಕತ್ತಿ, ಶಾಸಕ

ಕೈಯಲ್ಲಿ ಕತ್ತಿ ಹಿಡಿದು ಕಾಯುತ್ತಿರಿ.

---------------------

ಸೂರ್ಯ ಹುಟ್ಟುವುದು, ಮುಳುಗುವುದು ಎಷ್ಟು ಸತ್ಯವೋ ರಾಜ್ಯದಲ್ಲಿ ಬಿಜೆಪಿ ಸರಕಾರ ಮೂರು ವರ್ಷ ಇರುವುದು ಅಷ್ಟೇ ಸತ್ಯ - ಲಕ್ಷ್ಮಣ ಸವದಿ, ಉಪಮುಖ್ಯಮಂತ್ರಿ
ನಿಮ್ಮ ಪ್ರಕಾರ ಸೂರ್ಯ ಹುಟ್ಟುವುದು, ಮುಳುಗುವುದು ಮೂರು ವರ್ಷ ಮಾತ್ರ ಇರಬೇಕು.

---------------------

ಕೊರೋನ ಸೋಂಕು ತಡೆಗೆ ಪ್ರಕೃತಿ ವಿಕೋಪ ನಿಧಿಯನ್ನು ಬಳಸಿಕೊಳ್ಳಲಾಗುವುದು - ಆರ್.ಅಶೋಕ್, ಸಚಿವ
ಪ್ರಕೃತಿ ವಿಕೋಪಗಳಿಗೆ ಇನ್ನೂ ಪರಿಹಾರ ನೀಡಿಯೇ ಇಲ್ಲವಲ್ಲ?

---------------------

ದೇಶದ ಯಾವುದೇ ಕಾನೂನನ್ನು ವಿರೋಧಿಸುವ ಮತ್ತು ಪ್ರತಿಭಟಿಸುವ ಹಕ್ಕು ಎಲ್ಲರಿಗೂ ಇದೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ 

ಆದರೆ ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ ಹಕ್ಕುಗಳಿಗೆ ವಿನಾಯಿತಿ ಇದೆ.

---------------------

ಸಂಸತ್‌ನಲ್ಲಿ ಸ್ವತಂತ್ರವಾಗಿ ಧ್ವನಿ ಎತ್ತುವ ಶಕ್ತಿಯನ್ನು ದೇವರು ನನಗೆ ನೀಡಲಿ - ರಂಜನ್ ಗೊಗೊಯಿ, ಭಾರತದ ಮಾಜಿ ಸಿಜೆಐ

ನ್ಯಾಯಾಧೀಶರಾಗಿ ಸ್ವತಂತ್ರವಾಗಿ ಧ್ವನಿಯೆತ್ತಲಾಗದೇ ಇದ್ದುದಕ್ಕೆ ದೇವರು ಕಾರಣ ಎಂಬ ಸ್ಪಷ್ಟೀಕರಣವಿರಬೇಕು.

---------------------

ಡಿಕೆಶಿ, ಸಿದ್ದು ಒಂದಾದರೆ ಕಾಂಗ್ರೆಸ್ ಮತ್ತೆ ಅಧಿಕಾರಕ್ಕೆ - ಕೆ.ಬಿ.ಕೋಳಿವಾಡ, ಮಾಜಿ ಸ್ಪೀಕರ್
ಉಳಿದ ಶಾಸಕರು ಬಿಜೆಪಿಗೆ ಮಾರಾಟವಾದರೆ?
---------------------

ಪ್ರಾದೇಶಿಕ ಪಕ್ಷಗಳು ಉಳಿಯಬೇಕಾದರೆ ಕುಟುಂಬ ರಾಜಕಾರಣ ಅನಿವಾರ್ಯ - ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

ಕುಟುಂಬ ರಾಜಕಾರಣ ಉಳಿಸುವುದಕ್ಕಾಗಿ ಪ್ರಾದೇಶಿಕ ಪಕ್ಷಗಳು ಅನಿವಾರ್ಯ.

---------------------

ಬ್ರಾಹ್ಮಣರು ಯಾರ ಶತ್ರುಗಳಲ್ಲ - ಆರ್.ವಿ.ದೇಶಪಾಂಡೆ, ಕಾಂಗ್ರೆಸ್ ಮುಖಂಡ

ಅವರು ಸಮಯಕ್ಕೆ ತಕ್ಕ ಹಾಗೆ ಶತ್ರು, ಮಿತ್ರರನ್ನು ಆರಿಸಿಕೊಳ್ಳುತ್ತಾರೆ.

---------------------

ಹಲ್ಲಿಲ್ಲದ ಹಾವಿನಂತೆ ದುರ್ಬಲವಾಗಿರುವ ಕರ್ನಾಟಕ ಲೋಕಾಯುಕ್ತವನ್ನು ಬಲಪಡಿಸಲು ಸಮಗ್ರ ಕಾಯ್ದೆ ತಿದ್ದುಪಡಿ ಅಗತ್ಯ - ಕೆ.ಆರ್.ರಮೇಶ್‌ಕುಮಾರ್, ಮಾಜಿ ಸ್ಪೀಕರ್
ರಬ್ಬರ್ ಹಾವಿಗೆ ಹಲ್ಲು ಜೋಡಿಸಿದರೆ ಪ್ರಯೋಜನವಿದೆಯೇ?

---------------------

2021ರ ತಮಿಳುನಾಡು ವಿಧಾನ ಸಭೆ ಚುನಾವಣೆಯಲ್ಲಿ ರಾಜಕೀಯ ಸುನಾಮಿ ಉಂಟಾಗಲಿದೆ - ರಜನಿಕಾಂತ್, ನಟ

ಆ ಸುನಾಮಿಯಲ್ಲಿ ನಿಮ್ಮ ವಿಗ್ ಹಾರಿ ಹೋಗದಂತೆ ಕಾಪಾಡಿಕೊಳ್ಳಿ.

---------------------

ಹಾದಿ ಬೀದಿಗಳಲ್ಲಿ ನಿಂತು ಮಾತನಾಡಿದರೆ ಸಂವಿಧಾನ ಬದಲಾವಣೆ ಮಾಡಲು ಆಗುವುದಿಲ್ಲ - ಗೋವಿಂದ ಕಾರಜೋಳ, ಉಪಮುಖ್ಯಮಂತ್ರಿ

ಸಂವಿಧಾನ ಬದಲಾಯಿಸುವವರು ಇದೀಗ ಸಂಸತ್ತಿನಲ್ಲೇ ಮಾತನಾಡುತ್ತಿದ್ದಾರೆ.

---------------------

ಜಗತ್ತನ್ನೇ ಸ್ತಬ್ಧಗೊಳಿಸಿರುವ ಕೊರೋನ ವೈರಸ್ ಚೀನಾದ ವೈರಸ್ ಆಗಿದೆ - ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ

ಚೀನಾದ ಉತ್ಪನ್ನಗಳ ವ್ಯಾಲಿಡಿಟಿ ತೀರಾ ಕಡಿಮೆ ಎನ್ನುವ ಕಾರಣಕ್ಕೇ ಜಗತ್ತು ಇನ್ನೂ ಒಂದಿಷ್ಟು ಆಸೆ ಉಳಿಸಿಕೊಂಡಿದೆ.

---------------------

ಕೇಂದ್ರ ಸರಕಾರ ಮಾಡಿದ್ದು( ಅನುದಾನ ಹಂಚಿಕೆಯಲ್ಲಿ ರಾಜ್ಯಕ್ಕೆ ಅನ್ಯಾಯ) ಸದುದ್ದೇಶದ ಅನ್ಯಾಯ - ಸಿ.ಟಿ.ರವಿ, ಸಚಿವ

ಮೋದಿಯವರು ಅನ್ಯಾಯ ಮಾಡಿದರೂ ಅದರಲ್ಲಿ ಸದುದ್ದೇಶ ಇರುತ್ತದೆ ಎಂದಾಯಿತು.

---------------------

ಕೊರೋನ ವಿರುದ್ಧದ ಹೋರಾಟ ‘ಟೆಸ್ಟ್’ ಕ್ರಿಕೆಟ್ ಇದ್ದಂತೆ - ಸಚಿನ್ ತೆಂಡುಲ್ಕರ್, ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ

ಸದ್ಯಕ್ಕೆ ಕ್ರಿಕೆಟ್ ತಾರೆಯರೂ ಕೊರೋನ ಟೆಸ್ಟ್ ಮಾಡಿಸಬೇಕಾಗಿದೆ.

---------------------

ಕಾಂಗ್ರೆಸ್‌ನಲ್ಲಿ ಯಾರೂ ಹೆಚ್ಚಲ್ಲ , ಯಾರೂ ಕಡಿಮೆ ಅಲ್ಲ, ಎಲ್ಲರೂ ಸಮಾನರು - ಡಿ.ಕೆ.ಶಿವಕುಮಾರ್, ಕಾಂಗ್ರೆಸ್ ಅಧ್ಯಕ್ಷ

ಅಧಿಕಾರ ಹಂಚುವಾಗ ಮಾತ್ರ ಕೆಲವು ಹೆಚ್ಚು ಸಮಾನರು.

---------------------

ಕಾಂಗ್ರೆಸ್ ಸರಕಾರ (ಮಧ್ಯಪ್ರದೇಶ) ಪತನವಾಗಿರುವುದಕ್ಕೆ ಅದರ ಆಂತರಿಕ ಕಚ್ಚಾಟವೇ ಕಾರಣ - ಶಿವರಾಜ್‌ಸಿಂಗ್ ಚೌಹಾಣ್, ಮ.ಪ್ರ. ಮಾಜಿ ಮುಖ್ಯಮಂತ್ರಿ ಕೊರೋನ ಕಾರಣ ಎನ್ನಲಿಲ್ಲವಲ್ಲ, ಸದ್ಯಕ್ಕೆ.

---------------------

ಮಹಿಳೆಯ ಗೌರವವನ್ನು ಖಾತರಿಪಡಿಸಿಕೊಳ್ಳುವುದು ಅತ್ಯಂತ ಮಹತ್ವದ ಕೆಲಸ - ನರೇಂದ್ರಮೋದಿ, ಪ್ರಧಾನಿ

ಪತಿಯಿಂದ ಪರಿತ್ಯಜಿಸಲ್ಪಟ್ಟ ಮಹಿಳೆಯೊಬ್ಬರು ಗುಜರಾತ್‌ನಲ್ಲಿ ಆ ಗೌರವದ ಖಾತರಿಯಲ್ಲಿದ್ದಾರೆ.

---------------------

ಯೋಗ, ಧ್ಯಾನದಿಂದ ನಾನು ದೈಹಿಕ ಹಾಗೂ ಮಾನಸಿಕವಾಗಿ ಫಿಟ್ ಇದ್ದೇನೆ - ವಿದ್ಯಾಬಾಲನ್, ನಟಿ
ಗೋಮೂತ್ರವನ್ನು ಯಾಕೆ ಕೈ ಬಿಟ್ಟಿರಿ?

---------------------

ಸದ್ಯದ ಸ್ಥಿತಿಯಲ್ಲಿ ಯಾರೂ ಕೋಳಿ, ಕುರಿ, ಮೀನು, ಮೊಟ್ಟೆ ಸೇರಿದಂತೆ ಮಾಂಸಾಹಾರ ಸಂಪೂರ್ಣ ತ್ಯಜಿಸಬೇಕು - ಕೆ.ಎಸ್. ಈಶ್ವರಪ್ಪ, ಸಚಿವ

ಗೋಮೂತ್ರ ಕುಡಿದು, ಸೆಗಣಿ ತಿಂದು ಬದುಕಬೇಕೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top