ಓ ಮೆಣಸೇ...

ಕಾಂಗ್ರೆಸ್ ಈಗ ಆತ್ಮಹತ್ಯಾ ಬಾಂಬರ್‌ನ ಪಾತ್ರಕ್ಕೆ ಸಿದ್ಧವಾದಂತಿದೆ -ಸಂಬಿತ್ ಪಾತ್ರಾ, ಬಿಜೆಪಿ ವಕ್ತಾರ

ಬಿಜೆಪಿಯ ವಿರುದ್ಧವಾಗಿದ್ದರೆ ದೇಶಕ್ಕೆ ಎರಡು ಲಾಭ. ಒಂದೆಡೆ ಕಾಂಗ್ರೆಸ್ ಮತ್ತೊಂದೆಡೆ ಬಿಜೆಪಿ ಎರಡೂ ಇಲ್ಲದಂತಾಗುತ್ತದೆ.

---------------------

ಸಿದ್ದರಾಮಯ್ಯರ ಪಕ್ಷ ನಿಷ್ಠೆ ಪ್ರಶ್ನಾತೀತ -ಆರ್.ಶಂಕರ್, ಸಚಿವ

ಅಂದರೆ ಅದನ್ನು ಯಾರೂ ಪ್ರಶ್ನೆ ಮಾಡಬಾರದು ಎಂಬ ಎಚ್ಚರಿಕೆಯೇ?

---------------------

ಸದ್ಯ ಭಾರತ ಅತ್ಯಂತ ಅಪಾಯಕಾರಿ ಆಡಳಿತಗಾರರ ಕೈಯಲ್ಲಿದೆ - ಸೋನಿಯಾ ಗಾಂಧಿ, ಕಾಂಗ್ರೆಸ್ ನಾಯಕಿ

ಹಾಗೆಯೇ ದುರ್ಬಲ ವಿರೋಧಪಕ್ಷಗಳ ಕೈಯಲ್ಲಿ.

---------------------

ಸಮ್ಮಿಶ್ರ ಸರಕಾರ ಕನ್ನಡದ ಧಾರಾವಾಹಿ ‘ಮನೆಯೊಂದು ಮೂರು ಬಾಗಿಲು’ ಎಂಬಂತಾಗಿದೆ -ಸುರೇಶ್ ಅಂಗಡಿ, ಸಂಸದ 

ಬಾಗಿಲೇ ಇಲ್ಲದ ಕೇಂದ್ರ ಸರಕಾರಕ್ಕಿಂತ ವಾಸಿ.

---------------------

ಪಕ್ಷ ಬಯಸಿದರೆ ಲೋಕಸಭೆಗೆ ಸ್ಪರ್ಧಿಸಲು ಸಿದ್ಧ -ಬಿ.ವೈ.ರಾಘವೇಂದ್ರ, ಮಾಜಿ ಶಾಸಕ

ಬಯಸದಿದ್ದರೆ ಬಂಡಾಯ ಸ್ಪರ್ಧೆಯೇ?

---------------------

ನರೇಂದ್ರ ಮೋದಿ ಆಡಳಿತದಿಂದಾಗಿ ಉತ್ತಮ ದಿನಗಳು ನಮ್ಮ ಮುಂದೆ ಬಂದಿದೆ -ಕೋಟ ಶ್ರೀನಿವಾಸ ಪೂಜಾರಿ,  ವಿ.ಪ..ವಿ.ನಾಯಕ

ಬರೇ ನಿಮ್ಮ ಮುಂದೆ ಬಂದರೆ ಆಯಿತೇ, ದೇಶದ ಜನರ ಮುಂದೆ ಬರಬೇಡವೆ?

---------------------
 
ದೇಶಕ್ಕೆ ಸ್ವಾತಂತ್ರ ದೊರಕಿದ್ದು ಪುಕ್ಕಟೆ ಉಪವಾಸ ಕುಳಿತವರಿಂದಲ್ಲ - ಅನಂತಕುಮಾರ್ ಹೆಗಡೆ, ಕೇಂದ್ರ ಸಚಿವ

ಸಾವರ್ಕರ್ ಬ್ರಿಟಿಷರಿಗೆ ಕೊಟ್ಟ ಕ್ಷಮಾಪನೆ ಪತ್ರವನ್ನು ಮನ್ನಿಸಿ ಬ್ರಿಟಿಷರು ಸ್ವಾತಂತ್ರ ಕೊಟ್ಟರಂತೆ.

---------------------

ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಸಂಖ್ಯಾಬಲ ಮೂರು ಪಟ್ಟು ಹೆಚ್ಚಲಿದೆ -ಪಿ.ಚಿದಂಬರಂ, ಕೇಂದ್ರದ ಮಾಜಿ ಸಚಿವ

ಇವಿಎಂನ್ನು ನಿಮ್ಮ ಪರವಾಗಿ ಬದಲಿಸುವ ಸೂಚನೆ ಸಿಕ್ಕಿದೆಯೇ?

---------------------

ನಾನು ಇನ್ನು ಮುಂದೆ ಖುಷಿಯಾಗಿ, ಹಸನ್ಮುಖಿಯಾಗಿರುತ್ತೇನೆ -ನರೇಂದ್ರ ಮೋದಿ, ಪ್ರಧಾನಿ

ಆದರೆ ಜನಸಾಮಾನ್ಯರ ಗತಿಯೇನು?
---------------------

ಈ ದೇಶದಲ್ಲಿ ದನಗಳಿಗೆ ಇರುವಷ್ಟು ರಕ್ಷಣೆ ಮಹಿಳೆಯರಿಗಿಲ್ಲ - ಉದ್ಧವ್ ಠಾಕ್ರೆ, ಶಿವಸೇನೆ ಮುಖ್ಯಸ್ಥ

ಎತ್ತು ಸತ್ತಿತು ಎಂದು ದನದ ತಲೆಯನ್ನು ಬೋಳಿಸುವುದಿಲ್ಲ.

---------------------

ನಾನು ಸಚಿವ ಸ್ಥಾನದ ರೇಸ್‌ನಲ್ಲಿಯೇ ಇರಲಿಲ್ಲ -ಜಯಮಾಲಾ, ಸಚಿವೆ

ಕುದುರೆ ರೇಸ್‌ನಲ್ಲಿ ಕೆಲವೊಮ್ಮೆ ಓಡದ ಕುದುರೆ ಗೆಲ್ಲುವುದಿದೆ.

---------------------

ತಾರುಣ್ಯದಲ್ಲಿ ತನಗೆ ಸ್ತ್ರೀಸಂಗವಿತ್ತು, ಒಬ್ಬಳು ಪುತ್ರಿ ಇದ್ದಾಳೆ ಎಂಬ ಆರೋಪ ಸಾಬೀತಾದರೆ ಪೀಠತ್ಯಾಗಕ್ಕೂ ಸಿದ್ಧ -ವಿಶ್ವೇಶ ತೀರ್ಥ ಸ್ವಾಮೀಜಿ,  ಪೇಜಾವರ ಮಠ

ಅಂದರೆ, ಸಾಬೀತಾಗುವುದಿಲ್ಲ ಎನ್ನುವ ಧೈರ್ಯವೇ?
---------------------

ತಾಕತ್ತಿದ್ದರೆ ರಾಹುಲ್ ಗಾಂಧಿ ನನ್ನನ್ನು ಅಪ್ಪಿಕೊಳ್ಳಲಿ -ಯೋಗಿ ಆದಿತ್ಯನಾಥ್, ಉ.ಪ.ಮುಖ್ಯಮಂತ್ರಿ

ಇತ್ತೀಚೆಗೆ ಸ್ವಾಮಿಗಳು, ಯೋಗಿಗಳನ್ನು ಕಂಡರೆ ಮಹಿಳೆಯರೇಕೆ, ಪುರುಷರೇ ಹೆದರುತ್ತಾರೆ.

---------------------

ಉಪಮುಖ್ಯಮಂತ್ರಿ ಹುದ್ದೆಗೇರಿದರೂ ಸಮಾಜ ನನ್ನನ್ನು ದಲಿತನೆಂದೇ ನೋಡುತ್ತಿದೆ -ಡಾ.ಜಿ.ಪರಮೇಶ್ವರ್, ಉಪಮುಖ್ಯಮಂತ್ರಿ

ಹಾಗೆ ನೋಡಿದ ಕಾರಣಕ್ಕಾಗಿಯೇ ತಾನೆ ಆ ಹುದ್ದೆ ಸಿಕ್ಕಿರುವುದು.

---------------------

ಗೋಮಾಂಸ ಭಕ್ಷಣೆ ನಿಲ್ಲದೆ ಗುಂಪುದಾಳಿ ಹತ್ಯೆ ನಿಲ್ಲದು -ಇಂದ್ರೇಶ್ ಕುಮಾರ್, ಆರೆಸ್ಸೆಸ್ ನಾಯಕ

ಆಹಾರವಿಲ್ಲದೆ ನಡೆಯುತ್ತಿರುವ ಸಾಮೂಹಿಕ ಹತ್ಯೆಗಳು ನಿಲ್ಲುವುದು ಯಾವಾಗ?

---------------------

ನಾನು ವಚನ ಭ್ರಷ್ಟನಲ್ಲ -ಕುಮಾರ ಸ್ವಾಮಿ, ಮುಖ್ಯಮಂತ್ರಿ

ಕುಟುಂಬಕ್ಕೆ ನೀಡಿದ ವಚನವನ್ನು ಮುರಿದವರಲ್ಲ ಎಂಬ ಹೆಗ್ಗಳಿಕೆ.

-------------------

ಪ್ರಧಾನ ಮಂತ್ರಿ ಹುದ್ದೆಗೆ ಹಲವರು ಆಕಾಂಕ್ಷಿಗಳಿದ್ದಾರೆ -ತೇಜಸ್ವಿ ಯಾದವ್, ಆರ್‌ಜೆಡಿ ಮುಖಂಡ

ಜಗಳ ಬೇಡ ಎಂದು ಜನರು ಮೋದಿಯನ್ನೇ ಚುನಾಯಿಸುವ ಸಾಧ್ಯತೆ ಇದೆ.

---------------------

ಮಾಧ್ಯಮಗಳ ಬಗ್ಗೆ ನಮಗೆ ದೊಡ್ಡ ಗೌರವವಿದೆ -ಡಿ.ಕೆ.ಶಿವಕುಮಾರ್, ಸಚಿವ

ಗೌರವದ ‘ನಗದು ಬೆಲೆ’ ಎಷ್ಟು ಎಂದು ಕೆಲ ಪತ್ರಕರ್ತರು ಕೇಳುತ್ತಿದ್ದಾರೆ.

---------------------

ಬೇರೆ ಇಲಾಖೆಯಲ್ಲಿ ಹಸ್ತಕ್ಷೇಪ ಮಾಡಲು ನನಗೇನು ಹುಚ್ಚು ಹಿಡಿದಿಲ್ಲ -ಎಚ್.ಡಿ. ರೇವಣ್ಣ, ಸಚಿವ

ತಮ್ಮನಿಗೆ ಹಿಡಿದಿದೆ ಎಂದು ಪರೋಕ್ಷ ಆರೋಪವೇ?

---------------------

ಹೆಚ್ಚಿನ ಸ್ಥಾನ ಕೊಟ್ಟರೆ ಮಾತ್ರ ಮಹಾಮೈತ್ರಿ, ಇಲ್ಲವಾದರೆ ನನ್ನ ದಾರಿ ನನಗೆ - ಮಾಯಾವತಿ, ಬಿಎಸ್ಪಿ ನಾಯಕಿ 

ಆ ದಾರಿ ನಿಮ್ಮನ್ನು ಮರಳಿ ಮನೆಗೆ ತಲುಪಿಸುವ ಸಾಧ್ಯತೆಯಿದೆ.

---------------------
ಮುಖ್ಯಮಂತ್ರಿ ಕುಮಾರಸ್ವಾಮಿಗೆ ಕಾಂಗ್ರೆಸ್ ವಿಷ ಕುಡಿಸುತ್ತಿದೆ -ಪ್ರತಾಪ ಸಿಂಹ, ಸಂಸದ

ವಿಷ ಮಾರಾಟಗಾರನ ಪ್ರಲಾಪ.

---------------------

ಕಾಶ್ಮೀರ ಸಮಸ್ಯೆಗೆ ನೆಹರೂ ತಪ್ಪು ನಿರ್ಧಾರಗಳೇ ಕಾರಣ -ವಜೂಭಾಯಿವಾಲಾ, ರಾಜ್ಯಪಾಲ

ಪಿಡಿಪಿ ಜೊತೆಗೆ ಮೈತ್ರಿ ಮಾಡಿರುವುದು ನೆಹರೂ ಅಲ್ಲವಲ್ಲ?

---------------------

ನಾವು ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡು ಪಾಕಿಸ್ತಾನವನ್ನು ನಾಲ್ಕು ಭಾಗಗಳನ್ನಾಗಿ ಮಾಡಬೇಕು - ಸುಬ್ರಮಣಿಯನ್ ಸ್ವಾಮಿ, ಬಿಜೆಪಿ ನಾಯಕ

ಭಾರತವನ್ನು ಭಾಗ ಮಾಡಿ ಯಶಸ್ವಿಯಾದವರ ಕನಸು.

---------------------

ಸಂಬಂಧ ಸುಧಾರಣೆಯಲ್ಲಿ ಭಾರತ ಒಂದು ಹೆಜ್ಜೆ ಮುಂದಿಟ್ಟರೆ ನಾವು ಎರಡು ಹೆಜ್ಜೆ ಮುಂದಿಡುತ್ತೇೆ- ಇಮ್ರಾನ್ ಖಾನ್, ಪಿಐಟಿ ಅಧ್ಯಕ್ಷ

ಹಿಂದಕ್ಕೋ, ಮುಂದಕ್ಕೋ ಎನ್ನುವುದರ ಬಗ್ಗೆ ಅನುಮಾನವಿದೆ.

--------------------

ನಾನು ಬಯಸಿದ್ದಲ್ಲಿ ನಿಮಿಷದಲ್ಲಿ ಮುಖ್ಯಮಂತ್ರಿಯಾಗಬಹುದು -ಹೇಮಮಾಲಿನಿ, ಸಂಸದೆ

ಹೌದು, ಒಳ್ಳೆಯ ನಿರ್ಮಾಪಕ ಸಿಕ್ಕಿದರೆ ಸಾಕು, ಯಾವುದೇ ಸಿನೆಮಾಗಳಲ್ಲಿ ಮುಖ್ಯಮಂತ್ರಿ ಪಾತ್ರವನ್ನು ಮಾಡಬಹುದು.
 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top